មហាសន្និបាត​សកល នៃ​សហព័ន្ធ​ខ្មែរ​កម្ពុជា​ក្រោម លើក​ទី ៩ បោះឆ្នោត​ជ្រើសរើស​គណៈកម្មការ​នាយ​ក​ ​អាណត្តិ​កាល​ទី ៣ ឆ្នាំ ២០១២ – ឆ្នាំ ២០១៦

0 711

សេចក្ដី​កំណត់ហេតុ​នៃ​អង្គ​មហាសន្និបាត​រយៈពេល ២ ថ្ងៃ គឺ ថ្ងៃទី ១១ និង ១២ ខែសីហា ឆ្នាំ ២០១២

 ថ្ងៃ​សៅរ៍ ទី​ដប់​មួយ ខែសីហា ឆ្នាំ​ពីរពាន់​ដប់​ពីរ  ទីក្រុង​ហា​មិ​តុ​ន​, ប្រទេស​កាណាដា​

-​ពិធីករ​៖ ដោយ​លោក លី ចឿ​ន​

-​ម៉ោង​៖ ៨ និង ៣០ នាទី ព្រឹក ម៉ោង​នៅ​ទីក្រុង​ហា​មិ​តុ​ន​, ប្រទេស​កាណាដា​

​សម​សភាព​គណៈកម្មកា​រ​នាយក​រួមមាន​៖
​លោក តោ គិ​ម ថុង អធិបតី
​លោក ថាច់ ង៉ុ​ក ថាច់ ប្រធាន​ប្រតិបត្តិ​
​ព្រះ​តេជ ព្រះ​គុណ ធី​ធី ធ​ម្មោ ព្រះ​អគ្គលេខាធិការ​
​លោក​ព្រឹទ្ធាចារ្យ ចៅ រៀប ប្រធានសភា​ព្រឹទ្ធាចារ្យ​
​លោក ថាច់ សេ ប្រធានសភា​តំណាង​
​លោក ត្រឹង ម៉ាន់ រិ​ន នាយក​ផែនការ​
​លោក ត្រឹង យ៉ាប់ នាយក​រដ្ឋបាល​
​លោក ប្រាក់ សេរី​វុ​ឌ្ឍ អនុប្រធាន​ប្រតិបត្តិ ផ្នែក​កិច្ច​ការបទេស​
​លោកស្រី សឺ​ង ធី ណិ​ត ប្រធាន​ស្ត្រី​
​លោក ចៅ សេរី ប្រធាន​យុវជន​
​លោក ចៅ សេរី ហេ​រញ្ញឹក​
​លោក សឺ​ង ហួរ អធិបតីរង

​លោក បណ្ឌិត ឃូ​ភើ ទីប្រឹក្សា​ជាន់ខ្ពស់​សហព័ន្ធ និង លោក    ថាច់ វៀន តំណាង​ទ្វីបអឺរ៉ុប​ពី​ប្រទេស​បារាំង រួម​នឹង​ប្រធាន​តំបន់​, សាខា​, ទីក្រុង​ព្រមទាំង​សមាជិក សមាជិកា នៃ​សហព័ន្ធ​ខ្មែរ​កម្ពុជា​ក្រោម នៅ​សហរដ្ឋអាមេរិក​, កាណាដា​, បារាំង ជាដើម ប្រមាណ​ជិត ២០០ នាក់ ។​

-​ឧទ្ទេសនាម​ភ្ញៀវ​កិត្តិ​យ​ដោយ លោក ថាច់ សា​រុម ប្រធាន​សហព័ន្ធ​ប្រចាំ​ប្រទេស​កាណាដា ។​
-​ស្វាគមន៍​ភ្ញៀវកិត្តិយស​ដោយ​លោក ថាច់ ដែក ប្រធាន​គណៈកម្មការ វត្ត​ខ្មែរ​កម្ពុជា​ក្រោម នៅ​ទីក្រុង​ហា​មិ​តុ​ន នៃ​ប្រទេស​កា ណា​ដា ។​
-​ស្វាគមន៍​ភ្ញៀវកិត្តិយស​របស់ លោក កៀង គីម ប្រធាន​សមាគម​ខ្មែរក្រោម​ប្រចាំ​ក្រុង​តូន​រ៉​ន​តូន ប្រទេស​កាណាដា ដោយមាន​យោបល់ ខ្លី គឺ​សួរសុខទុក្ខ​បងប្អូន ជនរួមជាតិ នៅ​គ្រប់ទិសទី ។​

