សារ​របស់​គណៈកម្មកា​រ​ទីប្រឹក្សា​សហព័ន្ធ​ខ្មែរ​កម្ពុជា​ក្រោម​

93

នៅពេល​ថ្មីៗ​នេះ មាន​បញ្ហា​មួយចំនួន​នៅក្នុង​សង្គម​ខ្មែរក្រោម​តាម​បណ្ដាញ​សង្គម Facebook ដោយមាន ការ​ឡែបខាយ​ពាក្យសម្ដី​ដាក់គ្នា​ទាក់ទង​នឹង​រឿង​ទង់ជាតិ​កម្ពុជា​ក្រោម ព្រោះ​ដំបូង​កើតចេញពី​អង្គការ​ខ្មែរក្រោម​មួយ​នៅ​ភ្នំពេញ បាន​លើកឡើងថា “​ខ្មែរ​តែមួយ ទង់ជាតិ​តែមួយ និង​ប្រវត្តិសាស្ត្រ​តែមួយ​” ខណៈ ដែល​ពាក្យ​នេះ វា​ប៉ះ​លើ​សហព័ន្ធ​ខ្មែរ​កម្ពុជា​ក្រោម ដែលមាន​ទង់ជាតិ​ដាច់ដោយឡែក​របស់ខ្លួន​សម្រាប់ តំណាង​ឲ្យ​ពលរដ្ឋ​ខ្មែរក្រោម​ក្នុងការ​តស៊ូ​នៅលើ​ឆាក​អន្តរជាតិ ដើម្បី​ទាមទារ​សិទ្ធិ​សម្រេច​វ​សនា​ខ្លួន​ដោយ ខ្លួនឯង​ជូន​ពលរដ្ឋ​ខ្មែរក្រោម​ក្នុងស្រុក ។ ក្រោយពី​ពាក្យ​ថា “​ខ្មែរ​តែមួយ ទង់ជាតិ​តែមួយ និង​ប្រវត្តិសាស្ត្រ តែមួយ​” បាន​លេច​ចេញមក មាន​ក្រុម​អនាមិក​មួយ​បាន​ប្រតិកម្ម​តប​វិញ​ថា “​អ្នក​ដែល​មិនមាន​មោទនភាព ចំពោះ​ទង់ជាតិ​ខ្មែរក្រោម វា​ជា​យួន​បន្លំ​ខ្លួន​នៅ​ស្រុក​ខ្មែរ ដើម្បី​ប្រឆាំង​វត្តមាន​ខ្មែរ​សហព័ន្ធ​ខ្មែរ​កម្ពុជា​ក្រោម នៅក្នុង​អង្គការសហប្រជាជាតិ​” ។​

លោក តោ គិម ថុង ប្រធានគណៈកម្មការទីប្រឹក្សាសហព័ន្ធខ្មែរកម្ពុជាក្រោម ។
លោក តោ គិម ថុង ប្រធានគណៈកម្មការទីប្រឹក្សាសហព័ន្ធខ្មែរកម្ពុជាក្រោម ។

​បន្ទាប់ពី​បានឃើញ​មានការ​ឡែបខាយ​ពាក្យ​ដាក់គ្នា​ធ្ងន់ៗ​នៅលើ​បណ្ដាញ​សង្គម ទើប លោក តោ គិ​ម ថុង និង លោក សឺ​ង សម្រេច គណៈកម្មការ​ទីប្រឹក្សា​នៃ​សហព័ន្ធ​ខ្មែរ​កម្ពុជា​ក្រោម បានចេញ​សារលិខិតមួយ ផ្ញើ​ដល់​គណៈកម្មការ​សហព័ន្ធ​ខ្មែរ​កម្ពុជា​ក្រោម​គ្រប់​លំដាប់ថ្នាក់ ឲ្យ​រក្សា​ស្មារតី​នឹងនរ កុំ​ចាញ់ល្បិច​ខ្មាំង មក​បំបែកបំបាក់​ក្នុងសង្គម​ខ្មែរក្រោម​តាមរយៈ​ការ​វៃ​ប្រហារ​គ្នា​នេះ ។​

