សមណ​និស្សិត​ខ្មែរក្រោម​បោះពុម្ព “​សៀវភៅ​វេយ្យាករណ៍​ខ្មែរ​សង្គ្រោះ​” នៅ​ប្រទេស​ថៃ​

0 174

សមណ​និស្សិត​ខ្មែរក្រោម​នៅក្នុង​ប្រទេស​ថៃ បាន​សម្រេចយក​ស្នាដៃ​សៀវភៅ​ដែល​បាន​ចងក្រង ដោយ​ពលរដ្ឋ​ខ្មែរក្រោម មក​បោះពុម្ព​នៅក្នុង​ប្រទេស​ថៃ ព្រោះ​នៅ​កម្ពុជា​ក្រោម រដ្ឋាភិបាល​បក្ស​កុ​ម្មុយ និ​ស្ត​វៀតណាម មិនបាន​បើក​សិទ្ធិ​ទូលាយ​ដល់​ពលរដ្ឋ​ខ្មែរក្រោម ក្នុងការ​ការបោះពុម្ព​សៀវភៅ​ផ្សេងៗ ឡើយ និង​ម្យ៉ាងទៀត រាល់​ការបោះពុម្ពផ្សាយ​ផ្សេងៗ​នៅក្នុង​ប្រទេស​វៀតណាម ដូចជា​កាសែត និង ទូរទស្សន៍ និង​សៀវភៅ​ជាដើម ត្រូវ​ឋិត​នៅក្រោម​ការត្រួតពិនិត្យរ​បស់​បក្សកុម្មុយនិស្ត​ទាំងអស់ ។​

គណៈកម្មការពិនិត្យសៀវភៅ "វេយ្យាករណ៍ខ្មែរសង្គ្រោះ" នៅសកលវិទ្យាល័យ មហាចុឡាឡុងករណ៍រាជវិទ្យាល័យ នៅក្នុងប្រទេសថៃ កាលពីថ្ងៃទី ១៤ ខែតុលា ឆ្នាំ ២០១៣ ។
គណៈកម្មការពិនិត្យសៀវភៅ “វេយ្យាករណ៍ខ្មែរសង្គ្រោះ” នៅសកលវិទ្យាល័យ មហាចុឡាឡុងករណ៍រាជវិទ្យាល័យ នៅក្នុងប្រទេសថៃ កាលពីថ្ងៃទី ១៤ ខែតុលា ឆ្នាំ ២០១៣ ។

ព្រះ​តេ​ព្រះ​គុណ ថាច់ ចន្ទ​តារា បាន​ប្រាប់​វិទ្យុ​សំឡេង​កម្ពុជា​ក្រោម ថា ព្រះអង្គ​កំពុង​រៀបចំ​បោះពុម្ព សៀវភៅ​សិក្សា​មួយ​មាន​ឈ្មោះថា “​វេយ្យាករណ៍​ខ្មែរ​សង្គ្រោះ​”  ដែលជា​ស្នាដៃ​ចងក្រង និង​រៀបរៀង របស់ លោក ថាច់ ឯក ដែលជា​អាចារ្យ​បង្រៀន​សាលា​បាលី​នៅ វត្ត​បទុម​ក្រពុំ​រត្ន​កេសរ​បុប្ផា ចម្ប៉ា​មាស (​សំ​ណឹ​ង​ធំ​) ឋិត​នៅក្នុង ស្រុក​កំពង់​ស្ពាន ខេត្ត​ព្រះ​ត្រពាំង ។

ក្របសៀវភៅវេយ្យាករណ៍ខ្មែរសង្គ្រោះ ។
ក្របសៀវភៅវេយ្យាករណ៍ខ្មែរសង្គ្រោះ ។

ព្រះអង្គ​បាន​ប្រាប់​ពី​មូលហេតុ​ដែល​នាំ​ឲ្យ​ព្រះអង្គ​សម្រេច​ព្រះទ័យ​យក​ស្នាដៃ​នេះ មក​បោះពុម្ព​ដល់​ប្រ ទេស​ថៃ ព្រោះ​នៅ​កម្ពុជា​ក្រោម ខ្វះ​លទ្ធភាព និង​ខ្វះ​សិទ្ធិសេរីភាព​ក្នុងការ​បោះពុម្ព ព្រោះ​នៅ​កម្ពុជា ក្រោម ខ្មែរក្រោម​ឋិត​នៅក្រោម​អាណានិគម​បក្សកុម្មុយនិស្ត​យួន ។​

លោក សឺ​ន ថា​យ ធន នៃ​វិទ្យុ​សំឡេង​កម្ពុជា​ក្រោម ធ្វើ​កិច្ចសម្ភាសន៍ ព្រះតេជព្រះគុណ ថាច់ ចន្ទ តារា អំពី​ដំណើរការ​បោះពុម្ព​សៀវភៅ​មួយ​នេះ ដូចតទៅ​៖ សមណ​និស្សិត​ខ្មែរក្រោម​បោះពុម្ព “​សៀវភៅ​វេយ្យាករណ៍​ខ្មែរ​សង្គ្រោះ​” នៅ​ប្រទេស​ថៃ​

Leave A Reply

Your email address will not be published.