ខ្មែរក្រោម នៅកាណាដា ធ្វើបាតុកម្មមុខស្ថានទូតវៀតណាម ទាមទារដោះលែងព្រះសង្ឃ និងពលរដ្ឋខ្មែរក្រោម
នៅថ្ងៃទី ១៨ ខែ តុលា ឆ្នាំ ២០១៣ ព្រះសង្ឃ និងពលរដ្ឋខ្មែរក្រោម នៅកាណាដា ដឹកនាំដោយសហព័ន្ធខ្មែរកម្ពុជាក្រោម បានធ្វើបាតុកម្ម មុខស្ថានទូតវៀតណាម ដើម្បីទាមទារឲ្យរដ្ឋាភិបាលបក្សកុម្មុនិស្ត វៀតណាមដោះលែងព្រះសង្ឃ និងពលរដ្ឋខ្មែរក្រោម នៅខេត្តឃ្លាំង ។
កាលពីថ្ងៃទី ២៥ និង ២៧ ខែកញ្ញា ឆ្នាំ ២០១៣ តុលាការខេត្តឃ្លាំង នៃបក្សកុម្មុយនិស្តវៀតណាម បានប្រកាសសាលក្រមផ្ដន្ទាទោស ព្រះសង្ឃ ពីរអង្គ និងពលរដ្ឋខ្មែរក្រោម ៧ រូបឲ្យជាប់គុកម្នាក់ៗពី ១០ ខែទៅ ៦ ឆ្នាំ ពីបទបង្កអសន្តិសុខទីសាធារណៈ និង ប្រឆាំងរដ្ឋាភិបាល ៕