​លោក សឺ​ន ថា​យ ធន អាន​ជូន​ខ្លឹមសារ​ដើម​នៃ​លិខិត​នេះ ដូចតទៅ​៖ សារ​របស់​គណៈកម្មកា​រ​ទីប្រឹក្សា​សហព័ន្ធ​ខ្មែរ​កម្ពុជា​ក្រោម​

​សារ​របស់​
​គណៈកម្មការ​ទីប្រឹក្សា​
​ក្នុងឱកាស​ខួប​ទី ១០ ឆ្នាំ សហព័ន្ធ​ខ្មែរ​កម្ពុជា​ក្រោម ចួ​ល​រួម​ក្នុង         “​វេទិកា​សហប្រជាជាតិ សម្រាប់​ជនជាតិដើម​”

២០១៤ ជា​គម្រប់​ខួប​ទី​១០​ឆ្នាំ ដែល សហព័ន្ធ​ខ្មែរ​កម្ពុជា​ក្រោម ចាប់ផ្តើម យុទ្ធនាការ ជា​ប្រវត្តិសាស្ត្រ​មួយ គឺ​ការចួលរួម​ក្នុង “ វេទិកា​សហប្រជាជាតិ សម្រាប់​ជនជាតិដើម​” ។ ក្នុងកំឡុងពេល ​១០ ឆ្នាំ​មកនេះ សហព័ន្ធ​បាន​ទួល លទ្ធផល​ដ៏​ប្រសើរ ក្នុងការ​អនុវត្ត​យុទ្ធសាស្ត្រ “​ដំណើរ​ទៅកាន់​មាតុភូមិ​

​សហព័ន្ធ​បាន​បណ្តុះបណ្ដាល​ចលនា​ជាតិនិយម ឲ្យ​ផុសផុល​ពាសពេញ ទាំង​នៅក្រៅ​ប្រទេស     ទាំង​នៅក្នុង​ព្រះរាជណាចក្រ​កម្ពុជា និង​ជាពិសេស ក្នុង​ទឹកដី កម្ពុជា​ក្រោម តែម្តង ។ សេចក្តី ដកស្រង់ នៃ​សារលិខិត​មួយ ដែល​ប្រជាពលរដ្ឋ​មា្ន​ក់ ផ្ញើ​មកពី​ក្នុង​ទឹកដី​នៃ​មាតុភូមិ ដូច​មាន​ចុះ ខាងក្រោម​នេះ ក៏​ល្មម​បង្ហាញ​ច្បាស់​ថា សហព័ន្ធ​ខ្មែរ​កម្ពុជា​ក្រោម​បានក្លាយ​ជាទី​សង្ឃឹម ដែលជា សារធាតុ​សំខាន់​ចាំបាច់​បំផុត ក្នុង​ចលនា​តស៊ូ ។ ចំណុច​សំខាន់​ក្នុង​លិខិត​ដែល​យើង​ទទួល បាន​ចែងថា “ ខ្មែរក្រោម​កាន់តែច្រើន នៅក្នុង មាតុភូមិ​, ពិសេស បញ្ញវន្ត មាន​មោទនភាព​ណាស់ ចំពោះ​សហព័ន្ធ​ខ្មែរ​កម្ពុជា​ក្រោម​។  បើទោះបីជា​ពួក គាត់​មិន​ហ៊ាន​បញ្ចេញមតិ , ប​ន្តែ​ដួងចិត្ត​របស់​ពួកគាត់​គាំទ្រ និង​កោតសរសើរ KKF, KKFYC  ពេញទំហឹង​” ។

​ដើមហេតុ​នៃ​ជ័យជំនះ​ទាំងឡាយ គឺ​អាស្រ័យ​មក​អំពី​យើង​មាន ចរិត​, យុទ្ធសាស្ត្រ​,  និង បញ្ញា ដ៏​សមរម្យ ។

