នៅថ្ងៃទី ១១ ខែឧសភានេះ ជាថ្ងៃទី ៣ ហើយ ដែលក្រុមយុវជននៃសហព័ន្ធខ្មែរកម្ពុជាក្រោម នៅតាមបណ្ដារដ្ឋនានា នៃទឹកដីសហរដ្ឋអាមេរិក ប្រទេសកាណាដា បារាំង អ៊ីតាលី អូស្ត្រាលី និងកម្ពុជា បានចូលសង្កេតការណ៍ និងថ្លែងការណ៍ នៅក្នុងវេទិកាអចិន្ត្រៃយ៍នៃអង្គការសហប្រជាជាតិ ស្ដីអំពីបញ្ហាជនជាតិដើម (UNPFII) នៅការិយាល័យអង្គការសហប្រជាជាតិ នាទីក្រុង New York សហរដ្ឋអាមេរិក ។
នេះជាកិច្ចប្រជុំលើកទី ១៥ របស់អង្គការសហប្រជាជាតិ ដែលកំពុងតែប្រព្រឹត្តទៅ ចាប់ពីថ្ងៃទី ៩ ដល់ថ្ងៃទី ២០ ខែឧសភា ឆ្នាំ ២០១៦ នេះ និងជាលើកទី ១២ ដែលសហព័ន្ធខ្មែរកម្ពុជាក្រោមបានចូលប្រជុំ និងថ្លែងការណ៍នៅក្នុងវេទិកាមួយនេះជារៀងរាល់ឆ្នាំ បន្ទាប់ ពីខ្លួនបានចូលជាសមាជិក ចាប់តាំងពីឆ្នាំ ២០០៤ មក ។
ជារៀងរាល់ឆ្នាំ នៅក្នុងខែឧសភា សហព័ន្ធខ្មែរកម្ពុជាក្រោម (KKF) តែងតែចូលសង្កេតការណ៍ និងថ្លែងការណ៍អំពីបញ្ហាជនជាតិដើមខ្មែរក្រោមនៅដែនដីកម្ពុជាក្រោម នៅក្នុងវេទិកាមួយនេះ ដើម្បីជម្រុញឲ្យ រដ្ឋាភិបាលបក្សកុម្មុយនិស្តវៀតណាម គោរពសិទ្ធិខ្មែរក្រោមម្ចាស់ស្រុកនៃដែនដីកម្ពុជាក្រោម ។ រូបថត ស៊ឺន ចែង ចើន
ខាងក្រោមនេះ ជារូបថតសកម្មភាពរបស់ក្រុមយុវជន ព្រះសង្ឃ និងថ្នាក់ដឹកនាំសហព័ន្ធខ្មែរកម្ពុជាក្រោម នៅក្នុងវេទិកានេះ ថ្ងៃទី ១១ ខែឧសភា ឆ្នាំ ២០១៦ ៖
Comments are closed.