ពលរដ្ឋខ្មែរក្រោមម្នាក់ ត្រូវ​ចាប់​ខ្លូន​ដោយ​ចោទ​ប្រកាន់​ពីបទ​ផ្សព្វ​ផ្សាយ ប្រវត្តិ​នៃ​ទឹក​ដី​កម្ពុជា​ក្រោម

0 666

ដោយ ស៊ឺន ចែងចើន

ពលរដ្ឋ​ខ្មែរក្រោម​ម្នាក់​ ​ត្រូវ​បាន​អាជ្ញាធរ​វៀតណាម​ ​នៅ​ខេត្ត​ព្រះត្រពាំង​ ​ចូល​ទៅ​ចាប់ខ្លួន​ដល់​ក្នុង​ផ្ទះ​ ​រួច​បញ្ជូន​ទៅ​ឃុំ​ខ្លួន​ ​និង​សួរ​ចម្លើយ​ ​ដោយ​ចោទប្រកាន់​ពាក់ព័ន្ធ​នឹង​បទល្មើស​ជាច្រើន​ ​មាន​ដូចជា​ ការប្រើប្រាស់​សិទ្ធិ​សេរីភាព​ ​ដើម្បី​ប្រឆាំង​នឹង​ផលប្រយោជន៍​រដ្ឋ​ ​ស្ថាប័ន​ ​និង​បុគ្គល​ ​ការ​មួលបង្កាច់​ខុស​ពី​ការពិត​ ​អំពី​ប្រវត្តិ​សា​ស្រ្ត​នៃ​ទឹកដី​ខ្មែរ​កម្ពុជាក្រោម​ ​ដែល​វៀតណាម​ហៅថា​ ​ដែនដី​ភូមិភាគ​និរតី​ ​ឬ​ភាគ​ខាងត្បូង​នៃ​ប្រទេស​វៀតណាម​ ​និង​កាត់ត​ច្នៃប្រឌិត​រូបភាព​ ​ធ្វើឲ្យ​ប៉ះពាល់​ធ្ងន់ធ្ងរ​ដល់​កិត្តិយស​ ​និង​សេចក្ដីថ្លៃថ្នូរ​របស់​អតីត​មេដឹកនាំ​កុម្មុ​យ​នី​ស្ដ​វៀតណាម​ ​លោក​ ហូ ​ជី​មិញ​ ​។​ ​ចំណែក​សហ​ព័ន្ធ​ខ្មែរ​កម្ពុជាក្រោម​ ​ចាត់​ទុក​ករណី​ទាំងនេះ​ ​ថា​ ​ជា​ការ​ធ្វើទុក្ខបុកម្នេញ​ ​និង​សងសឹក​មក​លើ​ពលរដ្ឋ​ខ្មែរក្រោម​រូប​នោះ​ ​ដោយ​គ្រាន់តែ​ពាក់អាវ​យឺត​ ​ដែល​មាន​និមិត្តសញ្ញា​គោលដៅ​អភិវឌ្ឍន៍​ប្រកបដោយ​ចីរភាព​ (S​D​G​s) ​ហើយ​ស្នើ​ឲ្យ​សហគមន៍​អន្តរជាតិ​ ​អន្តរាគមន៍​ទៅ​វៀតណាម​ ​ឲ្យ​ដោះលែង​ជាបន្ទាន់​ ​និង​ដោយ​គ្មាន​លក្ខខណ្ឌ​ ​ព្រមទាំង​ទម្លាក់​ចោល​រាល់​បទចោទប្រកាន់​ទៅលើ​ពលរដ្ឋ​ខ្មែរក្រោម​ជា​ជនរងគ្រោះ​ ​។​

លោក ថាច់ រ៉ីន (ស្តាំ) នៅក្នុងបន្ទប់សួរចម្លើយរបស់​អធិការដ្ឋាននគរបាលស្រុក​ថ្កូវ ។ រូបៈ ផ្តល់ឲ្យ
លោក ថាច់ រ៉ីន (ស្តាំ) នៅក្នុងបន្ទប់សួរចម្លើយរបស់​អធិការដ្ឋាននគរបាលស្រុក​ថ្កូវ ។ រូបៈ ផ្តល់ឲ្យ