​ផ្នែក​នៃ​ចរិត ជាអាទិ៍ គឺ​ទាំង​ថ្នាក់ដឹកនាំ ទាំង​សមាជិក​សកម្ម មិន​ប្រកាន់​គំនិត​អាត្មានិយម ។ ម្នាក់ៗ ខំ​បំពេញភារកិច្ច​រៀងៗ​ខ្លួន ដោយ​ប្រកាន់​ស្មារតី​ទទួលខុស​ត្រួវ​រួម (TEAM WORK) ។ យុទ្ធសាស្ត្រ សមរម្យ មានន័យថា យើង​បានកំណត់​មាគ៌ា​ច្បាស់ លាស់ នោះ​គឺ “​ពង្រឹងពង្រីក​កម្លាំង អ្នក​ជាតិនិយម តស៊ូ​ជានិច្ច​និរន្តរ៍ ទាមទារ​អោយ រដ្ឋាភិបាល​យួន​គោរព​សិទ្ធិមនុស្ស សិទ្ធិ​រស់នៅ​ដោយ សុវត្ថិភាព សិទ្ធិ​រក្សា​សាសនា វប្បធម៌ ទំនៀមទម្លាប់ ប្រពៃណី នឹង  “​សិទ្ធិ​សម្រេច​វាសនា​ខ្លួន ដោយ​ខ្លួនឯង​” របស់​ខ្មែរក្រោម ដែលជា ជនជាតិដើម នៅលើ​ដែនដី​កម្ពុជា​ក្រោម​” ។ បញ្ញា (KNOW-HOW)​សមរម្យ គឺ​រាល់​វិធី​ប្រតិបត្តិ ត្រូវបាន ណែនាំ​និង​សិក្សា ពីបទ​ពិសោធន៍​នៃ​មេរៀន ប្រវត្តិសាស្ត្រ​ជាតិ និង​ចរន្ត​ចលនា​អន្តរជាតិ​នានា  មិនមែន​ដោយ ការ​យល់សប្តិ៍​រសើប រ​សាល់​នោះទេ​។

​សមិទ្ធិផល​ដែល​យើង​បាន​មកទល់​សព្វថ្ងៃ ជា​កម្លាំងចលករ​ដ៏​ថ្លៃថ្លា សម្រាប់ សកម្មភាព​របស់ យើង​ទៅ​អនាគត ។  សមិទ្ធិផល​ដែល​យើង​បាន​មកទល់​សព្វថ្ងៃ មិនមែន​បានមក​ដោយ​ងាយៗ​នោះទេ គឺ​បានមក ដោយ​ការចំណាយ​ពេលវេលា កម្លាំងកាយ កម្លាំងចិត្ត និង​កម្លាំង​ថវិកា​យ៉ាង​ធំធេង​។ ដូច្នេះ យើង​មិនត្រូវ​ធ្វេស ប្រហែស ហើយ​បណ្តោយ​ឲ្យ​ការបរិច្ចាគ​ទាំងឡាយ​ក្លាយជា​អត់​ន័យ​នោះឡើយ ។​

​បើ​យើង​ប្រមាណ​មើលទៅ​មុខ យួន​នឹង​ប្រើ​ន​យា​បាយ​ច្រើនបែប​ថ្មី​ទៀត ប្រកបដោយ​ពិសពុល កាន់តែខ្លាំង ដើម្បី​វាយកំទេច សហព័ន្ធ​ខ្មែរ​កម្ពុជា​ក្រោម និង​អង្គការ​ជាតិនិយម​ខ្មែរ​នានា ទាំងអស់​។  តាមពិត នយោបាយ​ដ៏​ពិសពុល​បំផុត​របស់ យួន​នេះ ជា​នយោបាយ​ដ៏​ចាស់​គម្រឹល ប៉ុន្តែ ក៏​នៅតែមាន​ប្រសិទ្ធិភាព​បំផុត​ដែរ ដែល​គេ​ហៅថា  “nồi da xáo thịt”  បកប្រែ​ថា “​ចៀន​ប៉ាន់​សាច់​” មានន័យថា​បំផុស ការវាយប្រហារ​វាង​គ្នាឯង​ក្នុង​សង្គមមនុស្ស ឬ​ប្រទេសជាតិ​តែមួយ​។​

