​ខ្មែរក្រោម​ ​នៅ​កម្ពុជា​ ​ដាក់​របាយការណ៍​ ​ស្តីពី​ស្ថានភាព​សិទ្ធិមនុស្ស​ ​នៅ​កម្ពុជាក្រោម​ ​ទៅ​អង្គការសង្គម​ស៊ីវិល​អា​ស៊ាន​

0 282

ដោយ គឹម សាវតា

បើ​ទោះ​ជា​បញ្ហា​រំលោភ​សិទ្ធិមនុស្ស​ ​ពីសំណាក់​អាជ្ញាធរ​វៀតណាម​ ​មក​លើ​ពលរដ្ឋ​ខ្មែរក្រោម​មួយ​ចំនួន​ ​ត្រូវ​បាន​ស្ថាប័ន​សិទ្ធិមនុស្ស​លើ​ពិភពលោក​ ​បាន​ដឹងឮ​ ​ព្រមទាំង​បាន​ជំរុញ​ឲ្យ​រដ្ឋាភិបាល​វៀតណាម​ ​បំភ្លឺ​ ​និង​ដោះស្រាយ​ហើយ​ក្តី​ ​ប៉ុន្តែ​ ​នៅ​ពេល​ថ្មីៗ​ ​នេះ​ ​ខ្មែរក្រោម​នៅ​កម្ពុជា​ ​ដាក់​របាយការណ៍​ ​ស្តីពី​ស្ថានភាព​សិទ្ធិមនុស្ស​ ​នៅ​កម្ពុជា​ ​និង​កម្ពុជាក្រោម​ ​ទៅ​អង្គការ​ ​សង្គម​ស៊ីវិល​អា​ស៊ាន​ ​ដើម្បីឲ្យ​ប្រទេស​ក្នុង​តំបន់​អា​ស៊ាន​បាន​ដឹង​ពី​ស្ថានភាព​សិទ្ធិមនុស្ស​ ​នៅ​កម្ពុជាក្រោម​ដែរ​ ​ក្នុង​នោះ​ ​ក៏មាន​ប្រទេស​វៀតណាម​ផង​ ​។

​ក្រុម​អង្គការ​សង្គម​ស៊ីវិល​ខ្មែរកម្ពុជាក្រោម​ នៅប្រទេសកម្ពុជា ចូលរួម​ និងថ្លែងការណ៍ក្នុងវេទិកា​ប្រជាពលរដ្ឋ និង​សន្និសីទ​សង្គម​ស៊ីវិល​អាស៊ាន​ ក្រោមប្រធានបទ «ការលើកកម្ពស់ និងការពារសិទ្ធិមនុស្សអាស៊ាន» តាមប្រព័ន្ធអ៊ីនធឺណិត (Online) ។ រូបៈ សារព័ត៌មាន ព្រៃនគរ
​ក្រុម​អង្គការ​សង្គម​ស៊ីវិល​ខ្មែរកម្ពុជាក្រោម​ នៅប្រទេសកម្ពុជា ចូលរួម​ និងថ្លែងការណ៍ក្នុងវេទិកា​ប្រជាពលរដ្ឋ និង​សន្និសីទ​សង្គម​ស៊ីវិល​អាស៊ាន​ ក្រោមប្រធានបទ «ការលើកកម្ពស់ និងការពារសិទ្ធិមនុស្សអាស៊ាន» តាមប្រព័ន្ធអ៊ីនធឺណិត (Online) ។ រូបៈ សារព័ត៌មាន ព្រៃនគរ

​កាលពី​ថ្ងៃ​ទី​ ​១​៥​-​១​៧​ ​ខែ​តុលា​ ​ស​ប្ដាហ៍​កន្លងទៅ​ ​អង្គការ​ ​សមាគម​ខ្មែរ​កម្ពុជាក្រោម​ ​នៅ​កម្ពុជា​ ​បាន​ចូលរួម​ក្នុង​វេទិកា​ប្រជាពលរដ្ឋ​ ​និង​សន្និសីទ​សង្គម​ស៊ីវិល​អា​ស៊ាន​ ​ឆ្នាំ​ ​២​០​២​១​ ​ដែល​ប្រព្រឹត្តទៅ​តាម​ប្រព័ន្ធ​ ​អន​ឡា​ញ​ ​។​ ​ក្នុង​ការចូលរួម​នោះ​ ​អង្គការ​ ​សមាគម​ខ្មែរ​កម្ពុជាក្រោម​ ​ដែល​កំពុង​ប្រតិបត្តិ​កា​ ​នៅ​កម្ពុជា​ ​បាន​ដាក់​របាយការណ៍​ ​ស្តីពី​ការរំលោភ​សិទ្ធិមនុស្ស​ ​ដោយ​ផ្តោត​សំខាន់​លើ​បញ្ហា​ចំនួន​ ​៣​ ​ចំ​នុ​ច​ធំ​ៗ​ ​ដែល​បាន​កើត​ក្នុង​អំឡុង​ឆ្នាំ​ ​២​០​២​០​ ​និង​ ​២​០​២​១​ ​។​