-​គោរព​ទង់ជាតិ ដោយ​អ្នកស្រី គឹម រស្មី (​កែវ កញ្ញា​) ចំរៀង​ដោយផ្ទាល់ ។​

-​គោរព​វិញ្ញាណ​ក្ខ័​ន្ធ​វីរបុរស ច្រៀង​ផ្ទាល់​ដោយ អ្នកស្រី ថាច់     ឡេ​នី ។​

-​បណ្ឌិត Cooper ទីប្រឹក្សា​ជាន់ខ្ពស់ សហព័ន្ធ​ខ្មែរ​កម្ពុជា​ក្រោម ថ្លែង​អំពី​សិទ្ធិមនុស្ស និង​សកម្មភាព​សហព័ន្ធ​នៅ​អាស៊ី ក្នុងនោះ មានការ​ចូលរួម​ប្រជុំ​វេទិកា​អាស៊ាន​ជាដើម កាលពី​ខែមិថុនា​កន្លងទៅ ។ លោក បណ្ឌិត​បាន​បញ្ជាក់ថា ថ្មីៗ​នេះ សហព័ន្ធ​ខ្មែរ​កម្ពុជា​ក្រោម បាន​ជួប​ជាមួយ​ព្រះសង្ឃ​ជា​សមណ​និស្សិត​ខ្មែរក្រោម​នៅ​ប្រទេស​ថៃ និង​ជួបនឹង​មន្ត្រី​ក្រសួងការបរទេស​នៅ​កាណាដា កាលពី​ថ្ងៃទី ៧ – ៨ ខែសីហា នេះ ជាពិសេស បាន​ថ្លែងអំណរគុណ និង​រាយការណ៍​បន្ថែម​អំពី​ការសុំ​ចូល​ជា​សមាជិក​ស្ថាប័ន​សេដ្ឋកិច្ច និង សង្គមកិច្ច នៃ​អង្គការសហប្រជាជាតិ នៅ​បូរី​ញូវយ៉ក កាលពី​ថ្ងៃទី ២៣ ខែកក្កដា ឆ្នាំ    ២០១២ ។​

-​លោក ថាច់ ង៉ុ​ក ថាច់ ប្រធាន​ប្រតិបត្តិ​សហព័ន្ធ ធ្វើ​របាយការណ៍​រយៈពេល ៤ ឆ្នាំ​កន្លងទៅ គឺ​ចាប់ពី​ឆ្នាំ ២០០៨ រហូតដល់​ឆ្នាំ ២០១២ ក្នុងនោះ​បានបង្ហាញ រូបថត​នៃ​សកម្មភាព​ជាច្រើន​… ដូចជា​ថតរូប​អនុស្សាវរីយ៍​ជាមួយ​មន្ត្រី​សិទ្ធិមនុស្ស​, មន្ត្រី​ក្រសួងការបរទេស​, និង​ស្ថាប័ន​អន្តរជាតិ​មួយចំនួន​ផងដែរ ។​
​លោក​ប្រធាន​ប្រតិបត្តិ​បានបញ្ជាក់​ថា សហព័ន្ធ​ខ្មែរ​កម្ពុជា​ក្រោម មាន​សេចក្តីសង្ឃឹម គឺ ដោយ​បងប្អូន​ជនរួមជាតិ​ទាំងអស់​មានទឹក​ចិត្ត​តស៊ូ និង​មាន​គុណធម៌​ក្នុង​ការតស៊ូ ដោយមាន សច្ចៈ ខន្តី កតញ្ញូ ក្នុង​ខ្លួន​រៀងៗ​ខ្លួន ។ ហើយ​លោក ថាច់ ង៉ុ​ក ថាច់ មាន​ក្តីសង្ឃឹម​ដោយ​ឈរ​ទាំង​លើ​គោលជំហរ​គឺ ធ្វើ​ត្រូវ​គិត​ត្រូវ​នឹង​គោលការណ៍​អន្តរជាតិ ។ បន្ថែម​ពី​នោះ លោក​ប្រធាន​ប្រតិបត្តិ​បាន​អំពាវនាវ​ចំពោះ​សមាជិក​-​កា​ទាំងអស់ ចូលរួម​គាំទ្រ​ចលនា​សហព័ន្ធ​ទាំងអស់គ្នា ដើម្បី​ជំរុញ​ឱ្យ​ចលនា​តស៊ូ​ទទួលបាន​ជោគជ័យ ។ ជាពិសេស​បងប្អូន​ខ្មែរក្រោម ត្រូវតែ​ចេះ​រួបរួមគ្នា​និង​សាមគ្គី​គ្នា​ជា​ថ្លុ​ង​មួយ​ដើម្បី​ផលប្រយោជន៍​តែមួយ​។​