​ខ្មែរ​យើង​សឹងតែ​រាល់គ្នា​បានដឹង​ហើយ នូវ​កលល្បិច​នេះ​។ ប៉ុន្តែ​ជួនកាល យើង​នៅតែ​បំរើ កលល្បិច នេះ​ដោយ​មិនដឹង​ខ្លួន​។ ការចោទប្រកាន់​គ្នា​ដោយ​គ្មាន មូលហេតុ​ត្រឹមត្រូវ ឬ​ការ​លាប​ពណ៌ គ្នា​ដោយ​បញ្ហា ផ្ទាល់ខ្លួន សុទ្ធតែជា​អំពើ​ចូល​ដៃ រំលាយ​ជាតិ ដោយ​មិនដឹង​ខ្លួន​។​

​ក្នុងសង្គម​ប្រជាធិបតេយ្យ ជាការ​ពិតណាស់ ម្នាក់ៗ​មាន​សិទ្ធិសេរីភាព​ក្នុងការ បញ្ចេញមតិ ។ ជាការ​ពិត​ដែរ សមាសភាព​ក្នុង​បណ្តា​អង្គការ ឬ​ក្នុងសង្គម​និ​មួយៗ បុគ្គល​ម្នាក់ៗ មាន​បុគ្គលិកលក្ខណៈ មិន​ដូចគ្នា ទេ ។ បើ​គិត​ជា​អាយុ យើង​មាន​ចាស់ និង មាន​ក្មេង​។ គិតពី​អត្ត​ចារិក យើង​អាច​ចូលចិត្ត អ្នកនេះ មិន​ចូលចិត្ត​អ្នកនោះ​។ ប៉ុន្តែ បើ​គិតពី​រឿង​ជាតិ គឺ​វា​ធំ​ជាង​រឿង​អ្វីៗ​ទាំងអស់ ហើយ​ប្រាកដ ណាស់ វា​ត្រូវតែ​ធំ​ជាង “​អាត្មាអញ​” និង​ធំ​ជាង egos ។ បុគ្គល​ម្នាក់ ទោះបី​ពូកែ​យ៉ាងណា ក៏​មិនអាច ដោះស្រាយ បញ្ហា​ជាតិ​តែ​ឯក ឯង​បានឡើយ​។ មានន័យថា​យើង​ត្រូវការ​ការចូលរួម​ពី​អ្នក​ទាំងអស់គ្នា មិន​ថា​សមាជិក​ថ្មី​ឬ​សមាជិក​ចាស់ មិន​ថា​ស្រី​ឬ​ប្រុស ធំ​ឬ​តូច មាន​ឬ​ក្រ ស​ឬ​ខ្មៅ នោះទេ ។​

​ការ​ត្រឹមតែ​ដើរ​ខ្សឹបខ្សៀវ ឬ​បង្ហាញ​ការ​ស្អប់​គុំ​គួ​ន​ជេរ​យួន​តាម​ហ្វេ​ស​ប៊ុ​ក ឬ​វាយ ប្រហារ​ខ្មែរ ដែល​មិនមែន​បក្សពួក​ខ្លួន មិនអាច​ដោះស្រាយ​បញ្ហា​ជាតិ​បានទេ ។ រីឯ​ការ ដែល​ត្រឹមតែ​ត្អូញត្អែរ ពី​វាសនា​កំសត់ របស់ ខ្មែរ ការសោកស្តាយ​មត៌ក​កេ​រ​ដូនតា ការសំដែង​ទុក្ខសោក​ស្រណោះ អាឡោះ អាល័យ​ចំពោះ អតីតកាល ដ៏​រុងរឿង​នៃ​មហានគរ ក៏​មិនអាច​ដោះស្រាយ​បញ្ហា​បានដែរ​។​