ក្នុង​របាយការណ៍​នោះ​ ​អង្គការ​ ​សមាគម​ខ្មែរ​កម្ពុជាក្រោម​ ​នៅ​កម្ពុជា​ ​បាន​លើកឡើង​ថា​ ​បន្ទាប់ពី​រដ្ឋការ​បារាំង​បាន​ប្រគល់​ទឹកដី​កម្ពុជាក្រោម​ ​ឲ្យទៅ​វៀតណាម​ ​គ្រប់គ្រង​ ​កាលពី​ឆ្នាំ​ ​១​៩​៤​៩​ ​សេរីភាព​ក្នុង​ការរស់នៅ​ ​ក្នុងនាម​ជា​ជនជាតិ​ដើម​ ​និង​លំហ​សិទ្ធិមនុស្ស​ ​ហាក់​នៅ​មាន​ក​ម្រិ​ត​ ​បើ​ប្រៀបធៀប​ជាមួយ​ជាតិសាសន៍​ដទៃ​ ​នៅ​ក្នុង​តំបន់​អាស៊ី​អាគ្នេយ៍​ ​។​

ក្នុង​របាយការណ៍​ដដែល​ ​អង្គការ​ ​ស​មា​គ​គ​ខ្មែរ​កម្ពុជាក្រោម​ ​នៅ​កម្ពុជា​ ​លើកឡើង​ ​ពី​បញ្ហា​ប្រឈម​ជាច្រើន​ ​ដែល​កើតមាន​នៅ​កម្ពុជា​ ​និង​នៅ​ដែនដី​កម្ពុជាក្រោម​ ​ដូចជា​ ​បញ្ហា​សិទ្ធិ​លំនៅ​ដា្ឋ​ន​ ​និង​យុត្តិធម៌​ ​ការ​ធ្វើទុក្ខបុកម្នេញ​ទៅលើ​អ្នកធ្វើការ​ពារ​សិទ្ធិមនុស្ស​ ​នៅ​ដែនដី​កម្ពុជាក្រោម​ ​ផល​ប៉ះពាល់​ដល់​ការរស់នៅ​របស់​ពលរដ្ឋ​ខ្មែរក្រោម​ ​ពី​ការ​រាតត្បាត​កូ​វី​ដ​-​១​៩​ ​ជាដើម​ ​។​

​ទីប្រឹក្សា​ជាន់ខ្ពស់​ផ្នែក​ច្បាប់​ ​នៃ​សមាគម​ខ្មែរ​កម្ពុជាក្រោម​ ​ដើម្បី​សិទ្ធិមនុស្ស​ ​និង​អភិវឌ្ឍន៍​ ​លោក​បណ្ឌិត​ ​សឺ​ន​ ​ជុំ​ជួន​ ​បាន​ប្រាប់​វិទ្យុ​សំឡេង​កម្ពុជាក្រោម​ ​ថា​ ​ថ្វីត្បិត​អា​ស៊ាន​ ​មិនសូវ​មាន​ឥទ្ធិពល​ ​នៅ​ក្នុង​ការដោះស្រាយបញ្ហា​ ​ដែល​កើតឡើង​ ​នៅ​ក្នុង​តំបន់​ក្តី​ ​ប៉ុន្តែ​ ​យ៉ាងហោចណាស់​ ​គឺ​គេ​បាន​ស្គាល់​ថា​ ​ខ្មែរក្រោម​ជា​អ្នកណា​ ​និង​មកពី​ណា​ ​។​

​លោក​ ស៊ឺ​ន​ ​ជុំ​ជួន​ ​«​យើង​រំពឹង​ថា​របាយការណ៍​របស់យើង​ ​នឹងបាន​បញ្ជាក់​ទៅដល់​ប្រមុខរដ្ឋ​នៃ​អា​ស៊ាន​ទាំងអស់​ ​គេ​បាន​ស្គាល់​អំពី​ថា​ ​ខ្មែរក្រោម​យើង​ជា​អ្នកណា​ ហើ​ប្រឈម​នឹង​បញ្ហា​អ្វីខ្លះ​ ​ហើយ​យ៉ាងហោចណាស់​ ​ក៏​គេ​ពិចារណា​អំពី​បញ្ហា​នៃ​ស្ថានភាព​សិទ្ធិមនុស្ស​នៃ​ជនជាតិ​ដើ​ន​ ​ឬក៏​ជនជាតិ​ភាគតិច​ហ្នឹង​»​ ​។​