-​លោក ត្រឹង យ៉ាប់ នាយក​រដ្ឋបាល​សហព័ន្ធ​បានធ្វើ​របាយការណ៍​អំពី​ថវិកា​ចំណូល និង​ចំណាយ​ជំនួស លោក ចៅ សេរី ហេរញ្ញិក​ក​សហព័ន្ធ ។​
​វេទិកា​សំណួរ​—​ចម្លើយ​៖ ស្តីពី​អង្គការ​សេដ្ឋកិច្ច និង​សង្គមកិច្ច នៃ​អង្គការ​សហ​ប្រជា​ប្រជា​តិ​…. ។​
​លោក ថាច់ ង៉ុ​ក ថាច់ និង​លោក បណ្ឌិត ឃូ​ភើ បាន​បកស្រាយ​អំពី​ផលប្រយោជន៍​នៃ​អង្គការ​អន្តរជាតិ​មួយ​នេះ ហើយ​ពេលនេះ​យើង​មិនបាន​ជាប់​ជា​សមាជិក​ក៏ពិតមែន តែ​យើង​អាច​នៅមាន​ឱកាស និង​មានសង្ឃឹម ព្រោះ​ប្រទេស​មហាអំណាច​គេ​បាន​បោះឆ្នោត​គាំទ្រ​យើង ក្នុងនោះ​មាន​សហរដ្ឋអាមេរិក និង បារាំង​ជាដើម​…​។

កិច្ចប្រជុំដំណាច់ឆ្នាំរបស់សហព័ន្ធខ្មែរកម្ពុជាក្រោម កាលពីថ្ងៃទី ១៥-១៦ ខែធ្នូ ឆ្នាំ ២០១២ នៅទីក្រុង Charlotte រដ្ឋ North Carolina, សហរដ្ឋអាមេរិក ។
កិច្ចប្រជុំដំណាច់ឆ្នាំរបស់សហព័ន្ធខ្មែរកម្ពុជាក្រោម កាលពីថ្ងៃទី១៥-១៦ ខែធ្នូ ឆ្នាំ ២០១២ នៅទីក្រុង Charlotte រដ្ឋ North Carolina, សហរដ្ឋអាមេរិក ។

​ពេល​ល្ងាច​៖

​ដឹកនាំ​ដោយ​៖ លោក​ព្រឹទ្ធាចារ្យ ឡឹម ខាយ​
​លោក ថាច់ សេ ប្រធានសភា​តំណាង​អ្នក​តែងតាំង​ច្បាប់ និង​ជា​ចែង​លក្ខន្តិកៈ​សម្រាប់​សហព័ន្ធ​បាន​អាន​នូវ​ច្បាប់បោះឆ្នោត និង​ប្រ កាស​អំពី​សម​សភាព​បេក្ខជន​ឈរឈ្មោះ​បោះឆ្នោត សម្រាប់​អាណត្តិ​ទី ៩ ជូន​អង្គ​មហាសន្និបាត​…​។​

