ដោយ ថាច់ ប្រីជា គឿន l សារព័ត៌មាន ព្រៃនគរ
សហព័ន្ធនិស្សិតបញ្ញវន្តកម្ពុជា នៅព្រឹកថ្ងៃចន្ទ ទី ២១ ខែកក្កដា នេះ បានដឹកនាំនិស្សិត ព្រះសង្ឃ និង ប្រជាពលរដ្ឋជាង មួយ ម៉ឺននាក់ ហែញត្តិយកទៅដាក់នៅស្ថានទូតចំនួន ៦ ប្រចាំប្រទេសកម្ពុជា ដែលមាន មូលដ្ឋាននៅក្នុងទីក្រុងភ្នំពេញ ដើម្បីទាម ទារឲ្យអ្នកនាំពាក្យស្ថានទូតវៀតណាមសុំទោសពលរដ្ឋខ្មែរជាសាធារណៈ ទាក់ទិនឹងករណីដែល មន្ត្រីយួនរូប នេះ បានថ្លែងថា ទឹកដីកម្ពុជាក្រោម ជារបស់វៀតណាមជា យូរយារណាស់មកហើយ ។ ស្ថានទូតចំនួន ៦ ដែលក្រុមអ្នក តវ៉ា បានហែញត្តិ យកទៅ ដាក់នោះ ចាប់ផ្ដើមពីស្ថានទូតបារាំង អង់គ្លេស អាមេរិក រុស្សី ចិន និងតំណាងសហគមន៍អឺរ៉ុប ។ ស្ថានទូតវៀតណាមដែលស្ថិតនៅលើមហាវិថីព្រះមុនីវង្ស ជាគោលដៅចុងក្រោយគេបង្អស់ ដែលក្រុមអ្នកតវ៉ាត្រូវដាក់ ញត្តិ ដើម្បីឲ្យរដ្ឋា ភិបាលវៀត ណាមទទួលស្គាល់ប្រវត្តិសាស្ត្រពិត នៃទឹកដីកម្ពុជាក្រោម ។ រហូតមកដល់ម៉ោង ៣ រសៀល មន្ត្រីស្ថានទូតវៀតណាមមិនបានចេញទទួលញត្តិពីក្រុមអ្នកតវ៉ា នៅមុខស្ថានទូតរបស់ខ្លួនទេ ហើយបានបង្វែរឲ្យ យកញត្តិ នោះជូនទៅ សាលាក្រុងភ្នំពេញ ។
ការដង្ហែរញត្តិនេះ របស់ក្រុមអ្នកតវ៉ាបានពាក់អាវយឺតពណ៌ស ដែលមានផែនទីកម្ពុជាកាលពីសម័យអា ណាចក្រខ្មែរផែន ទីកម្ពុជាក្រោម និងបដាដែលមានសរសេរអក្សរថា «កម្ពុជាក្រោមជាទឹកដីរបស់ខ្មែរ» ។ ក្រៅពីនេះ ទង់ជាតិកម្ពុជាក្រោម ត្រូវបានក្រុមអ្នកតវ៉ាជាច្រើនលើកគ្រវីនៅក្នុងក្បួនដង្ហែ និងបិតនៅលើ ផ្ពាល់ និងថ្ងាស់របស់ពួកគេ អមជាមួយនឹងទង់ជាតិ កម្ពុជា ទង់ព្រះពុទ្ធសាសនា និងទង់ជាតិបរទេសមួយ ចំនួន ផងដែរ ។
ថ្លែងទៅកាន់អ្នកកាសែត មុខស្ថានទូតវៀតណាម លោក ម៉ៅ ពិសេស ប្រធានសហព័ន្ធនិស្សិតបញ្ញវន្តកម្ពុជា បានបញ្ជាក់ ថា ការដង្ហែក្បួននៅថ្ងៃទី ២១ ខែកក្កដានេះ គឺចាប់ផ្តើមពីការជួបជុំដាក់ញត្តិទៅស្ថានទូតបារាំងមុនគេ រួចចុងក្រោយគេ នៅស្ថានទូត វៀតណាម ដើម្បីឲ្យលោក Trung Van Thong អ្នកនាំពាក្យស្ថានទូតវៀតណាមទទួលស្គាល់ថា ទឹកដីកម្ពុជា ក្រោម ជាទឹកដីកម្ពុជា ជាយូរមកហើយ ។ លោក បន្តថា ប្រសិនបើអ្នកនាំពាក្យស្ថានទូតវៀតណាម ធ្វើសន្និសីទកាសែត ឬ ចេញសេចក្តីថ្លែងការណ៍ដោយធ្វើការសុំទោសនោះ ក្រុមយុវជនរបស់លោកនឹងមិនតវ៉ានោះទេ និងថា ប្រសិនបើមន្ ត្រីស្ថានទូតវៀតណាម នៅតែមិនព្រមសុំទោសពលរដ្ឋខ្មែរជាសាធារណៈទេ ក្រុមលោកនឹងនៅតែបន្តធ្វើ បាតុកម្មត ទៅទៀត ។
