គណបក្សសង្គ្រោះជាតិ នឹង​រៀបចំក្រុម​មេធាវី អន្តរជាតិវាយ​តម្លៃ​លើបទ ឧក្រិដ្ឋដែលបានប្រព្រឹត្តដោយរដ្ឋាភិបាល

0 129

គណបក្ស​សង្គ្រោះ​ជាតិ ប្រកាសថា ខ្លួន​នឹង​រៀបចំ​ក្រុម​មេធាវី​អន្តរជាតិ ដើម្បី​ធ្វើការ​វាយតម្លៃ ទៅលើ​បទឧក្រិដ្ឋ​ដែល​បាន​ប្រ ព្រឹ​ត្ត ដោយ​កងកម្លាំងប្រដាប់អាវុធ​ដឹកនាំ​ដោយ​រដ្ឋាភិបាល នៃ​គណបក្ស​ប្រជាជន​កម្ពុជា ទៅលើ​ប្រជាពលរដ្ឋ​នាពេល កន្លង មក និង​នៅពេល​ថ្មីៗ​នេះ ដែល​ធ្វើ​ឲ្យ​មនុស្ស​ស្លាប់​ជា​បន្តបន្ទាប់ ។ ប្រសិន​បទឧក្រិដ្ឋ​ដែល​បាន​ប្រព្រឹត្ត​ដោយ​រដ្ឋាភិបាល​នោះ ជា​ផ្នែក​មួយ​នៃ​វាយប្រហារ​ឲ្យ​ស្លាប់​រង្គាល និង​ជា​ប្រពន្ធ គណបក្ស​សង្គ្រោះ​ជាតិ​នឹង​ប្ដឹងទៅ​តុលាការ​ព្រហ្មទណ្ឌ​អន្តរ ជាតិ ដើម្បី​បញ្ចប់​នូវ​បញ្ហា​នី​ទណ្ឌ​ភាព​នៅក្នុង​ប្រទេស​កម្ពុជា និង​ចាប់​ជនដៃដល់​មក​ផ្ដន្ទាទោស​តាមច្បាប់ ។​

លោក សម រង្ស៉ី និងលោក កឹម សុខា ធ្វើសន្និសីទសារព័ត៌មាន ព្រឹកថ្ងៃទី ០៧ ខែមករា ឆ្នាំ ២០១៤ ។ រូបថតៈ ស៊ឺន ចែងចើន - ព្រៃនគរ
លោក សម រង្ស៉ី និងលោក កឹម សុខា ធ្វើសន្និសីទសារព័ត៌មាន ព្រឹកថ្ងៃទី ០៧ ខែមករា ឆ្នាំ ២០១៤ ។ រូបថតៈ ស៊ឺន ចែងចើន – ព្រៃនគរ

លោក កឹម សុខា អនុប្រធាន​គណបក្ស​ស​ង្គ្រោះ​ជាតិ មានប្រសាសន៍​នៅក្នុង​សន្និសីទ​សារព័ត៌មាន​ដែល​ធ្វើឡើង​នៅ​ស្នាក់ ការ កណ្តាល គណបក្ស នៅ​ព្រឹក​ថ្ងៃ​អង្គារ នេះ​ថា គណបក្ស​សង្គ្រោះ​ជាតិ មានការ​ព្រួយបារម្ភ​ជាខ្លាំង ចំពោះ​ការកើនឡើង​នូវ​ហិង្សា​ក្នុងប្រទេស​កម្ពុជា ជាពិសេស​ក្នុង​រយៈពេល​ប៉ុន្មាន​ថ្ងៃមុខ​នេះ ដែល​ធ្វើ​ឲ្យ​កម្មករ​ស្លាប់ និង​រងរបួស​ជាច្រើន​នាក់ ។ លោក កឹម សុខា បន្តថា បើទោះជា​រដ្ឋាភិបាល​ប្រកាសថា​ខ្លួន​នឹង​បង្កើត​គណៈកម្មការ​ដើម្បី​ស៊ើបអង្កេត​លើ​ហេតុការណ៍​នេះ​ក៏ ដោយ ប៉ុន្តែ​បញ្ហា​និ​ទណ្ឌ​ភាព លោក​ជឿថា នៅតែ​កើតមាន ព្រោះ​ការស៊ើបអង្កេត​របស់រ​ដ្ឋា​ភិ​បាល មិន​បង្ហាញ​ពី​ភាព​ឯករាជ្យ​ឡើយ ដែល​ករណីនេះ លោក​ថា គណបក្ស​សង្គ្រោះ​ជាតិ នឹង​រៀបចំ​ក្រុម​មេធាវី​អន្តរជាតិ​មួយ ក្រោម​ការដឹកនាំ​របស់​លោក រី​ឆា​ច រី​ច​ឆឺ មេធាវី​អន្តរជាតិ ដើម្បី​ធ្វើការ​វាយតម្លៃ​លើ​បទឧក្រិដ្ឋ​នេះ ។​