​លោក តោ គិ​ម ថុង អធិបតី បានប្រកាស​រំលាយ​គណៈកម្មការ​ចាស់​ដើម្បី​ជ្រើសរើស​គណៈកម្មការ​ថ្មី ។​

​បេក្ខជន​ឈរឈ្មោះ​បោះឆ្នោត​និង​ការប្តេជ្ញាចិត្ត សម្រាប់​អាណត្តិ​ទី ៣

​ទី ១-​លោក ចៅ រៀប បាន​ថ្លែង​ប្តេជ្ញាចិត្ត​ថា នឹង​បន្តសកម្មភាព​បន្ថែមទៀត​ដើម្បី​ធ្វើឱ្យ​ខ្មែរក្រោម​រស់​….​។​
​ទី ២ – លោក ថាច់ សេ ប្រធានសភា​តំណាង មាន​មោទន   ភាព​បាន​ចងក្រង​សៀវភៅ​មួយ​ក្បាល​ក្រោម​ចំណងជើង​ថា ទុក្ខ​ខ្មែរក្រោម ។​
​ទី ៣ – លោក ប្រាក់ សេរី​វុ​ឌ្ឍ ថ្លែង​អំពី​ប្រវត្តិ​នៃ​ការតស៊ូ​របស់​សហព័ន្ធ​….​ការតស៊ូ​របស់​សហព័ន្ធ​នឹង​បានទទួល​ជោគជ័យ​នាពេល​ឆាប់ៗ​ខាងមុខ ។​
​ទី ៤ – លោក ត្រឹង ម៉ាន់​រិ​ន មានប្រសាសន៍ថា យើងខ្ញុំ​កើត​ក្នុង​ត្រកូល​ជាតិនិយម​… កាលណា​យើង​មាន​មោទនភាព​ថា យើង​ជា​ខ្មែរក្រោម គឺ ខ្មែរក្រោម យើង​មិន​ស្លាប់​ទេ​…. មានតែ​សហព័ន្ធ​មួយ​គាត់ ដែល​ជម្រុញ​ឱ្យ​យួន​ជិត​ទល់​ច្រក​…. យើង​នឹង​ចូល​ស្រុក​ក្នុងពេល​ខាងមុខ​ឆាប់ៗ​ខាងមុខ​…​។​
-​ទី ៥ – លោក ថាច់ ង៉ុ​ក ថាច់ មានប្រសាសន៍ថា មិន​ចង់ឃើញ​ខ្មែរក្រោម​ស្លាប់​បន្តទៀត​…. ជៀសវាង​មិនឱ្យ​ខ្មែរក្រោម និង ខ្មែរ​ស្លាប់​ដោយសារ​យួន ឬ សត្រូវ​……​ចង់ឃើញ​វត្តមាន​ខ្មែរក្រោម លើ​ឆាក​អន្តរជាតិ​…
-​ទី ៦-​លោក ត្រឹង យ៉ាប់ មានប្រសាសន៍ថា មូល​ហេតុអ្វី​ខ្មែរក្រោម​វេទនា​នៅ​កម្ពុជា​ក្រោម​… ស្រាវជ្រាវ​សួរ​ចាស់ទុំ​អំពី​ប្រវត្តិ​ខ្មែរក្រោម​… សូម​បងប្អូន ជនរួមជាតិ​ងើបឈរ​ឡើង​ដើម្បី​ទាមទារ​សិទ្ធិសេរីភាព​ពី​វៀតណាម ។​
​ទី ៧-​លោក សឺ​ង ហួរ បងប្រុស​លោក សឺ​ង ទួន អតីត​ប្រធាន​ប្រតិបត្តិ​…. ប្រសាសន៍ថា សិទ្ធិមនុស្ស​លើ​ពិភពលោក គឺជា​សិទ្ធិ​របស់​ខ្មែរក្រោម ។​
​ទី ៨ – លោក ថាច់ វៀន ពី​អឺរ៉ុប រៀបរាប់​អំពី​ប្រវត្តិ​ផ្ទាល់ខ្លួន​នៃ​ការសិក្សា និង​ស្ម័គ្រចិត្ត​បម្រើ​សហព័ន្ធ​តាំងពី​ដំបូង​… ព្រមទាំង​ធ្វើ​របាយការណ៍​អំពី​សកម្មភាព​សហព័ន្ធ​ខ្មែរ​កម្ពុជា​ក្រោម នៅ​ទ្វីបអឺរ៉ុប​….​។​

