កម្មករ​ខ្មែរក្រោម​ ​ជិត​ ​៣​.​០​០​០​ ​នាក់​ ​នៅ​សួន​ឧស្សាហកម្ម​ ​តឹង​ហឿ​ង​ ​ក្នុង​ខេត្ត​ ​កោះ​គង​ ​ចូលរួម​កូដកម្ម​ ​ដោយ​ក្រុមហ៊ុន​មិន​ឲ្យ​ឈប់​សម្រាក​បុណ្យចូលឆ្នាំ​ខ្មែរ​ ​និង​ត​ម្លើ​ង​ប្រាក់ខែ​

0 153

ដោយ លី​ ​ឈូ​ន​

កម្មករ​ខ្មែរក្រោម​ ​ជិត​ ​៣​.​០​០​០​ (​បី​ពាន់​) ​នាក់​ ​នៅ​រោងចក្រ​កាត់​ដេរ​ ​ស៊ី​ម៉ន​ (​T​N​H​H​ S​i​m​one​) ​នៅ​សួន​ឧស្សាហកម្ម​ ​តឹង​ ហឿ​ង​ (​Tan​ ​H​uon​g​ ) ​ក្នុង​ខេត្ត​ ​កោះ​គង​ ​ដែល​វៀតណាម​ដាក់ឈ្មោះ​ថ្មី​ថា​ (​Tie​n ​G​i​an​g​) ​ចូលរួម​ជាមួយនឹង​កម្មករ​ចម្រុះ​ជាតិសាសន៍​ ​ប្រមាណ​ ​៨​.​២​០​០​ ( ​ប្រាំ​បី​ពាន់​ពីរ​រយ​) ​នាក់​ទៀត​ ​ធ្វើ​កូដកម្ម​ទាមទារ​អត្ថប្រយោជន៍​ពលកម្ម​ ​និង​ទាមទារ​ដំ​ឡើងប្រាក់ខែ​គោល​ថែម​ ​២​០​០​.​០​០​០​ (​ម្ភៃ​ម៉ឺន​) ដុ​ង​ ​ស្មើនឹង​ប្រមាណ​ ​១​០​ ដុល្លា​អាមេរិក​ទៀត​ ​ដើម្បី​បង្គ្រប់​ឲ្យបាន​ ​៥​.​០​០​០​.​០​០​០​ (​ប្រាំ​លាន​) ដុ​ង​ ​ឬ​ស្មើនឹង​ប្រមាណ​ ​២​៥​០​ (​ពីរ​រយ​ហាសិប​) ដុល្លា​អាមេរិក​ ​ក្នុង​ ​១​ ​ខែ​ ​។​​

កម្មករ​ខ្មែរក្រោម នៅ​រោងចក្រ​កាត់​ដេរ​ ​ក្នុង​ខេត្ត​ ​កោះ​គង​ ចូលរួម​ជាមួយនឹង​កម្មករ​ចម្រុះ​ជាតិសាសន៍​ ធ្វើ​កូដកម្ម​ទាមទារ​អត្ថប្រយោជន៍​ពលកម្ម​ ​និង​ទាមទារ​ដំ​ឡើងប្រាក់ខែ​គោល ។
កម្មករ​ខ្មែរក្រោម នៅ​រោងចក្រ​កាត់​ដេរ​ ​ក្នុង​ខេត្ត​ ​កោះ​គង​ ចូលរួម​ជាមួយនឹង​កម្មករ​ចម្រុះ​ជាតិសាសន៍​ ធ្វើ​កូដកម្ម​ទាមទារ​អត្ថប្រយោជន៍​ពលកម្ម​ ​និង​ទាមទារ​ដំ​ឡើងប្រាក់ខែ​គោល ។