​លោក កឹម សុខា បាន​ថ្លែងថា​៖

“​ថ្ងៃនេះ គណបក្ស​សង្គ្រោះ​ជាតិ សូម​ប្រកាស​ដល់​សាធារណជន​ឲ្យ​បាន​ជ្រាបថា យើង​នឹង​រៀបចំ​ក្រុម​មេធាវី អន្តរជាតិ​មួយ ដើម្បី​ធ្វើការ​វាយតម្លៃ ជុំវិញ​បទឧក្រិដ្ឋ​ទាំងឡាយ ដែល​បាន​ប្រព្រឹត្ត​ដោយ​កង កម្លាំង​ប្រដាប់ អាវុធ​ដឹកនាំ ដោយ​គណ បក្ស​ប្រជាជន នៅក្នុង​ប្រទេស​កម្ពុជា កន្លងមក និង​ថ្មីៗ​នេះ ។ ….. ការ​វាយ តម្លៃ​កំរិត នៃ​បទឧក្រិដ្ឋ​ទាំងនោះ ប្រ សិន បើ​រកឃើញថា ឧក្រិដ្ឋកម្ម​ដែល​ប្រព្រឹត្ត​ដោយ​កងកម្លាំង ប្រដាប់អាវុធ​នោះ ជា​ផ្នែក​មួយ វាយប្រហារ ដោយ​រង្គាល ឬ ជា​ប្រព័ន្ធ នោះ​មានន័យថា​បទ ឧក្រិដ្ឋ​ប្រឆាំងនឹង​មនុស្សជាតិ ។ …… ដូច្នេះ ក្រុម​មេធាវី អន្តរជាតិ​នឹងដាក់​ពាក្យ បណ្ដឹង​ទៅ តុលាការ ព្រហ្មទណ្ឌ អន្តរជាតិ ICC” ។​

លោក កឹម សុខា អនុប្រធាន​គណបក្ស​ស​ង្គ្រោះ​ជាតិ បន្តថា បើ​ការស៊ើបអង្កេត​មាន​ទឡ្ហី​ករ និង​ភស្តុតាង​គ្រប់គ្រាន់​នោះ គណបក្ស​នឹងដាក់​ពាក្យបណ្តឹង​ទៅ​តុលាការ​ឧក្រិដ្ឋកម្ម​អន្តរជាតិ នៅ ទីក្រុង​ឡាអេ ប្រទេស​ហូ​ឡង់ ដើម្បី​រក​យុត្តិធម៌​ជូន​ជនរងគ្រោះ និង​ចាប់​ជនល្មើស​យកមក​ផ្តន្ទាទោស​តាមច្បាប់ ។ តែ​ទោះជា​យ៉ាងណា លោក​ថា បើ​ការស្វែងរក​ភស្តុតាង​មិនទាន់​ចូលក្នុង​ដែន​យុ​ត្តិ​ការ​របស់​តុលាការអន្តរជាតិ ក៏​អាច​ឲ្យ​អ្នកប្រព្រឹត្តិ​បទឧក្រិដ្ឋ​មានការ​ប្រុងប្រយ័ត្ន​កុំ​ឲ្យ​ប្រព្រឹត្តិ​បទ ល្មើស បន្តទៀត ហើយ​បញ្ឈប់​នូវ​រាល់​និ​ទណ្ឌ​ភាព​នៅ​កម្ពុជា ។​

​កាលពី​ថ្ងៃទី ០៣ ខែមករា មានការ​ប៉ះទង្គិច​ដោយ​ហិង្សា​មួយ​រវាង​ក្រុមកម្មករ​ដែល​មកពី​រោងចក្រ​នានា​ក្នុង​រាជធានី​ភ្នំពេញ និង កងកម្លាំងប្រដាប់អាវុធ នៅមុខ​សួន​ឧស្សាហកម្ម​កាណាឌីយ៉ា ផ្លូវ​វេ​ង​ស្រេង ខណ្ឌ​ពោធិ​សែន​ជ័យ រាជធានី​ភ្នំពេញ ខណៈ ដែល​កម្មករ​តវ៉ា​ទាមទារ​ដំឡើង​ប្រាក់​ឈ្នួល​គោល ១៦០​ដុល្លារ បណ្តាល​ឲ្យ​កម្មករ ៥ នាក់ ស្លាប់ និង ជិត ៤០ នាក់​រង របួស និង​កម្មករ ១៣ នាក់​ទៀត​ត្រូវបាន​ចាប់ខ្លួន ៕​

Leave A Reply

Your email address will not be published.