គិត​មក​ត្រឹម​ថ្ងៃ​ទី​ ​១​៦​ ​ខែ​តុលា​នេះ​ ​ក្រុម​គ្រួសារ​សាច់ញាតិ​ ​លោក​ ​ថា​ច់ ​រ៉ី​ន​ ​​សម្ដែង​ក្តី​ព្រួយបារម្ភ​ជា​ខ្លាំង​ ​ដោយសារតែ​សមត្ថកិច្ច​វៀតណាម​ ​មិន​ផ្តល់​ព័ត៌មាន​ជាក់លាក់​ ​និង​បង្ហាញ​ទីកន្លែង​ ​ដែល​អាជ្ញាធរ​នាំ​យក​លោក​ ​ថា​ច់ ​រ៉ី​ន​ ​ទៅ​ឃុំ​ខ្លួន​នៅ​ទីណា​នៅឡើយ​ទេ​ ​បន្ទាប់ពី​ចាប់​គាត់​ពី​ផ្ទះ​បញ្ជូន​ទៅ​សួរ​ចម្លើយ​ ​នៅ​អធិការដ្ឋាន​នគរបាល​ស្រុក​ថ្កូវ​ ​ក្នុង​ខេត្ត​ព្រះ​ត្រ​ពាំង ។

ថ្លែងប្រាប់​វិទ្យុ​សំឡេង​កម្ពុជាក្រោម​ ​និង​សារ​ព័ត៌មាន​ ​ព្រៃនគរ​ ​កូនស្រី​របស់​លោក​ ​ថា​ច់ ​រ៉ី​ន​ ​ឈ្មោះ​ ​ថា​ច់ ​ធី​កេវ​ អាយុ​​ ២១ ឆ្នាំ ​ដែល​បច្ចុប្បន្ន​កំពុង​ធ្វើការ​ ​នៅ​ទីក្រុង​ព្រែក​ឫស្សី​ឲ្យដឹង​ថា​ ​នាង​កំពុង​មានការ​ព្រួយបារម្ភ​ ពី​បញ្ហា​សុខភាព​ឪពុក​របស់​នាង​ជា​ខ្លាំង​ ​ហើយ​ស្នើ​អាជ្ញាធរ​ដោះលែង​ឪពុក​នាង​ ​ឲ្យ​មាន​សេរីភាព​ឡើងវិញ​ ​។

លោក​ ​ថា​ច់ ​រ៉ី​ន​ ​អាយុ​ ​៦​១​ ​ឆ្នាំ​ ​នៅ​ភូមិ​ថ្កូវ​ ​ឃុំ​ជ្រោយ​ទន្សា​ ​ស្រុក​ថ្កូវ​ ​ខេត្ត​ព្រះត្រពាំង​ ​នៅ​ព្រឹក​ថ្ងៃ​ទី​ ​១​៤​ ​ខែ​តុលា​ ​ស​ប្តាហ៍​នេះ​ ​ត្រូវ​បាន​អាជ្ញាធរ​វៀតណាម​ ​ប្រើ​កម្លាំង​សមត្ថកិច្ច​ចម្រុះ​រាប់​សិប​នាក់​ ​ចូល​ទៅ​ចាប់ខ្លួន​ដល់​ក្នុង​ផ្ទះ​ ​ក្រោម​ការចោទប្រកាន់​ពី​បទ​ចោទ​ ​«​កេង​ចំណេញ​លើ​សិទ្ធិ​សេរីភាព​ ​និង​លទ្ធិប្រជាធិបតេយ្យ​ ​បំពាន​លើ​ផលប្រយោជន៍​របស់​រដ្ឋ​ ​និង​សិទ្ធិ​សេរីភាព​ស្រប​ច្បាប់​ ​នៃ​អង្គ​ការចាត់តាំង​ ​និង​បុគ្គល​»​ ​។