​លោក ថាច់ សេ ប្រកាស​អំពី​តំណាង​ប្រទេស និង​តំណាង​សាខា ឬ សមាជិក សមាជិកា​នៃ​សហព័ន្ធ នៅតាម​បណ្តា​ប្រទេស​, ទ្វីប​, រដ្ឋ​នានា​ជុំវិញ​ភិ​ភព​លោក  មាន​សិទ្ធិ​បោះឆ្នោត​ជ្រើសរើស​បោះឆ្នោត​គណៈកម្មការ​នាយ​ក​សហព័ន្ធ ។​

​គណៈកម្មការ​រៀបចំ​កា​របោះ​ឆ្នោត​អាណត្តិ​ទី ៣ រួមមាន​៖

​ទី ១ – លោក យស សារុន ជា​ប្រធាន​
​ទី ២ – លោក ត្រឹង ជី ជា​អនុប្រធាន​
​ទី ៣ – លោក ថាច់ ស៊ី​ចាន់ អគ្គពិនិត្យ​
​ទី ៤ – លោកស្រី ថាច់ សុផល សមាជិក​
​ទី ៥ – លោក សុខ នី​ម លេខាធិការ​
​ទី ៦ – លោក ថាច់ គារ សមាជិក​
​ទី ៧ – លោក ឡឹម ខាយ ឃោសនិក​
​លោក ឡឹម ខាយ ប្រកាស​លទ្ធផល​នៃ​ការបោះឆ្នោត​៖
​លោក ថាច់ វៀន ទទួល​សំឡេងឆ្នោត ចំនួន ៦៩ សន្លឹក​
​លោក ថាច់ ង៉ុ​ក ថាច់ ទទួលបាន​សំឡេង ចំនួន ៨៧ សន្លឹក​
​លោក ចៅ រៀប ទទួលបាន​សំឡេង ចំនួន ៦៤ សន្លឹក​
​លោក ថាច់ សេ ទទួលបាន​សំឡេង ចំនួន ៦៥ សន្លឹក​
​លោក ប្រាក់ សេរី​វុ​ឌ្ឍ ទទួលបាន​សំឡេង​ចំនួន ៦៧​សន្លឹក​
​លោក ត្រឹង ម៉ាន់​រិ​ន ទទួលបាន​សំឡេង ចំនួន ៦៥ សន្លឹក​
​លោក ត្រឹង យ៉ាប់ ទទួលបាន​សំឡេង ចំនួន ៦៥ សន្លឹក​
​លោក សឺ​ង ហួរ ទទួល​សំឡេង​ចំនួន ៥៨ សន្លឹក​

​ព្រះតេជព្រះគុណ ធី​ធី ធ​ម្មោ បាន​មាន​ថេរ​ដីកា​ចាប់អារម្មណ៍​ជុំវិញ​អង្គ​មហាសន្និបាត និង​ត្រេកអរ​ចំពោះ​ទឹកចិត្ត​ព្រះសង្ឃ និង​សមា ជិ​ក សមាជិកា ដែលមាន​ស្មារតី​ស្នេហា​ជាតិ​ដើម្បី​ទាមទារ​សិទ្ធិសេរីភាព​…. ជាពិសេស ព្រះតេជព្រះគុណ ធី​ធី ធ​ម្មោ បាន​សង្កត់ធ្ងន់ថា ព្រះសង្ឃ ក៏មាន​តួនាទី​ចូលរួមចំណែក​ក្នុងការ​កិច្ច​សង្គម​ជានិច្ច    កាល ។ ក្រៅពីនោះ ព្រះតេជព្រះគុណ ធី​ធី ធ​ម្មោ បានបង្ហាញ​អំពី​សកម្មភាព​ដែល​ព្រះអង្គ បាន​និមន្ត​ទៅ​ចូលរួម​បុណ្យ​វិសាខបូជា​អន្តរជាតិ​នៅ​ទីក្រុង​បាងកក និង​ដំណើរ​ទស្សនកិច្ច​នៅ​កម្ពុជា​ក្រោម​កាលពីពេល​ថ្មីៗ​នេះ ។​