ក្រៅពី​ទាមទារ​ដំ​ឡើងប្រាក់ខែ​នោះ​ ​កម្មករ​ខ្មែរក្រោម​ ​បាន​ថ្កោល​ទោល​ចំពោះ​ក្រុមហ៊ុន​ ​ដែល​មិន​អនុញ្ញាត​ឲ្យ​ពួកគេ​ឈប់​សម្រាក​ ​ក្នុង​ពិធីបុណ្យ​ប្រពៃណី​ជាតិ​មានបុណ្យ​សែនដូនតា​ ​និង​បុណ្យចូលឆ្នាំ​ខ្មែរ​ ​ជាដើម​ ​។​

ចំណែក​មន្ត្រី​សហ​ព័ន្ធ​ខ្មែរ​កម្ពុជាក្រោម​ ​រំលឹក​ដល់​តំណាងរាស្ត្រ​ខ្មែរ​ ​នៅ​ក្នុង​ជួរ​រដ្ឋអំណាច​កុម្មុ​យ​និស្តុ​វៀតណាម​ ​ថា​ ​កាតព្វកិច្ច​របស់​ពួកគេ​ ​ត្រូវតែ​ជួយ​ស្វែងរក​យុត្តិធម៌​ឲ្យ​ពលរដ្ឋ​ខ្មែរក្រោម​ ​ព្រោះ​ដូនតា​ខ្មែរក្រោម​ ​មានគុណ​អំណាច​ធំធេង​ណាស់​ចំពោះ​រដ្ឋអំណាច​វៀតណាម​ ​។​ ​

កម្មករ​ខ្មែរក្រោម​មួយ​រូប​ឈ្មោះ​ សឺ​ន​ ​សុជាតិ​ ​មាន​ស្រុកកំណើត​ នៅ​ខេត្ត​ឃ្លាំង​ បានប្រាប់​វិទ្យុ​សំឡេង​កម្ពុជាក្រោម​ និង​សារ​ព័ត៌មាន​ព្រៃនគរ​ ​នៅ​ថ្ងៃ​ទី​ ​២​៦​ ​ខែកុម្ភៈ ​ថា​ ​លោក​ធ្វើការ​នៅ​ក្នុង​រោងចក្រ​កាត់​ដេរ​ ​ស៊ី​ ​ម៉ន​ (S​i​m​one​) ​នេះ​ ​ជាង​ ​១​០​ ​ឆ្នាំមក​ហើយ​ ​និងមាន​តួនាទី​​ជា​ប្រធាន​ក្រុម​ដេរ​ស​ម្ពៀ​ត​ (​កាបូប​) ​មួយ​រូប​ប៉ុណ្ណោះ​ ។​

​កម្មករ​ខ្មែរក្រោម​ ​រូប​នេះ​ ​បន្ត​ទៀត​ថា​ ​ថៅកែ​ជនជាតិ​ចិន​ ​និង​ ​មេការ​ជនជាតិ​វៀតណាម​​ ​កេងប្រវ័ញ្ច​ន៍​កម្លាំង​ពលកម្ម​របស់​កម្មករ​ណាស់​ ជាពិ​សេ​សកម្មករ​ខ្មែរក្រោម​ ​ទោះ​ជា​កម្មករ​ខិតខំ​ធ្វើល្អ​យ៉ាងណាក៏ដោយ​ ​ក៏​ពួកគេ​មិន​ដំ​ឡើងប្រាក់ខែ​គោល​ឲ្យ​ ​តាម​ការ​សន្យា​ជាមួយ​កម្មករ​នោះ​ដែរ​ ​។​

​លោក​ ​សឺ​ន​ ​សុជាតិ​៖​ ​«​ដោយសារ​ការ​គ្រប់គ្រង​របស់​យួន​ ​ចិន​ ​ខ្មែរក្រោម​យើង​បាន​ធ្វើ​ត្រឹមតែ​ប្រធាន​ក្រុម​ ​តែប៉ុណ្ណោះ​ ​។​ ​នៅ​ក្រោម​គេ​ ​អត់​សូវ​ហ៊ាន​មាត់​ ​អត់​សូវ​ហ៊ាន​តវ៉ា​អី​ទេ​ ​តែ​នេះ​មក​អំពី​វា​ធ្វើ​ហួសហេតុ​ពេក​ ​បានជា​ផ្ទុះ​ កុបកម្ម​ដូច្នេះ​ ​បាទ​ ​គឺ​ស្ម័គ្រចិត្ត​គ្នា​ធ្វើ​កូដកម្ម​អីចឹង​បាទ​ ​»​ ​។​