ពលរដ្ឋ​ខ្មែរក្រោម​ម្នាក់​ ​សុំ​មិន​បញ្ចេញ​អត្តសញ្ញាណ​ ​ដែល​ស្ថិតនៅ​ក្នុង​ហេតុការណ៍​ឃាត់ខ្លួន​នោះ​ ​ប្រាប់​វិទ្យុ​សំឡេង​កម្ពុជាក្រោម​ ​និង​សារ​ព័ត៌មាន​ ​ព្រៃនគរ​ ​ថា​ ​ក្នុង​ពេល​ចាប់ខ្លួន​នោះ​ ​គឺ​ដំបូង​ឡើយ​ ​សមត្ថកិច្ច​វៀតណាម​ ​មិនបាន​បង្ហាញ​លិខិត​ពី​ការ​ចាប់ខ្លួន​នោះ​ទេ​ ​ទើប​លោក​ ​ថា​ច់ ​រ៉ី​ន​ ​មិនព្រម​ទៅ​ជាមួយ​នរ​គ​បាល​វៀតណាម​ ​តាម​សម្រួល​ ​ហើយ​នៅ​ពេល​នោះ​ លោក​ក៏​យក​ទូរសព្ទ​ដៃ​ថត​សកម្មភាព​ ​ប៉ុន្តែ​ ​ត្រូវ​សមត្ថកិច្ច​គំរាមកំហែង​មិន​ឲ្យ​ថត​ ​ក្រោយមក​អាជ្ញាធរ​ ​បាន​ដាក់​កម្លាំង​សមត្ថកិច្ច​ចម្រុះ​មក​បន្ថែម​ ​។​ ​ពលរដ្ឋ​ខ្មែរក្រោម​រូប​នេះ​ ​ចាត់ទុកថា​ ​ទង្វើ​របស់​អាជ្ញាធរ​ ​គឺជា​ការរំលោភ​បំពានច្បាប់​ ​និង​រំលោភ​សិទ្ធិមនុស្ស​ធ្ងន់ធ្ងរ​ ​មក​លើ​ខ្មែរក្រោម​ ​។

ប្រព័ន្ធ​ផ្សព្វផ្សាយ​រដ្ឋ​វៀតណាម​ ​បាន​រាយការណ៍​ថា​ ​លោក​ ​ថា​ច់ ​រ៉ី​ន​ ​បាន​ប្រើ​គណនី​ហ្វេសប៊ុក​ផ្ទាល់ខ្លួន​ ​ដើម្បី​ជេរប្រមាថ​មេដឹកនាំ​វៀតណាម​ ​ក្នុង​គោលបំណង​បំភ្លៃ​ប្រវត្តិសាស្ត្រ​នៃ​តំបន់ភូមិភាគ​និរតី​ ​ឬ​ភាគ​ខាងត្បូង​នៃ​ប្រទេស​វៀតណាម​ ​។​ ​ជាពិសេស​លោក​ ​បាន​បង្ហោះ​រូបភាព​ ​ដែល​កាត់ត​រូប​របស់អតីតមេចលនាកុម្មុយនិស្តវៀតណាម លោក ហូ ជីមិញ ដែលមាន​លក្ខណៈជាការ «ប្រមាថ​មេដឹកនាំ» ។

ប្រព័ន្ធឃោសនា​របស់​បក្ស​កុម្មុ​យ​នី​ស្ត​វៀតណាម​ធំ​ៗ​ ​ជាច្រើន​ ​បាន​ចេញផ្សាយ​ព្រោងព្រាត​ ​នៅ​លើ​គេហទំព័រ​របស់​គេ​ ​ដូចជា​ ​V​O​V​, ​V​n​Express​ ​និង​ ​VietNam​Net​ ​ដែល​បាន​ដកស្រង់​របាយការណ៍​របស់​នគរបាល​វៀតណាម​ ​ថា​ ​កាលពី​កំលុង​ខែ​មិថុនា​ ​ឆ្នាំ​ ​២​០​២​១​ លោក​ ​ថា​ច់ ​រ៉ី​ន​ ​ ជា​ញឹកញាប់​តែង​បង្ហោះ​ព័ត៌មាន​ ​«​មិន​ពិត​»​ ​និង​ផ្សព្វផ្សាយ​ឯកសារ​ប្រឌិត​ ​ដែល​ជាប់​ទាក់ទង​នឹង​ប្រវត្តិ​សា​ស្រ្ត ​នៃ​ ​ដែនដី​ភូមិភាគ​ខាងត្បូង​នៃ​ប្រទេស​វៀតណាម​ (​កម្ពុជាក្រោម​) ​។​ ​លើស​ពី​នេះ​ ​លោក​ ​ថា​ច់ ​រ៉ី​ន​ ​ក៏​ត្រូវ​បាន​ចោទប្រកាន់​ពី​បទ​បង្ហោះ​និមិត្តសញ្ញា​ (​ទង់ជាតិ​កម្ពុជាក្រោម​) ​និង​ចែករំលែក​ឯកសារ​វីដេ​អូ​ ​និង​អត្ថបទ​ជាច្រើន​ ​ទាក់ទង​នឹង​អង្គការ​ ​ឬ​ក្រុម​ ​«​ប្រតិកិរិយា​»​ ដោយ​អ្វីមួយ​ ដែលរដ្ឋអំណាចវៀតណាម ​ចាត់ទុកថា ជាអង្គការ​មិនមែន​រដ្ឋាភិបាល​មួយចំនួន តែង​តែ​ប្រឆាំងនឹងរបបខ្លួន ​មាន​មូលដ្ឋាន​ ​នៅ​ក្រៅ​ប្រទេស​ ​។