​អង្គ​មហាសន្និបាត​សកល លើក​ទី ៩ បានបញ្ចប់​នៅ​ថ្ងៃទី ១    នា​វេលា​ម៉ោង ០៥ និង ៣០ នាទី​ល្ងាច ប្រកបដោយ​ភាតរភាព និង​ស្មារតី​ស្នេហា​ជាតិ​ខ្ពស់ ។
​ថ្ងៃអាទិត្យ ទី ១២ ខែសីហា ឆ្នាំ ២០១២

-​ចាប់ផ្តើម​ពី​ម៉ោង ០៩ និង ៣០ នាទី​ព្រឹក​
​លោក ចៅ សេរី ប្រធាន​យុវជន​ខ្មែរក្រោម​ឡើង​អាន​នូវ​សារ​របស់លោក សឺ​ង សម្រេច អគ្គនាយក​ព័ត៌មាន​សហព័ន្ធ​ផ្តាំផ្ញើ​នូវ​ខ្លឹមសារ  សំខាន់ៗ សម្រាប់​អង្គ​មហាសន្និបាត ជាពិសេស​បាន​លើកយក​នូវ​ចំណងជើង​កំណាព្យ​មួយ​ដែលជា​ស្នាដៃ​និពន្ធ​របស់លោក សឺ​ង សម្រេច មាន​ចំណងជើង​ថា ពេលដែល​ត្រូវ​យំ​…​។​

​សម​សភាព​គណៈកម្មកា​រ​នាយក​ថ្មី ​អាណត្តិ​កាល ឆ្នាំ ២០១២-២០១៦
​ទី ១-​លោក ថាច់ វៀន អធិបតី ។​
​ទី ២-​លោក ចៅ រៀប ប្រធានសភា​ព្រឹទ្ធាចារ្យ ។​
​ទី ៣-​លោក ថាច់ សេ ប្រធានសភា​តំណាង ។​
​ទី ៤-​លោក ថាច់ ង៉ុ​ក ថាច់ នាយក​ប្រតិបត្តិ ។​
​ទី ៥-​លោក  សឺ​ង ហួរ អគ្គលេខាធិការ ។​
​ទី ៦-​លោក ត្រឹង ម៉ាន់​រិ​ន នាយក​ផែនការ ។​
​ទី ៧-​លោក ត្រឹង យ៉ាប់ នាយក​រដ្ឋបាល ។​
​ទី ៨-​លោក ប្រាក់ សេរី​វុ​ឌ្ឍ អនុប្រធាន​ប្រតិបត្តិ​កិច្ច​បរទេស ។​
​ទី ៩-​ព្រះតេជព្រះគុណ ធី​ធី ធ​ម្មោ នាយក​អន្តរ​សាសនា ។​
​ទី ១០-​លោកស្រី សឺ​ង ធី ណិ​ត នាយក​ស្ត្រី​ខ្មែរក្រោម ។​
​ទី ១១-​លោក ចៅ សេរី នាយក​យុវជន​ខ្មែរក្រោម ។​
​ទី ១២-​លោក តោ គិ​ម ថុង អតីត​អធិបតី​សហព័ន្ធ​ខ្មែរ​កម្ពុជា​ក្រោម ឧ​ត្ត​ម​ទីប្រឹក្សា​ជាន់ខ្ពស់ នៃ​សហព័ន្ធ​ខ្មែរ​កម្ពុជា​ក្រោម ។​
​បន្ទាប់ពី​គណៈកម្មការ​នាយក​ថ្មី បាន​សច្ចា​និង​ផ្ទេរតំណែង​រួចហើយ លោក អធិបតី ថាច់ វៀន បាន​ប្តេជ្ញា​ចិត្តនឹង​ខិតខំ​ពុះពារ​គ្រប់​ឧបសគ្គ​ក្នុង​បុព្វហេតុ​ជាតិ​រួមទាំង​សហការ ជាមួយនឹង​គណៈកម្មកា​រ​នាយក​ចាស់​ដើម្បី​បន្ត​គោលដៅ នៃ​សិទ្ធិ​សម្រេច​វាសនា​ខ្លួន​ដោយ​ខ្លួនឯង  ព្រមទាំង​ព្រះសង្ឃ ជយ​ន្តោ ប្រោះព្រំ​ពរជ័យ​ជូន​ដល់​គណៈកម្មការ​នាយក​ថ្មី ។​

