បទវិចារណកថា៖ គុណ​តមៃ្ល​នៃ​ព្រលឹង​ជាតិ​ខែ្មរ​ នៅ​កម្ពុជាក្រោម​

0 388

គុណ​តមៃ្ល​នៃ​ព្រលឹង​ជាតិ​ខែ្មរ​ នៅ​កម្ពុជាក្រោម​

បទវិចារណកថា ដោយ លោក ថាច់ វឿង​

ថ្ងៃទី ១៦ ខែសីហា ឆ្នាំ ២០២០​

ដើម្បី​សម្គាល់​ដឹង​នូវ​ព្រលឹង​ជាតិ​ គឺ​យើង​សំដៅ​ទៅលើ វប្បធម៌ ទំនៀមទម្លាប់ អក្សរ​សាស្រ្ត អក្សរ​សិល្បិ៍ ភាសា​កំណើត​ រូបចម្លាក់ កេរដំណែល​បុព្វបុរស អត្តចរិត ក្បូរក្បាច់ រចនា ប្រាង្គ​ប្រាសាទ​នានា​ ដ៏​រស់រវើក របស់​ជាតិ​សាស​ន៍​នោះ​ៗ ។ ជនជាតិ​មួយ​ ដែល​បាន​បាត់បង់​ព្រលឹង​ជាតិ មិនដឹង មិន​ស្គាល់​ ខ្លួនឯង​ជា​នរណា មក​ពីណា មិនដឹង​ប្រវត្តិ​សាស្រ្ត​ខ្លួនឯង ភេ្លច​ជាតិ​កំណើត​ខ្លួនឯង​ ជនជាតិ​នោះ និង​អាប់ឱន និង​ត្រូវ​គេ​មាក់ងាយ​បន្ថោក​បន្ទាប និង​ត្រូវ​គេ​គ្រប់គ្រង​ជា​រៀង​រហូត​ ។ កាលណាបើ​បាត់ បង់​ព្រលឹង​ជាតិ​របស់​ខ្លួន​ ត្រូវតែ​រក​មធ្យោបាយ​ខាប​យក​មកវិញ ។ នៅក្នុង​ហស​រដ្ឋ​អាមេរិក មាន​ជនជាតិ ជាច្រើន​កំពុង​រស់នៅ​ រាប់ទាំង​ពលរដ្ឋ​ខែ្មរ​ក្រោម ផង​ដែរ មាន​សិ​ទិ្ធ​ពេញលេញ​ក្នុង​ការអនុវត្ត​តាម និង គោរព​ប្រពៃណី​ ទំនៀមទម្លាប់ ដោយ​គ្មាន​ការ​ហាមឃាត់​ឡើយ ។ ជនជាតិ​ណា​មួយ​ភេ្លច​ព្រលឹង​ជាតិ របស់​ខ្លួន​ ភេ្លច​ជាតិ​កំណើត​របស់​ខ្លួន​ថាម​កពីណា រដ្ឋាភិបាល​អាមេរិក​មិន​ទុកចិត្ត​ និង​មិន​ឲ្យ​តម្លៃ​ដល់​ជន ជាតិ​នោះ​ឡើយ ព្រោះ​ជាតិ​កំណើត​ខ្លួនឯង​នៅ​តែ​ភេ្លច នៅតែ​មិន​គោរព​ ចុះ​ទម្រាំ​រឿង​អី្វ​ផ្សេងទៀត ។ ដូច្នេះ ទើប​នៅ​លើ​សញ្ញាប័ត្រ​ដែល​ចូលសញ្ជាតិ​អាមេរិក​ គេ​នៅតែ​ដាក់​បញ្ជាក់​អំពី​កន្លែង​កំណើត​របស់ មនុស្សម្នាក់​ដែល​មក​ពី​ប្រទេស​ណា​ដែរ ឧទាហរណ៍​ ដូចជា ពលរដ្ឋខ្មែរ​មក​ពី​ប្រទេស​កម្ពុជា គេដាក់ “Cambodian​ American​” មានន័យថា “ខែ្មរ​-អាមេរិកកាំង​” ដែរ ។ ខែ្មរ​ក្រោម​តាម​ខេត្ត​នានា ដែល​រស់ នៅ​តំបន់​ដាច់​ស្រ​យ៉ា​ល ដូចជា​ខេត្ត​ទឹកខ្មៅ​ជាដើម​ មិនសូវ​មាន​ខែ្មរ​រស់នៅ និយាយ​ភាសា​ខែ្មរ​មិនសូវ បាន​ច្បាស់លាស់​ តែ​នៅ​មានព្រលឹង​ជាតិ​នៅក្នុង​ខ្លួន​ជានិច្ច រួបរួម​គ្នា​កសាង​វត្ត​ ដើម្បី​ថែរក្សា​វប្បធម៌​ខែ្មរ បង្កើត​ក្រុមរបាំ ដើម្បី​បង្ហាញ​អត្តសញ្ញាណ​ជាតិ​របស់​ខ្លួន ។