លោក ម៉ៅ ពិសេស បានបន្តថា លោកមិនបារម្ភពីការចាប់ខ្លួនលោកដោយរដ្ឋាភិបាលខ្មែរទេ ។ មិន បារម្ភព្រោះលោកបាន អះអាងថា លោកមិនបានធ្វើអ្វីខុសនឹងច្បាប់នៃប្រទេសកម្ពុជាឡើយ ហើយថា ទង្វើ ទាំងនេះ ជាកាតព្វកិច្ចរបស់ លោក ក្នុងនាមជាកូនខ្មែរ ហើយលោកសង្ឃឹមថា ប្រទេសមហាអំណាចដែល ស្នេហាយុត្តិធម៌ មានសហរដ្ឋអាមេរិកជាដើម នឹងផ្ដល់យុត្តិធម៌ដល់ប្រវត្តិសាស្ត្រពិត នៃដែនដីកម្ពុជាក្រោម ជាក់ជាមិនខាន ។
លោក ម៉ៅ ពិសេស ថ្លែងថា៖
“ដើម្បីឲ្យទទួលស្គាល់ការពិតនៃប្រវត្តិសាស្ត្រ វាមិនពាក់ព័ន្ធទៅនឹងការរើសអើងជាតិសាសន៍ណា នោះទេ ។ ចឹងទេ មន្ត្រីស្ថានទូតវៀតណាមមានភាពក្លាហានគឺគាត់គ្រាន់តែសុំទោសជាសាធារណៈ គឺវាចប់រឿង ហើយ ” ។
រហូតមកដល់ម៉ោង ៣ រសៀល មន្ដ្រីស្ថានទូតវៀតណាមមិនទាន់ចេញទទួលញត្តិពីក្រុមអ្នកតវ៉ាទេ ដោយបង្គាប់ឲ្យក្រុម អ្នកតវ៉ាយកញត្តិទៅដាក់នៅសាលារាជធានីភ្នំពេញវិញ ក៏ប៉ុន្តែក្រុមអ្នកហែញត្តិមិនយល់ព្រម ហើយក៏បន្តប្រមូលផ្ដុំគ្នា នៅ ខាងមុខស្ថានទូតវៀតណាម រងចាំមន្ត្រីស្ថានទូតវៀតណាមចេញទទួល ។ ក្រុមអ្នកតវ៉ាអះអាងថា នឹងមិនរំសាយទេ ប្រ សិន បើមន្ត្រីស្ថានទូតវៀតណាមមិនព្រមទទួលញត្តិ ។
យោងតាមវិទ្យុបារាំង លោកឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងនៅថ្ងៃចន្ទនេះថា អាជ្ញាធរបាន បង្ហាញនូវភាពអត់ធ្មត់ឲ្យបានកាន់តែច្រើននូវការប្រឈមមុខដាក់គ្នា ដោយសារថែរក្សាបរិយាកាសនៃការ ជួបចរចាគ្នា ថ្នាក់កំពូលរវាងគណបក្សជាប់ឆ្នោតទាំងពីរ ដែលកំពុងវិវត្តទៅបានល្អនៅថ្ងៃស្អែក ។ លោកបញ្ជាក់ថា សាលារាជធានី មិនមែនជាកន្លែងទទួលញត្តិសម្រាប់ស្ថានទូតវៀតណាមទេ។ ទោះយ៉ាងនេះក្ដី អាជ្ញាធរក្រុងក៏បានសម្របស ម្រួលឲ្យ អភិបាល រងខណ្ឌចំការមកមួយរូប មកទទួលញត្តិជំនួស ហើយសន្យាថា នឹងបញ្ជូនទៅកាន់ស្ថានទូតវៀតណាមមិន ឲ្យបាត់បង់ឡើយ ។
កាលពីថ្ងៃទី ៨ ខែកក្កដា ឆ្នាំ ២០១៤ លោក ម៉ៅ ពិសេស បានដឹកនាំធ្វើបាតុកម្មនៅមុខស្ថានទូតវៀត ណាម ម្តងរួច មកហើយ ដើម្បីទាមទារឲ្យមន្ត្រីស្ថានទូតនោះចេញមុខសុំទោសពលរដ្ឋខ្មែរជាសាធារណៈ ចំពោះការថ្លែងថា ទឹកដីកម្ពុជា ក្រោមជា របស់ វៀតណាមតាំងពីអតីតកាល មិនមែនកាត់ចេញពីកម្ពុជាទេ ។ តែអ្នកនាំពាក្យស្ថានទូតនោះ គឺលោក ត្រឹង វ៉ានថុង ឆ្លើយតបថា លោកមិនសុំទោសចំពោះការថ្លែងរបស់លោកតាមការទាមទារឡើយ ដោយចាត់ទុកការតវ៉ានោះ ជាការរំលោភច្បាប់កម្ពុជា និងអន្តរជាតិ ។
តាមឯកសារប្រវត្តិសាស្ត្រជាច្រើនអាណានិគមបារាំងបានកាត់ទឹកដី កម្ពុជាក្រោមចំនួន ២១ ខេត្តក្រុងទៅឲ្យ វៀតណាម កាលពីថ្ងៃ ទី០៤ ខែមិថុនា ឆ្នាំ១៩៤៩ ៕
Comments are closed.