​ដោយ​សង្ខេប ការងារ​ចំពោះមុខ ដែល​យើងទាំងអស់គ្នា​ត្រូវ​ប្រឈម គឺ​៖

១/​សហព័ន្ធ​ខ្មែរ​ក​ម្អុ​ជា​ក្រោម​ត្រូវ​ប្រកាន់ខ្ជាប់ នូវ​គោល​ជំ​ហ៊រ​ដូចតទៅ​៖
​ក​) ជៀសវាង​ការបែកបាក់​កម្លាំង​សាមគ្គី​ជាតិ ដោយ​គោរព​សិទ្ធិសេរីភាព ប្រជាធិបតេយ្យ    ពហុ ទស្សនៈ ហើយ​មិន​ជ្រៀតជ្រែក​កិច្ចការ​ផ្ទៃក្នុង​របស់​អង្គការ នយោបាយ​ខែ្មរ​ក្រោម​ផ្សេងៗ ក្រៅពី​សហព័ន្ធ ។​

​ខ​)​មិន​ចូលរួម ឬ​បំរើ​គណបក្សនយោបាយ​ណាមួយ​នៅ​កម្ពុជា​ឡើយ ។ ប៉ុន្តែ​សហព័ន្ធ​នឹងធ្វើ​ការ ទំនាក់ទំនង​ជាមួយរ​ដ្ឋា​ភិ​បាល និង​សហគមន៍​ខ្មែរ​ទូទៅ ក្នុង​វិស័យ​លើក​តំកើង​សាសនា វប្បធម៌ អក្សរសាស្ត្រ ភាសា​សាស្ត្រ និង​សិក្សាអប់រំ ដោយ​ប្រកាន់​ថា យើង​មានអំបូរ​ជាមួយគ្នា ។​

២/​ដើម្បី​បន្ត​ផ្តល់​សេចក្តីសង្ឃឹម​ដល់​ប្រជាពលរដ្ឋ​ខ្មែរក្រោម សហព័ន្ធ​មិនអាច​ព្រងើយកន្តើយ ដោយមាន​មោទនភាព​ហួសហេតុ ចំពោះ​អ្វីៗ​ដែល​យើង​ធ្វើបាន​នោះឡើយ​។  ផ្ទុយទៅវិញ យើង​ត្រូវ យកចិត្តទុកដាក់​លើ​ការងារ​អ្វីដែល​យើង​ធ្វើ​មិនទាន់បាន និង​ខិតខំ​រក​វិធី​ដោះស្រាយ​ឱ្យទាន់​ពេលវេលា​។  យើង​រាល់គ្នា​ក្នុង​គ្រួសារ​សហព័ន្ធ ប្រាកដ​ជាមាន​មាន​ឆ​ន្ទះ និង​សមត្ថភាព​គ្រប់គ្រាន់ សម្រាប់​ដោះស្រាយ បញ្ហា និង ឧបសគ្គ​នានា​ដែលមាន​ចំពោះមុខ ។ ការងារ​នេះ ទាមទារ​ការរក្សា​ទំនាក់ទំនង​ឱ្យបាន ជិតស្និទ្ធ និង​ស្មារតី​ការងារ​ជា​ក្រុម គឺ TEAM WORK ។​

The past is history.
The future is a mystery.
The present is to stay alert.
Keep moving on, and stay strong.

ខែ សីហា ឆ្នាំ ២០១៤
​គណៈកម្មការ​ទីប្រឹក្សា​

​តោ គិ​ម​ថុង                       សឺ​ង ស​ម្រ​ច​
(​ប្រធាន​)

Comments are closed.