​ក្រុម​អង្គការ​សង្គម​ស៊ីវិល​ខ្មែរកម្ពុជាក្រោម​ នៅប្រទេសកម្ពុជា ចូលរួម​ និងថ្លែងការណ៍ក្នុងវេទិកា​ប្រជាពលរដ្ឋ និង​សន្និសីទ​សង្គម​ស៊ីវិល​អាស៊ាន​ ក្រោមប្រធានបទ «ការលើកកម្ពស់ និងការពារសិទ្ធិមនុស្សអាស៊ាន» តាមប្រព័ន្ធអ៊ីនធឺណិត (Online) ។ រូបៈ សារព័ត៌មាន ព្រៃនគរ
​ក្រុម​អង្គការ​សង្គម​ស៊ីវិល​ខ្មែរកម្ពុជាក្រោម​ នៅប្រទេសកម្ពុជា ចូលរួម​ និងថ្លែងការណ៍ក្នុងវេទិកា​ប្រជាពលរដ្ឋ និង​សន្និសីទ​សង្គម​ស៊ីវិល​អាស៊ាន​ ក្រោមប្រធានបទ «ការលើកកម្ពស់ និងការពារសិទ្ធិមនុស្សអាស៊ាន» តាមប្រព័ន្ធអ៊ីនធឺណិត (Online) ។ រូបៈ សារព័ត៌មាន ព្រៃនគរ

​ប្រធាន​លេខាធិការដ្ឋាន​អង្គការ​ ​សមាគម​ខ្មែរ​កម្ពុជាក្រោម​ ​គឺ​លោក​ ​ថា​ច់ ​ឡែ​ន​ ​ក៏បាន​លើកឡើង​ថា​ ​នេះ​មិនមែន​ជា​លើកទីមួយ​ទេ​ ​ដែល​អង្គការ​សមាគម​ ​ខ្មែរ​កម្ពុជាក្រោម​ ​ដែល​មាន​មូលដ្ឋាន​នៅ​កម្ពុជា​ ​ចូលរួម​ជាមួយ​វេទិកា​ប្រជាពលរដ្ឋ​ ​និង​សន្និសីទ​សង្គម​ស៊ីវិល​អា​ស៊ាន​ ​ពោល​គឺ​បាន​ចូលរួម​ជាច្រើន​ឆ្នាំ​មក​ហើយ​ ​ក្នុង​គោលបំណង​ឲ្យ​ប្រជាជាតិ​ទាំង​ ​១​០​ ​និង​ប្រទេស​ចូលរួម​ដទៃទៀត​ ​បាន​ស្គាល់​ខ្មែរក្រោម​ ​ដោយឡែក​សម្រាប់​ឆ្នាំ​ ​២​០​២​១​ ​នេះ​ ​គឺ​អង្គការ​សមាគម​ ​ខ្មែរ​កម្ពុជាក្រោម​ ​បាន​លើក​បញ្ហា​ជាច្រើន​ ​ដែល​កើតឡើង​ពី​ផល​ប៉ះពាល់​នៃ​ជំងឺ​កូ​វី​ដ​-​១​៩​ ​បន្ថែម​ក្រៅពី​ការរំលោភ​សិទ្ធិមនុស្ស​ផ្សេងៗ​ ​ពី​អាជ្ញាធរ​ ​ឬ​សម​ត្ថិ​កិច្ច​វៀតណាម​ ​។​

​លោក​ ​ថា​ច់ ​ឡែ​ន​ ​«​យើង​ក៏បាន​បញ្ជាក់​ពី​ផល​ប៉ះពាល់​អំពី​កូ​វី​ដ​-​១​៩​ ​មកដល់​ប្រជាពលរដ្ឋ​យើង​ថា​ ​ប្រជាពលរដ្ឋ​យើង​គឺ​ពិតជា​មានការ​ប៉ះពាល់​ច្រើន​មែនទែន​ទាំង​ភាព​គ្មាន​ការងារ​ធ្វើ​ ​ការរៀនសូត្រ​ក៏​អត់មាន​បាន​រៀន​ ​ហើយ​ជាពិសេស​ប្រពៃណី​ទំនៀមទម្លាប់​ ​វប្បធម៌​ខ្មែរក្រោម​ហ្នឹង​ក៏​ត្រូវ​បាន​ផ្អាក​ដែរ​ ​ក្នុង​ករណី​ដែល​មាន​កូ​វី​ដ​-​១​៩​ ​ហ្នឹង​ ​ហើយ​ជាពិសេស​ ​នៅពេលដែល​ខ្មែរក្រោម​យើង​ជួយ​បញ្ហា​ជំងឺ​កូ​វី​ដ​-​១​៩​ ​ពួកគាត់​មានការ​ប៉ះទង្គិច​រឿង​ ​ជីវភាព​ដូច​ថា​ ​ការ​ទទួល​នូវ​ការសង្គ្រោះ​ហ្នឹង​ដូច​ថា​មិនសូវ​ស្មើ​រ​ភាព​គ្នា​ ​ជាពិសេស​រដ្ឋាភិបាល​វៀតណាម​ ​គេ​មិនសូវ​យកចិត្តទុកដាក់​បម្រើ​ដល់​ប្រជាពលរដ្ឋ​ឲ្យ​មាន​តុល្យភាព​រវាង​ពលរដ្ឋ​ខ្មែរ​ ​និង​ពលរដ្ឋ​វៀតណាម​ទេ​»​ ​។​

