សហព័ន្ធខ្មែរកម្ពុជាក្រោម ទើបតែបានធ្វើ សន្និបាតប្រចាំឆ្នាំ ២០១៨ រយៈពេលបីថ្ងៃ គឺ នៅថ្ងៃទី ៧, ៨ និង ៩ ខែធ្នូ ឆ្នាំ ២០១៨ នេះ ដើម្បីបូកសរុបការងារប្រចាំឆ្នាំ និងចេញផែនការជាក់ស្ដែងសម្រាប់អនុវត្តនៅក្នុងឆ្នាំ ២០១៩ ។ សន្និបាតនេះ បានធ្វើនៅទីក្រុង San Jose រដ្ឋ California សហរដ្ឋអាមេរិក ដោយមានថ្នាក់ដឹកនាំ និង សមាជិក នៃ សហព័ន្ធខ្មែរកម្ពុជាក្រោម ព្រមទាំងវាគ្មិនបរទេស បានអញ្ជើញមកពីប្រទេសនានាជុំវិញពិភពលោក ចូលរួមយ៉ាងច្រើនកុះករ ។
នៅក្នុងឱកាសដ៏មានសារៈសំខាន់នេះ លោក ថាច់ វឿង នៃ ទូរទស្សន៍ ព្រៃនគរ និង វិទ្យុ សំឡេងកម្ពុជាក្រោម (VOKK) បានធ្វើកិច្ចសម្ភាសន៍លោក ប្រាក់ សេរីវុឌ្ឍ ជាប្រធានប្រតិបត្តិ នៃ សហព័ន្ធខ្មែរកម្ពុជាក្រោម អំពីអត្ថន័យ នៃសន្និបាតនេះ ដែលមានខ្លឹមសារទាំងស្រុងដូចត ទៅ៖