ពិធីបង្សុកូល និងស្រង់ទឹកព្រះ នៅដែនដីកម្ពុជាក្រោម
ពិធីបង្សុកូល និងស្រង់ទឹកព្រះ នៅដែនដីកម្ពុជាក្រោម

បុព្វបុរស​ខែ្មរ​ក្រោម​ជាច្រើន​ជំនាន់​មក​ហើយ​ បាន​តស៊ូ​លះបង់​ជីវិត ដើម្បី​ការពារ​រក្សា​ទុ​កនូវ​ព្រ លឹង​ជាតិ​ខែ្មរ​ នៅ​លើទឹក​ដី​កម្ពុជាក្រោម រហូតមកដល់​សព្វ​ថៃ្ង​នេះ ។ តាម​ប្រវត្តិ​សាស្រ្ត​ ជនជាតិ​យួន​មាន​ប្រភព​ដើម​ចេញ​មក​ពី​ប្រទេស​ចិន គ្មាន​ទឹកដី គ្មាន​វប្បធម៌ គ្មាន​អក្សរ​សាស្រ្ត​ អក្សរ​សាស្រ្ត​យួន​ដែល​កំពុងតែ​ប្រើប្រាស់​សព្វ​ថៃ្ង គឺ​បារាំង​ជា​អ្នកបង្កើត​ឲ្យ​ បាន​ជា​យួន​ខំប្រឹង​ប្រែង​ណាស់ ចាប់តាំងពី​ជំនាន់​សេ្តច យួន មិញ ម៉ាង មក​ យួន​នៅតែ​រក្សា​មហិ​ច្ឆិ​តា​ជ្រៀតចូល កែ​កាឡៃ​បន្លំ​បន្តិច​ម្តង​ៗ ធ្វើ​យ៉ាងណា​ឲ្យ​ខែ្មរ​ក្រោម​បាត់បង់​ព្រលឹង​ជាតិ​ ភេ្លច​ជាតិ​កំណើត​ខ្លួនឯង​ឲ្យ​ក្លាយទៅជា​យួន ប្រែក្លាយ​វប្បធម៌ ទំនៀម ទម្លាប់​ខែ្មរ​ឲ្យ​ទៅជា​យួន​ ទូក ង ខែ្មរ​ក្រោម អុំ​ក្នុង​រដូវ​កាល​បុណ្យ​អកអំបុក​សំពះព្រះខែ ប៉ុនែ្ត​គេ​តម្រូវឲ្យ ខែ្មរ​អុំ​ទូកង​ ខុសរដូវ​កាល វិល​វល់​វងេ្វង​ជាតិ ដោយ​មិន​អាច​កំណត់​ដឹង​បាន​នូវ​អី្វ​របស់​ខ្លួន ម្យ៉ាងវិញទៀត ឈ្មោះ​ ទូកង គឺ​ឈ្មោះ​វត្ត​និ​មួយ​ៗ ទូទាំង​កម្ពុជាក្រោម ទូកង​និ​មួយ​ៗប្រកបដោយ​ក្បូរក្បាច់ រចនា​បទ្ម​ ខែ្មរ​ដ៏​រស់រវើក ទូកង​ខ្លះ​ស្រាប​លេចចេញ​អក្សរ​យួន​ពីលើ​ក្បាលទូក​ វា​ធ្វើឲ្យ​បាត់​អស់​សោភណភាព វា​ទៅជា​ភ្លាវ វា​មិន​សម វា​មិន​ត្រឹមត្រូវ វា​ប្រាសចាក​ការពិត​ វា​ប្រាស់​ចាក​ពី​ប្រភព​ដើម ដែល​មិន​អាច ទទួលយក​បាន ។ ផែ្ន​កសិល្បះ​វិញ​ នៅ​តាម​ខេត្ត​មួយចំនួន​នៅ​កម្ពុជាក្រោម ឆា​កសមែ្តង​ភេ្លង​ពិណពាទ្យ​ខែ្មរ​ គ្មាន​អក្សរ​ខែ្មរ​សូម្បីតែ​មួយ​តួ សុទ្ធតែ​អក្សរ​យួន​ទាំងអស់ បើ​យើង​ក្រឡេក​មើលទៅ​សឹងតែ​មិន ដឹង​ថា​នោះ​ជា​របស់​ខែ្មរ​ ក្នុង​កម្មវិធី​របស់​ខែ្មរ ប៉ុនែ្ត​អ្នកដឹកនាំ​កម្មវិធី​និយាយ​សុទ្ធតែ​ជា​ភាសា​យួន មាន​មតិ មួយចំនួន​គេ​និយាយ​ថា​ សរសេរ​អក្សរ​យួន និយាយ​យួន​ទៅ​បានដឹង​ទាំងអស់គ្នា នោះ​ហើយ​គឺជា​ការ ភេ្លច​ជាតិ​កំណើត​ខ្លួនឯង​ សម្លាប់​ខ្លួនឯង បទចម្រៀង​ខ្លះ​បកប្រែ​ចេញពី​យួន និង​កែ​ច្ឆៃ​តាមរបៀប​យួន​ យក​មក​ច្រៀង​ស្តាប់​មិនបាន របាំ​គោះត្រឡោក​ក្នុង​ខេត្ត​ខ្លះ សមែ្តង​កែ​ច្ឆៃ​លាយឡំ​ជា​របៀប​យួន​ សម្លៀក បំពាក់​សមែ្តង​លើ​ឆាក​ខ្លះ មិន​ចំជា​លក្ខណៈ​ខែ្មរ​ពិតប្រាកដ ។ ជាតិ​ខែ្មរ​មាន​វប្បធម៌​ដ៏​សម្បូរណ៍​បែប ដ៏ ល្អ​ប្រណិត ភាព​ទន់ភ្លន់ ភាព​ស្មោះត្រង់​អាកប្ប​កិ​រិយា​ថៃ្ល​ថ្នូរ​ មាន​តមៃ្ល​ដោយ​ឥតគណនា​បាន ខែ្មរ​ក្រោម គួរ​យល់ដឹង​ឲ្យបាន​ច្បាស់លាស់​ នូវ​អី្វ​ដែល​ជា​របស់​ខ្លួន ហើយ​កំពុង​ជួប​ហានិភ័យ​បែប​ណាខ្លះ “ អក្សរ រលត់ ជាតិ​រលាយ​ សាសនា​ខ្ចាត់ខ្ចាយ សប្យា​យស​ត្រូវ​” ។