មុននឹង​ដាក់​របាយការណ៍​ ​ស្តីពី​ស្ថានភាព​សិទ្ធិមនុស្ស​នៅ​កម្ពុជា​ ​និង​កម្ពុជាក្រោម​ ​ទៅ​អង្គការសង្គម​ស៊ីវិល​អា​ស៊ាន​ ​ក្រុម​អង្គការសង្គម​ស៊ីវិល​ខ្មែរ​កម្ពុជាក្រោម​ ​ចំនួន​ ​៩​ ​ស្ថាប័ន​ ​បាន​ចេញ​សេចក្តីថ្លែង​ការណ៍​រួមគ្នា​មួយ​ ​ស្ដី​អំពី​ ​«​រដ្ឋាភិបាល​វៀតណាម​ ​មិនទាន់​យកចិត្តទុកដាក់​ ​និង​ផ្តល់​សិទ្ធិ​ពេញលេញ​ដល់​ខ្មែរក្រោម​ ​ជា​ជនជាតិ​ដើម​»​ ​។​

​ក្រុម​អង្គការ​ ​សមាគម​ខ្មែរ​កម្ពុជាក្រោម​ ​ដែល​ចេញ​សេចក្តីថ្លែង​ការណ៍​ ​រួម​មាន​ ​១​. ​ស​ម្ព័ន្ធ​សមណ​និស្សិត​-​និស្សិត​ខ្មែរ​កម្ពុជាក្រោម​ ​២​. ​មិត្តសមាគម​ខ្មែរ​កម្ពុជាក្រោម​ ​៣​. ​សមាគម​ខ្មែរ​កម្ពុជាក្រោម​ ​ដើម្បី​សិទ្ធិមនុស្ស​ ​និង​អភិវឌ្ឍន៍​ ​៤​. ​សហគមន៍​ខ្មែរ​កម្ពុជាក្រោម​ ​៥​. ​មូលនិធិ​សម្រាប់​អ្នក​ក្រីក្រ​ ​៦​. ​មជ្ឈមណ្ឌល​វប្បធម៌​ខ្មែរ​កម្ពុជាក្រោម​ ​៧​. ​ក្រុមប្រឹក្សា​យុវជន​ខ្មែរក្រោម​ ​៨​. ​សារ​ព័ត៌មាន​ព្រៃនគរ​ ​៩​. ​អង្គការ​ស្ត្រី​ខ្មែរ​កម្ពុជាក្រោម​ ​។​ ​ក្រុម​អង្គការ​ទាំងនេះ​ ​លើកឡើង​ថា​ ​រដ្ឋាភិបាល​វៀតណាម​ ​ដែល​ជា​រដ្ឋ​សមាជិក​ ​នៃ​អង្គការសហប្រជាជាតិ​ ​មិនបាន​គោរព​ឋានៈ​ ​និង​ឆន្ទៈ​របស់​ខ្លួន​ ​ចំពោះមុខ​ច្បាប់អន្តរជាតិ​ឡើយ​ ​។​ ​អង្គការ​ ​សមាគម​ខ្មែរ​កម្ពុជាក្រោម​ ​កត់​សម្គាល់​ឃើញ​ថា​ ​ក្នុង​ឆ្នាំ​ ​២​០​២​១​ ​នេះ​ ​ខ្មែរក្រោម​ ​នៅតែ​បន្ត​ទទួលរង​ការរើសអើង​ ​រង​នូវ​ភាព​អយុត្តិធម៌​ ​និង​រង​ការរំលោភ​សិទ្ធិមនុស្ស​ជាបន្តបន្ទាប់​ ​៕​

Leave A Reply

Your email address will not be published.