លោក ថាច់ រ៉ីន (អាវខ្មៅពាក់ម៉ាស) ​ត្រូវបានគរបាលឈរ​អម​សងខាង​ ពេលស្តាប់សមត្ថកិច្ចអានលិខិតចោទប្រកាន់ ។ រូបៈ Screenshot
លោក ថាច់ រ៉ីន (អាវខ្មៅពាក់ម៉ាស) ​ត្រូវបានគរបាលឈរ​អម​សងខាង​ ពេលស្តាប់សមត្ថកិច្ចអានលិខិតចោទប្រកាន់ ។ រូបៈ Screenshot

​ទាក់ទង​នឹង​ករណី​នេះ​ដែរ​ ​សហ​ព័ន្ធ​ខ្មែរ​កម្ពុជាក្រោម​ ​កាលពី​ថ្ងៃ​ទី​ ​១​៥​ ​ខែ​តុលា​ ​ឆ្នាំ​ ​២​០​២​១​ ​បាន​ចេញ​សេចក្តីថ្លែង​ការណ៍​បន្ទាន់​មួយ​ ​ដោយចាត់​ទុកថា ​ការ​ចាប់ខ្លួន​លោក​ ​ថា​ច់ ​រ៉ី​ន​ ​ពីសំណាក់​អាជ្ញាធរ​រដ្ឋាភិបាល​វៀតណាម​ ​ថា​ជា​ការសងសឹក​ ​ទៅលើ​ពលរដ្ឋ​ខ្មែរក្រោម​រូប​នេះ​ ដែល​កន្លងទៅ​បាន​ចូលរួម​ពាក់អាវ​យឺត​មាន​និមិត្តសញ្ញា​ ​គោលដៅ​អភិវឌ្ឍន៍​ប្រកបដោយ​ចីរភាព​របស់​អង្គការសហប្រជាជាតិ​ (S​D​G​s) ​។​

នៅ​ក្នុង​សេចក្តីថ្លែង​ការណ៍​ដដែល​ ​សហ​ព័ន្ធ​ខ្មែរ​កម្ពុជាក្រោម​ ​ថ្កោលទោស​ ​ចំពោះ​ការ​ចាប់ខ្លួន​នេះ​ ​និង​បាន​អំពាវនាវ​ដល់​ ​សហគមន៍​អន្តរជាតិ​ទទូច​ឱ្យ​អង្គការសហប្រជាជាតិ​ ​ដើម្បី​ទាមទារ​ឱ្យ​រដ្ឋាភិបាល​វៀតណាម​ ​ត្រូវ​ដោះលែង​លោក​ ​ថា​ច់ ​រ៉ី​ន​ ​ដោយ​គ្មាន​លក្ខខណ្ឌ​ ​ត្រូវ​ទម្លាក់​ចោល​រាល់​ការចោទប្រកាន់​លើ​ ​លោក​ ​ថា​ច់ ​រ៉ី​ន​ ​និង​ត្រូវ​បញ្ឈប់​ការប្រើប្រាស់​ការសងសឹក​ប្រឆាំង​នឹង​លោក​ ​ថា​ច់ ​រ៉ី​ន​ ​ដោយ​គ្រាន់តែ​លោក​បាន​ពាក់អាវ​យឺត​ ​គោលដៅ​អភិវឌ្ឍន៍​របស់​អង្គការសហប្រជាជាតិ​ (S​D​G​s) ​។​