ដូ​ចេ្នះ ដើម្បី​សងគុណ​បុព្វបុរស​របស់​ខ្លួន​ កាតព្វកិច្ច​របស់​ខែ្មរ​ក្រោម រួបរួម​សាមគ្គី ថែរក្សា​ព្រលឹង​ជាតិ​ខែ្មរ​ឲ្យ​ឋិតនៅ​ជា​អមតៈ​ ក្នុង​ដួងចិត្ត​កូនចៅ​ជំនាន់​ក្រោយ​គ្រប់​ៗរូប​ បើសិនជា​ខែ្មរ​ក្រោម​បេ្ត​ជ្ញា​ការពារ​ព្រលឹង​ជាតិ​បាន​តាំងនៅ​ជា​រៀង​រហូត​នោះ​ គុណ​តមៃ្ល​នៃ​ព្រលឹង​ជាតិ​ខែ្មរ ធ្វើឲ្យ​ជាតិសាសន៍​ដទៃ មិនហ៊ាន​បៀតបៀន កោតក្រែង សរ​សើ​រស្ញប់ស្ញើង​ និង​ឲ្យ​តមៃ្ល​ខែ្មរ​ជា​ជា​តិ​ថៃ្ល​ថ្នូរ រុងរឿង​មិនខាន​ឡើយ និង​បូករួម​ជាមួយ​កម្លាំង​តស៊ូ​របស់ សហព័ន្ធ​ខែ្មរ​កម្ពុជាក្រោម​នៅ​ក្រៅប្រទេស​ ខែ្មរ​ក្រោម​និង​សម្រច នូវ​គោលដៅ​ក្នុង​ពេល​អនាគត ៕

Leave A Reply

Your email address will not be published.