​កម្មករ​ខ្មែរក្រោម​វ័យ​ ​៣​៨​ ​ឆ្នាំ​រូប​នេះ ​បញ្ជាក់ឲ្យដឹង​ទៀត​ថា​ ស្រប​ក្នុង​ឱកាស​កុប្បកម្ម​នេះ​ ​លោក ​និង​កម្មករ​ខ្មែរក្រោម ​ប្រមាណជិត​ ​៣​.​០​០​០​ ​នាក់​ ​នៅ​រោងចក្រ​កាត់​ដេរ​ ​ស៊ី​ម៉ន​ (​T​N​H​H​ S​i​m​one​) ​បានថ្គោល​ទោស​ ចំពោះ​ថៅកែ​រោងចក្រ​កាត់​ដេរ​ ​ស៊ី​ម៉ន​ (​T​N​H​H​ S​i​m​one​) ​ដែល​រើសអើង​ជាតិសាសន៍​ ​ដោយមិន​អនុញ្ញាត​ឱ្យ​កម្មករ​ខ្មែរក្រោម​ ឈប់​សម្រាក​ក្នុង​ឱកាស​បុណ្យជាតិ​របស់​ខ្លួន ​តាម​ការ​ស្នើសុំ​ឲ្យបាន​ពេញលេញ​ម្ដងណា​ឡើយ​ ​។​

​លោក​ ​សឺ​ន​ ​សុជាតិ​៖​ ​«​បាទ​ ​នៅ​ខាង​ក្មួយ​ ​ដល់ពេល​បុណ្យចូលឆ្នាំ​អីចឹង​ ​បើ​អ្នកណា​ចង់​ទៅផ្ទះ​ត្រូវ​សុំច្បាប់​គេ​ឲ្យបាន​មុន​យ៉ាងតិច​មួយ​អាទិត្យ​ ​ទោះ​ជា​បែប​នេះឯង​ ​អ្នក​បានច្បាប់​ឲ្យទៅ​មាន​មួយ​ចំនួន​តិចណាស់​ ដែល​បាន​ទៅ​ធ្វើបុណ្យ​ទាន​បាន​អី​ ​។​ ​ហើយ​ភាគច្រើន​មិន​បានច្បាប់​ទៅ​ផង​ ហើយ​នៅ​រោង​ច័​ក្រ​ហ្នឹង​ ​ក៏​និមន្ត​លោក​មក​សូត្រ​មន្ត​ ​ធ្វើបុណ្យ​នៅកន្លែង​ហ្នឹង​បាទ​ ។​»​ ​។​

​ចំណែក​ព្រះសង្ឃ​ខ្មែរក្រោម​មួយ​ព្រះអង្គ​ ​គង់នៅ​វត្ត​មួយ​ក្នុង​ខេត្ត​ព​លលា​វ​ ​បានបង្ហោះ​សារ​ក្នុង​គណនីហ្វេសប៊ុក​របស់​ព្រះអង្គ​ឈ្មោះ​ គឹម​ ​មករា​ (K​i​m​ ​Ma​k​ar​a​) ​ថា​ ​ឆ្នាំនេះ​ ​មន្ត្រី​រដ្ឋការ​ត្រូវ​បាន​អនុញ្ញាត​ឲ្យ​ឈប់​សម្រាក​ ​៤​ ​ថ្ងៃ​ ​ឯ​ចំណែក​កម្មករ​ ​សិស្សានុសិស្ស​ ត្រូវ​បាន​ឈប់​សម្រាក​ ​៣​ ​ថ្ងៃ​ ​សម្រាប់​ឱកាស​ចូលបុណ្យ​ឆ្នាំ​ប្រពៃណី​ជាតិខ្មែរ​ ។​ ​សារ​បង្ហោះ​នេះ ​ធ្វើឲ្យ​ពលរដ្ឋ​ខ្មែរក្រោម​ ពិ​សេ​សកម្មករ​ ​និង​សិស្សានុសិស្ស​ ​ត្រេកអរ​សារសព្ទ​ពេញ​បណ្ដាញ​ព័ត៌មាន​សង្គម​ ​។​

