នៅថ្ងៃទ ៨ ខែកុម្ភៈ ឆ្នាំ ២០១៨ នេះ ជាខួប ១១ ឆ្នាំ នៃព្រឹត្តិការណ៍ ៨ កុម្ភៈ ដែលកាល ១១ ឆ្នាំ មុន នៅថ្ងៃទី ៨ ខែកុម្ភៈ ឆ្នាំ ២០០៧ សមណសិស្សសាលាបាលីខេត្តឃ្លាំង ប្រមាណ ជាង ២០០ អង្គ បានចេញធ្វើបាតុកម្ម នៅមុខការិយាល័យនគរបាលខេត្តឃ្លាំង ដើម្បីទាមទារឲ្យអាជ្ញាធរវៀតណាម គោរពសិទ្ធិខ្មែរក្រោម នៅដែនដីកម្ពុជាក្រោម ។
នៅក្នុងឱកាស ខួប ១១ ឆ្នាំ នៃព្រឹត្តិការណ៍ ៨ កុម្ភៈ នេះ លោក ថាច់ វឿង នៃ ទូរទស្សន៍ ព្រៃនគរ និង វិទ្យុ សំឡេង កម្ពុជាក្រោម (VOKK) បានសម្ភាស ព្រះតេជព្រះគុណ យ័ញ ទូន និង ព្រះតេជ ព្រះគុណ សួន បូរ៉ា ជាព្រះសង្ឃដែលបានចូលរួមធ្វើបាតុកម្មនៅ ក្នុងព្រឹត្តិការណ៍មួយនេះ ហើយត្រូវរដ្ឋាភិបាលយួនចាប់ផ្សឹក និងដាក់ពន្ធនាគារបណ្ដាលឲ្យ ព្រះអង្គ និងព្រះសង្ឃ ជាច្រើនអង្គទៀត បានភៀសព្រះកាយចេញពីស្រុកកំណើតទៅរស់ នៅក្រៅប្រទេសរហូត មកដល់ សព្វថ្ងៃ ។
រយៈពេល ១១ ឆ្នាំ ក្រោយពី ព្រឹត្តិការណ៍ ៨ កុម្ភៈ តើស្ថានភាពសិទ្ធិមនុស្ស នៅដែនដីកម្ពុជាក្រោម មានការផ្លាស់ប្ដូរយ៉ាងខ្លះ ? នាពេល បច្ចុប្បន្ន ព្រះសង្ឃ ៨ កុម្ភៈ ដែលបាននីរទេសព្រះកាយចេញទៅរស់នៅប្រទេសក្រៅ មាន ជីវភាពយ៉ាងណាខ្លះ ?
សូមប្រិយមិត្តទស្សនា នូវបទសម្ភាសនេះ ដូចតទៅ៖