សហ​ព័ន្ធ​ខ្មែរ​កម្ពុជាក្រោម​ ​អះអាង​ក្នុង​សេចក្តីថ្លែង​ការណ៍​នោះ​ ​ថា​ ​សកម្មភាព​ចាប់ខ្លួន​លោក​ ​ថា​ច់ ​រ៉ី​ន​ ​របស់​អាជ្ញាធរ​មានសមត្ថកិច្ច​វៀតណាម​ ​គឺជា​ការ​បំបិទ​សំឡេង​ពលរដ្ឋ​ខ្មែរក្រោម​ ​មិន​ឱ្យ​ចែករំលែក​ ​និង​ផ្សព្វផ្សាយ​លើកកំពស់​ ​គោលដៅ​អភិវឌ្ឍន៍​ប្រកបដោយ​ចីរភាព​របស់​អង្គការសហប្រជាជាតិ​ (S​D​G​s) ​និង​ជា​ការ​រៀបចំផែនការ​ ​ដើម្បី​ចោទប្រកាន់​លោក​ ​ថា​ច់ ​រ៉ី​ន​ ឱ្យ​គាត់​ទទួលយក​បទល្មើស​ ​ដែល​គាត់​គ្មាន​ចេតនា​ប្រព្រឹត្ត​ផង​នោះ​ ​។

​គួរ​ជម្រាប​ជូន​ថា​ ​អាជ្ញាធរ​វៀតណាម​ ​កាលពី​ចុងខែ​មិថុនា​ ​ឆ្នាំ​ ​២​០​២​១​ ​បាន​បើក​យុទ្ធនាការ​ចាប់ខ្លួន​ ​និង​រឹប​អូសសៀវភៅ​ ​ឯកសារ​ ​អាវយឺត​ពាក់ព័ន្ធ​នឹង​ការអប់រំ​ពី​សិទ្ធិ​ជនជាតិ​ដើម​ ​និង​សិទ្ធិមនុស្ស​ ​។​ ​នៅ​ក្នុង​យុទ្ធនាការ​នោះ​ ​លោក​ ​ថា​ច់ ​រ៉ី​ន​ ​ត្រូវ​បាន​អាជ្ញាធរ​វ​តៀ​ណាម​ ​នៅ​ខេត្ត​ព្រះត្រពាំង​ ​ចាប់​ឃាត់ខ្លួន​នាំ​យកទៅ​សួរ​ចម្លើយ​អស់​ច្រើន​ម៉ោង​ ​។​ ​ការ​ចាប់ខ្លួន​នេះ​ ​ធ្វើឡើង​បន្ទាប់ពី​លោក​ ​អាន​សៀវភៅ​សេចក្ដីប្រកាស​របស់​អង្គការសហប្រជាជាតិ​ ​ស្ដីពី​ ​«​សិទ្ធិ​ជនជាតិ​ដើម​»​ ​ផ្សាយ​ផ្ទាល់​តាម​បណ្ដាញ​សង្គម​ (​Face​book​) ​និង​ពាក់អាវ​យឺត​ ​ដែល​មាន​​​រូបភាព​ទាក់ទង​នឹង​គោលដៅ​អភិវឌ្ឍន៍​ប្រកបដោយ​ចីរភាព​ (S​D​G​s) ​របស់​អង្គការសហប្រជាជាតិ​ ​។​ ​លោក​ ​ថា​ច់ ​រ៉ី​ន​ ​ត្រូវ​បាន​អាជ្ញាធរ​វៀតណាម​ ​ដោះលែង​មកវិញ​ ​ក្រោយ​មាន​កិច្ច​អន្តរាគមន៍​របស់​សហ​ព័ន្ធ​ខ្មែរ​កម្ពុជាក្រោម​ ​និង​ក្រោយ​វៀតណាម​ ​បាន​គំរាមកំហែង​លោក​កុំឲ្យ​អាន​សៀវភៅ​បន្ត​ផ្ទាល់​តាម​បណ្ដាញ​សង្គម​ទៀត​ ​។

កូនស្រី លោក ថាច់ រ៉ីន អំពាវនាវ​ឲ្យ​ខ្មែរក្រោម ទាំងនៅក្នុងស្រុក និងក្រៅស្រុក ជួយ​ធ្វើអន្តរាគមន៍ ដើម្បីផ្តល់យុត្តិធម៌ជុំវិញ​ការ​ចាប់ខ្លួនឪពុករបស់នាង យ៉ាងដូច្នេះថា ៖

 

Leave A Reply

Your email address will not be published.