​ព្រះសង្ឃ​ខ្មែរក្រោម​៖​ ​«​បី​ថ្ងៃមុន​នេះ​អាត្មា​បានឮ​សូរ​អ្នកធ្វើការ​នៅ​ខេត្ត​ប្រាប់​អាត្មា​ថា ​ឆ្នាំ​ហ្នឹង​ខ្មែរក្រោម​នឹង​មានច្បាប់​ឈប់​សម្រាក​ស៊ី​ចូលឆ្នាំ​ ​៣​ ​ថ្ងៃ​គឺ​ចាប់ពី​ថ្ងៃ​ទី​ ​១​៤​ ​១​៥​ ​១​៦​ ​ខែ​មេសា​ហ្នឹងឯង​»​ ។​

​ការ​លើកឡើង​ទាំងនេះ​ ​ស្រប​ពេល​នឹង​កម្មករ​ចម្រុះ​ជាតិសាសន៍​ជិត​ ​១​០​០​.​០​០​០​ (​មួយ​ម៉ឺន​) ​នាក់​ ​នៅ​នៅ​សួន​ឧស្សាហកម្ម​ ​តឹង​ ហឿ​ង​ (​Tan​ ​H​uon​g​ ) ​ក្នុង​ខេត្ត​ ​កោះ​គង​ ​ដែល​វៀតណាម​ដាក់ឈ្មោះ​ថ្មី​ថា​ (​Tie​n ​G​i​an​g​) ​កាលពី​ថ្ងៃ​ទី​ ​២​៥ និងថ្ងៃទី ២​៦​ ​កុម្ភៈ នាំគ្នា​ធ្វើ​កូដកម្ម​ (​មិនចូលធ្វើការ​) ​ទាមទារ​អត្ថប្រយោជន៍​ពលកម្ម​ ​និង​ទាមទារ​ដំ​ឡើងប្រាក់ខែ​គោល​ថែម​បង្គ្រប់​ឲ្យបាន​ ​៥​.​០​០​០​.​០​០​០​ (​ប្រាំ​លាន​) ដុ​ង​ ​ស្មើនឹង​ប្រមាណ​ ​២​៥​០​ (​ពីរ​រយ​ហាសិប​) ដុល្លា​អាមេរិក​ ​ក្នុង​ ១ ​ខែ​ ។​ ​និង​ស្រប​ក្នុង​ឱកាស​បុណ្យ​ចូល​ប្រពៃណី​ជាតិខ្មែរ​ ​នឹង​ចូល​មកដល់​នៅ​ពាក់កណ្ដាល​ខែ​មេសា​នេះ​ ​។​

​គាំទ្រ​ចំពោះ​ការ​លើកឡើង​ទាំងនេះ​ ​តំណាង​កម្មករ​ខ្មែរក្រោម​មួយ​រូប​ធ្វើការ​នៅ​រោងចក្រ​កម្ម​ផលិត​គ្រឿង​សង្ហារិម​ ​នៅ​ខេត្ត​វាល​ប្រឹស​ ដែល​វៀតណាម​ដាក់ឈ្មោះ​ថ្មី​ថា​ដុ​ង​ ​ណាយ​ (​Don​g​ N​a​i​) ​គឺ​យុវជន ​យឿ​ង​ ខា​យ​ ​។​ ​លោក ​យឿ​ង​ ខា​យ ​និង​កម្មករ​ខ្មែរក្រោម​ប្រមាណ​ ​៨​០​ ​នាក់​ទៀត​ ​កាលពីដើម​ខែ​មករា​នេះ​ ​បាន​ដាក់​សំណើ​ទៅ​ប្រធានរដ្ឋសភា​វៀតណាម​ ​ក្នុង​គោលបំណង​សុំ​រដ្ឋ​ភា​ជួយ​ពលរដ្ឋ​ខ្មែរក្រោម ​ឲ្យបាន​ឈប់​សម្រាក​ក្នុង​ពិធីបុណ្យ​ប្រពៃណី​ជាតិខ្មែរ​ មានបុណ្យ​សែនដូនតា​ ​និង​បុណ្យចូលឆ្នាំ​ជាដើម​ ​។​

