កសិករខ្មែរក្រោម លោក ហ្វិន វ៉ាំងឌែប ត្រូវបានតុលាការវៀតណាម នៅខេត្តក្រមួនសដោះលែង ក្រោយអនុវត្តទោសពន្ធនាគារចប់

0 45

ដោយ ស៊ឺន ចែងចើន

ពលរដ្ឋខ្មែរក្រោម គឺលោក ហ្វិន វ៉ាំងឌែប អាយុ ៤២ ឆ្នាំ ត្រូវបានតុលាការវៀតណាម នៅខេត្តក្រមួនសដោះលែង ឲ្យមានសេរីភាព នៅរសៀល ថ្ងៃទី ១០ ខែធ្នូ ឆ្នាំ ២០២២ ចំទិវាសិទ្ធិមនុស្សអន្តរជាតិ ក្រោយពេលលោកបានអនុវត្តទោសជាប់ ពន្ធនាគារចប់រយៈពេលមួយឆ្នាំ និង ៩ ខែ ហើយទោស ដែលនៅសេសសល់ នឹង ត្រូវព្យួរ ។

​លោក ហ្វិ​ន វ៉ាំ​ង​ឌែ​ប អាយុ ៤១ ឆ្នាំ (​ជា​អ្នកស៊ីឈ្នួល​បើក​អេស្កាវ៉ាទ័រ​) ត្រូវ​តុលាការ​ខេត្តក្រមួនស ដោះលែងក្រោយជាប់ពន្ធនាគារ​​ ​២​ ​ឆ្នាំ ។
​លោក ហ្វិ​ន វ៉ាំ​ង​ឌែ​ប អាយុ ៤១ ឆ្នាំ (​ជា​អ្នកស៊ីឈ្នួល​បើក​អេស្កាវ៉ាទ័រ​) ត្រូវ​តុលាការ​ខេត្តក្រមួនស ដោះលែងក្រោយជាប់ពន្ធនាគារ​​ ​២​ ​ឆ្នាំ ។

លោកស្រី ហ្វិន ធីហូវ ជាប្អូនស្រី លោក ហ្វិន វ៉ាំងឌែប ឱ្យសំឡេងកម្ពុជាក្រោម និងសារព័ត៌មាន ព្រៃនគរ ដឹងថា ក្រុមគ្រួសារ និងញាតិមិត្ត ជាច្រើននាក់ បានទៅទទួល និង ស្វាគមន៍លោក ហ្វិន វ៉ាំងឌែប យ៉ាងកក់ក្ដៅ នៅមុខពន្ធនាគារ ។ លោកស្រី ប្រាប់ ថា លោក ហ្វិន វ៉ាំងឌែប មានសុខភាពដូចធម្មតា និងនៅតែមានស្មារតីរឹងប៉ឹងដដែល ។

លោក ហ្វិន វ៉ាំងឌែប កាលពី ថ្ងៃទី ៨ ខែមិថុនា ឆ្នាំ ២០២១ ត្រូវបានតុលាការ វៀតណាម នៅស្រុកយ៉ាងថាញ់ និង ខេត្តក្រមួនស សម្រេចកាត់ទោសឲ្យជាប់ពន្ធនាគារ រយៈពេល ២ ឆ្នាំ ក្នុង ជំលោះ ដីធ្លី រវាងកសិករខ្មែរក្រោម ជិត ១៥០ គ្រួសារជាមួយអាជ្ញាធរវៀតណាម ។

គួររំលឹកថា កាលពីថ្ងៃទី ៦ ខែឧសភា ឆ្នាំ ២០២១ តុលាការខេត្តក្រមួនស បានសម្រេចផ្ដន្ទាទោស លើកសិករខ្មែរក្រោម ៣ រូប គឺ លោក ហ្វិន វ៉ាំងឌែប កាត់ទោសឱ្យជាប់ពន្ធនាគារ ២ ឆ្នាំ ។ លោក តៀន ដាម ផ្ដន្ទាទោសឱ្យជាប់ពន្ធនាគារ ២ ឆ្នាំ និង លោក តៀន ណាម ផ្ដន្ទាទោស ៩ ខែ ។

ក្នុងសំណុំរឿងដដែលនេះ គិតមកដល់ពេលនេះ គឺនៅសល់កសិករខ្មែរក្រោម មួយនាក់ទៀត កំពុងជាប់ឃុំក្នុងពន្ធនាគារ គឺលោក តៀន ដាម ។ ចំណែកលោក តៀន ណាម ត្រូវអាជ្ញាធរ នៃ របបអាណានិគមយួនដោះលែង កាលពីខែតុលា ឆនាំ ២០២២ កន្លងទៅ ។

Leave A Reply

Your email address will not be published.