-​លោក ចៅ រៀប ប្រធានសភា​ព្រឹទ្ធាចារ្យ បាន​មានប្រសាសន៍​ផ្តាំផ្ញើ​ដល់​គណៈកម្មការ​នាយក​ថ្មី ត្រូវខិតខំ​ប្រឹងប្រែង​បន្ត​កិច្ចការ​រឿង​វាសនា​ខ្មែរក្រោម គឺ​ទិសដៅ​និង​គោលបំណង​តែមួយ​… ហើយ​លោក​ប្រធានសភា​ព្រឹទ្ធាចារ្យ​បាន​បន្ថែម​សង្កត់ធ្ងន់ថា “​ក្តាម​រឹង​ដោយសារ​សំបក​ពី​ក្រៅ  រីឯ​មនុស្ស​រឹងប៉ឹង​ដោយសារ​ចិត្ត ។​

-​ព្រះតេជព្រះគុណ ធី​ធី ធ​ម្មោ នាយក​អន្តរ​សាសនា បាន​មាន​ថេរ​ដីកា លើកទឹកចិត្ត​ដល់​គណៈកម្មការ​ថ្មី និង​ប្រកាស​តែងតាំង​ព្រះសង្ឃ​មួយចំនួន ដើម្បី​ធ្វើជា​សហការី​ចំពោះ​អន្តរ​សាសនា​នៃ​សហព័ន្ធ​ខ្មែរ​កម្ពុជា​ក្រោម​ក្នុងនោះ រួមមាន​៖

​ព្រះតេជព្រះគុណ ត្រឹង កុយ នៅ​សហរដ្ឋអាមេរិក​
​ព្រះ​តេជ​ព្រះ គុណ អៀង ភីរុន នៅ​សហរដ្ឋអាមេរិក​
​ព្រះតេជព្រះគុណ មាស សាវឿន ប្រធាន​សមណ​និស្សិត​ខ្មែរក្រោម​នៅ​ប្រទេស​ថៃ រួម​នឹង​ព្រះសង្ឃ​ខ្មែរក្រោម​នៅ​ប្រទេស​ឥណ្ឌា​, សេរី​លង្កា និង​ភូមា​… ជាដើម ។​

-​លោកស្រី សឺ​ង ធី ណិ​ត នាយក​ស្ត្រី​ខ្មែរក្រោម បាន​មាន​ប្រ សាសន៍​ចាប់អារម្មណ៍​រាល់​កិច្ចការ​របស់​សហព័ន្ធ​ខ្មែរ​កម្ពុជា​ក្រោម ជាពិសេស​លោកស្រី​មាន​មោទនភាព​យ៉ាងខ្លាំង ដែល​ការតស៊ូ​រយៈពេល​កន្លងមក​បានធ្វើឱ្យ​កូនចៅ​ខ្មែរក្រោម នៅ​បរទេស​ចេះ​និយាយ​ភាសា​ខ្មែរ និង​ទទួលស្គាល់​ខ្លួនឯង​ជា​ខ្មែរក្រោម​….​។​