តំណាង​កម្មករ​ខ្មែរក្រោម​រូប​នេះ​ ​បញ្ជាក់ឲ្យដឹង​ថា​ ​រហូត​មកដល់ពេលនេះ ​លោក​មិនបាន​ទាន់បាន​ទទួល​ចម្លើយ​ ពី​ស្ថាប័នរដ្ឋទាំងនៅឡើយ ហើយ​លោក​អះអាង​ថា​ ​លោក​នឹង​ព្យាយាម​ដាក់សំណើ​ជាបន្តបន្ទាប់​ទៀត​ ​តែ​បើ​រដ្ឋាភិបាល នៅតែ​មិន​អើពើ​ទៀត​នោះ​ ​ជម្រើស​ចុងក្រោយ​ ​ប្រហែលជា​នឹង​មាន​បាតុកម្ម​របស់​កម្មករ​ខ្មែរក្រោម ​កើតឡើង​ ​។​

​លោក​យឿ​ង​ ខា​យ​ ​៖​ ​«​ ​បាទ​! ចាំ​មើល​បញ្ហា​នឹង​មើលតែ​ពេលនេះ​ គេ​មិនទាន់​ឆ្លើយ​ប្រាប់​អី​ទេ​ ​ដូច្នេះ​ឯង​យើង​ពិបាក​ទទួលយក​ណាស់​ ​អីចឹង​យើង​ត្រូវតែ​ធ្វើ​ក្រ​ដាស់​ស្នើ​ទៅទៀត​ធ្វើ​ក្រដាស​ម្ដង​ហើយ​ម្ដងទៀត​ ​។​ ​តែ​ទីបំផុត​មានតែ​ ​រឿង​បាតុកម្ម​ ​អីចឹង​ចាំ​ស្ទាបស្ទង់​មើល​ទឹកចិត្ត​បងប្អូន​កម្មករ​យើង​សិន​ ​ចំពោះ​ការ​បាតុកម្ម​គឺ​សិទ្ធិ​របស់យើង​មាន​តាម​ច្បាប់អន្តរជាតិ​ ​ច្បាប់​ជាតិ​ ​ដែល​អាច​បាតុកម្ម​បាន​»​ ​។​

​ទាក់ទិន​នឹង​ករណី​នេះ​ ​ទីប្រឹក្សា​សហ​ព័ន្ធ​ខ្មែរ​កម្ពុជាក្រោម​ លោក​ទៀ​ ថេ​ន​ ​រំឭក​ដល់​តំណាងរាស្ត្រ​ខ្មែរក្រោម​ទាំង​ ​៦​ ​រូប​ ​នៅ​ក្នុង​ជួរ​រដ្ឋអំណាច​ ​នៃ​របប​កុម្មុ​យ​និស្តុ​វៀតណាម​ ថា​ ពួកគេត្រូវតែមាន​កាតព្វកិច្ច​ជួយ​ស្វែងរក​យុត្តិធម៌​ឲ្យ​ពលរដ្ឋ​ខ្មែរក្រោម​ ​ព្រោះថា​ខ្មែរក្រោម​មិនមែន​មានត្រឹមតែ​អភ័យឯកសិទ្ធិ​ជា​ជនជាតិ​ដើម​ប៉ុណ្ណោះ​ទេ​ ​តែ​ដូនតា​ខ្មែរក្រោម​ជាច្រើន​នាក់​ ​បាន​ពលី​ជីវិត​ក្នុង​សង្គ្រាម​គ្រប់​សម័យកាល​ ​ដើម្បី​បុព្វហេតុ​កសាង​ប្រទេសជាតិ​មួយ​នេះ​ ​។​

​លោក​ទៀ​ ថេ​ន​ ​៖​ ​«​បុព្វបុរស​យើង​ ដែល​តស៊ូ​ជាមួយ​យួន​កុម្មុ​យ​នី​ស្ត​ហ្នឹង​ ​ដូច្នេះ​គុណបំណាច់​ហ្នឹង​វា​ នៅ​មិនមែន​ស្លាប់​ទៅតាម​ពួកគាត់​ទេ ​គឺ​គុណបំណាច់​ទាំង​អស់ហ្នឹង​ទុក​មក​ឲ្យ​កូនចៅ​ខ្មែរក្រោម ​សម័យ​ក្រោយនេះ​ទទួល​ផល​ ​យួន​មិន​អាច​បំពារបំពាន​យើង​ដូច្នេះ​បានទេ​ ​។​ ​ដោយសារ​ខ្មែរក្រោម​មាន​គុណបំណាច់​ដូច្នេះ​ឯង​បានជា​គេ​លើក​លោក​ទាំង​ ​៦​ ​នាក់​ហ្នឹង​ឲ្យ​ជួយ​បន្ត​បំណាច​ទាំង​អស់ហ្នឹង​ ​ហើយ​សូម​អស់លោក​ទាំង​អស់ហ្នឹង​មេត្តា​យក​បំណាច់​របស់​បុព្វបុរស​យើង​​ ដែល​បាន​កសាង​មក​ ​នៅ​ក្នុង​បក្ស​កុម្មុ​យ​និស្តុ​យួន​ហ្នឹង​ណា​ ​ជួយការ​ពារ​ខ្មែរក្រោម​យើង​ ​ជួយការ​ពារ​រក​យុត្តិធម៌​ ​ដែលគេ​កំពុង​ជិះជាន់​មក​លើ​ខ្មែរក្រោម​យើង​ ​»​ ​។​

​ចាប់តាំង​ពី​ឡើង​កាន់អំណាច​នៅ​កម្ពុជាក្រោម​ទាំងស្រុង​ ​ក្រោយ​ថ្ងៃ​ទី​ ​៣​០​ ​មេសា​ឆ្នាំ​ ​១​៩​៧​៥​ ​មករ​ប​ប​កុម្មុ​យ​ន​ស្ដុ​វៀតណាម​ ​ប្រើ​គ្រប់​មធ្យោបាយ​ ​កាឡៃ​ ​និង​លុបបំបាត់​បុណ្យទាន​ ​ប្រពៃណី​ទំនៀមទម្លាប់​ខ្មែរក្រោម​ ​ដូចជា​ករណី​បង្ខំ​ឱ្យ​ពុទ្ធបរិស័ទ​ខ្មែរ ​នៅ​ខេត្ត​ឃ្លាំង​ទាំងមូល​ឲ្យ​ធ្វើបុណ្យ​កឋិន​ទាន​រួម​តែ​មួយថ្ងៃ​ ​ដែល​ផ្ទុយពី​ពុទ្ធានុញ្ញាតិ ​ឲ្យ​ធ្វើ​បាន​ ​២​៩​ ​ក្នុង​ថ្ងៃណាមួយ​ក៏បាន​ ​គិត​ចាប់ពី​ថ្ងៃ​ ​១​ ​រោច​ខែ​អស្សុជ​ ​ដល់​ថ្ងៃ​ ​១​៥​ ​កើត​ខែ​កត្តិក​ជា​រៀងរាល់​ឆ្នាំ​ ​រីឯ​ខេត្ត​ខ្លះទៀត​ឲ្យ​ធ្វើបុណ្យ​កឋិន​ទាន​តែ​ពេលថ្ងៃ​មិន​ឲ្យ​មាន​កម្មវិធី​បន្ត​ដល់ពេល​យប់​ជាដើម​ ​៕​

Leave A Reply

Your email address will not be published.