-​វេទិកា​សំនួរ និង ចម្លើយ ជុំវិញ​ការវិវឌ្ឍ​របស់​សហព័ន្ធ​ខ្មែរ​កម្ពុជា​ក្រោម និង​ការតស៊ូ​របស់​សហព័ន្ធ​ខ្មែរ​កម្ពុជា​ក្រោម​លើ​ឆាក​អន្តរជាតិ​… ជាពិសេស​អង្គ​មហាសន្និបាត​លើក​ទី ៩ បាន​សង្កត់ធ្ងន់​ជុំវិញ​ព្រឹត្តិ ការណ៍​នៅ​វត្ត​សេរី​សេក​ស្ថិត​ក្នុងស្រុក​ជ្រោ​យញរ ខែត្រ​ឃ្លាំង    កម្ពុជា​ក្រោម ដែល​អាជ្ញាធរ​យួន​គំរាមកំហែង​ចាប់​ព្រះសង្ឃ​ផ្សឹក​កាលពី​ចុង ខែកក្កដា ឆ្នាំ ២០១២ នេះ​ជាអាទិ៍ ។​

-​លោក យស សារុន អនុ​ប្រធានសភា​ព្រឹទ្ធាចារ្យ នៃ​សហព័ន្ធ    ក៏បាន​អំពាវនាវ ចំពោះ​សមាជិក សមាជិកា នៃ​សហព័ន្ធ និង​បងប្អូន​ជនរួមជាតិ​នៅ​ជុំវិញ​ពិភពលោក មេត្តា​អញ្ជើញ​ទៅ​ចូលរួម​កិច្ចប្រជុំ​ប្រចាំឆ្នាំ ២០១២ នៃ​សហព័ន្ធ​ខ្មែរ​កម្ពុជា​ក្រោម​នៅ​ថ្ងៃទី ១៥-១៦ ខែធ្នូ ខាងមុខ នៅ​ទីក្រុង​ឆា​ឡា​ត់ រដ្ឋ​ណត​កូ​ឡូ​ឡាញ​ណា សហរដ្ឋអាមេរិក ឱ្យបាន​ច្រើន​កុះករ ជាពិសេស​ប្រធាន​តំបន់​, ប្រធាន​សាខា​នៅ​ជុំវិញ​ពិភពលោក​ដើម្បី​ធ្វើ​របាយការណ៍ និង​ស្តាប់​ផែនការ​ថ្មី​សម្រាប់​ទិសដៅ​នៃ​ដំណើរ​ឆ្ពោះទៅកាន់​មាតុភូមិ​កម្ពុជា​ក្រោម ។​

​អង្គ​មហាសន្និបាត​សកល​លើក​ទី ៩ នៃ​សហព័ន្ធ​ខ្មែរ​កម្ពុជា​ក្រោម បានប្រកាស​បិទ​កម្មវិធី​ក្រោម​អធិបតីភាព លោក ថាច់ វៀន អធិបតី សម្រាប់​អាណត្តិ​កាល​ឆ្នាំ ២០១២-២០១៦ នៅវេលា​ម៉ោង ១ និង ៣០ នាទី​ល្ងាច នា​ថ្ងៃអាទិត្យ ទី ១២ ខែសីហា ឆ្នាំ ២០១២ ប្រ កប​ដោយ​បរិ​កាស​ភារត​ភាព និង​មោទនភាព​ជាតិ​ខ្ពស់​ចំពោះ​ការជោគជ័យ​នៃ​សហព័ន្ធ​ខ្មែរ​កម្ពុជា​ក្រោម ក្នុង​ចលនា​តស៊ូ​ដោយ​អហិង្សា​ដើម្បី​ទាមទារ​សិទ្ធិ​សម្រេច​វាសនា​ខ្លួន​ដោយ​ខ្លួនឯង ពី​នឹម​អាណា​យួន​កុ​ម្មុយ​និ​ស្ត​បច្ចុប្បន្ន ។​

​ក្រុង​ហា​មិ​តុ​ន​, ប្រទេស​កាណ​ដា​,
​ថ្ងៃទី ១២ ខែសីហា ឆ្នាំ ២០១២
​អ្នកកំណត់​ហេតុ​អង្គ​មហាសន្និបាត​
​ព្រះ​ភិក្ខុ សឺ​ង យ៉ឹ​ង រតនា​

Leave A Reply

Your email address will not be published.