ជនជាតិ​យួន​សង់​ខ្ទម​កៅស៊ូ មក​នៅក្បែរ​ដើមឈើ​ទាល ឧកញ៉ា សឺ​ង គុយ​

0 2,270

​ដោយ ថាច់ ប្រីជា គឿន​

នៅពេល​ថ្មីៗ​នេះ ក្រុម​អ្នក​ប្រើ​បណ្ដាញ​សង្គម Facebook បាននាំគ្នា​ផ្សព្វផ្សាយ និង​ចែក រំលែក​នូវ​រូបថត​ខ្ទម​ជាត​ង់​កៅស៊ូ​របស់​ជនជាតិ​យួន ដែល​បានមក​សង់ និង​ស្នាក់​នៅជាប់​នឹង ដើម​ឈើទាល​បញ្ច្រាស់​ចុង ដែល ឧកញ៉ា សឺ​ង គុយ បាន​ដាំ​នៅក្បែរ​វត្ត​ខឿន នាទី​រួម​ខេត្ត​ព្រះ ត្រពាំង អម ជាមួយ នឹង​ពាក្យ​ថ្កោលទោស​ថា ជា​ចេតនា​របស់​អាជ្ញាធរ​យួន​ក្នុងការ​លុបបំបាត់ នូវ​ភ​ស្តុ​តាង ប្រវត្តិ សាស្ត្រ​កម្ពុជា​ក្រោម និង​ក្នុង​គោលបំណង​បន្តុះបង្អាប់​ដល់​ព្រលឹង​វីរបុរស​ខ្មែរក្រោម ។​

​អ្នក​ប្រើ​គណនេយ្យ Facebook ឈ្មោះ ស៊ូ​ន សុវណ្ណ​ពៅ បាន​ប្រតិកម្ម​ថា​៖ “​រដ្ឋអំណាច​យួន​ចង់ បំបាត់​វប្បធម៌ ប្រពៃណី ​ជំនឿ​របស់​បងប្អូន​ជនរួមជាតិ​ខ្មែរក្រោម គឺ​ចង់​បំបាត់ភស្តុតាង​ដើមឈើ ទាល​ដាំ​ចុង​ចុះ​គល់​ឡើងលើ របស់​ឧកញ៉ា សឺ​ង គុយ​” ។​

អ្នក​ប្រើ​គណនេយ្យ Facebook ឈ្មោះ Ekareach Thach បាន​សរសេរ​ជា​សំនួ​រថា​៖ “​តើ​យើង​ទាំង អស់​គ្នា គួរ​គិត​យ៉ាងណា​? នាំគ្នា​ទៅ​រុះ​ខ្ទម​នេះ​ចោល ឬ ទៅ​ដុត ? វា​ប៉ះពាល់​ដល់​សោភណភាព​ដើម ឈើ ពេក​ហើយ​” ។ ឆ្លើយតប​នឹង​សំនួរ​នេះ អ្នកខ្លះ​បញ្ចេញមតិ​ថា គួរតែ​នាំគ្នា​ទៅ​ដុត​ខ្ទម​នេះ​ចោល និង​អ្នក ខ្លះ​ថា ស្នើ​ទៅ​រដ្ឋអំណាច​យួន​ឲ្យ​គេ​រុះរើ​ខ្ទម​នេះ​ចេញ​ជាបន្ទាន់ ។​

ដើមឈើ​ទាល ចៅហ្វាយ គុយ មុនពេលមិនទាន់សង់ខ្ទម
ដើមឈើ​ទាល ចៅហ្វាយ គុយ មុនពេលមិនទាន់សង់ខ្ទម

​សូមបញ្ជាក់ថា ដើម​ឈើទាល​បញ្ច្រាស់​ចុង ឬ ដើមឈើ​ទាល ចៅហ្វាយ គុយ ឋិត​នៅជាប់​ដងផ្លូវ មហា សឺ​ង ថុង សង្កាត់ ទី ៧ ទី​រួម​ខេត្ត​ព្រះ​ត្រពាំង ក្បែរ​វត្ត​ខឿន ជា​ដើមឈើ​ដែលមាន​ចំណាស់​មួយ ត្រូវបានអ្នកស្រុក​ដំណាល​ថា ឧកញ៉ា សឺ​ង គុយ ជា​អតីត​ចៅហ្វាយស្រុក​ព្រះ​ត្រពាំង ជា​អ្នក​ដាំ​បញ្ច្រាស់​ចុង នៅ​ឆ្នាំ ១៨៤១ ដើម្បី​ផ្សង​ចំពោះ​វាសនា​ជនជាតិខ្មែរ​នៅ​ដែនដី​កម្ពុជា​ក្រោម​ថា ប្រសិនបើ​មែកឈើ​ទាល នេះ​រស់ វាសនា​ខ្មែរ​នៅ​កម្ពុជា​ក្រោម​នឹង​រស់ តែបើ​មែកឈើ​ទាល​នេះ​ងាប់ វាសនា​ខ្មែរ​នឹង​លែងមាន​វត្តមាន នៅលើ​ទឹកដី​កម្ពុជា​ក្រោម តទៅទៀត​ហើយ​” ។​
​សូមបញ្ជាក់ថា ចាប់ពី​ឆ្នាំ ១៨៣៤ ដល់ ១៨៤១ ប្រទេស​កម្ពុជា គ្រប់គ្រង​ដោយ​ស្ដេច​ស្រី អង្គ ម៉ី ជា ក្សត្រិយ៍ ទី ៩៧ នៃ​ប្រទេស​កម្ពុជា ដែល​បាន​លើក​បន្តុប​ដោយ​ស្ដេច​យួន មិញ ម៉ាង (Minh Mang) ក្នុង អំឡុង​ពេលដែល​ប្រ​ទស​កម្ពុជា ត្រូវ​រង​ឥទ្ធិពល និង ត្រូវ​ហែកហួរ​ដោយ​សង្គ្រាម​សៀម និង យួន ។
​នៅ​ឆ្នាំ ១៨៣៦ ក្នុងពេលដែល​កំពុងតែ​ចូល​វាតទី​ទឹកដី​ខ្មែរ ស្ដេច ម៉ិ​ញ ម៉ាង បាន​បង្កើត​យុទ្ធសាស្ត្រ មួយ​ហៅថា យុទ្ធសាស្ត្រ “​យួន​ឧ​ប​នេ​យ្យក​ម្ម​” ឬ យុទ្ធសាស្ត្រ “​ធ្វើ​ខ្មែរ​ឲ្យ​ក្លាយទៅជា​យួន​” សម្រាប់​អនុវត្ត លើ​ប្រជារាស្ត្រ​ខ្មែរ នៅ​ប្រទេស​កម្ពុជា និង ខ្មែរ​នៅ​ដែនដី​កម្ពុជា​ក្រោម ដូចជា បានចេញ​បញ្ជា​ឲ្យ​ប្ដូរ​ឈ្មោះ​ប្រ ទេស​កម្ពុជា​ទៅជា​ភាសា​យួន​ថា ត្រាន់ តាយ ថាញ់ (Trấn Tây Thành), ទីក្រុង​ភ្នំពេញ​ទៅជា ណា​មយ៉ាង (Nam Vang) និង ឲ្យ​ប្រជារាស្ត្រ​ខ្មែរ ប្រកាន់យក​ប្រពៃណី​យួន និង ព្រះសង្ឃ​ខ្មែរ ត្រូវតែ​គោរព​តាម​ប្រពៃណី​បែប​ពុទ្ធសាសនា​មហាយាន​យួន ជាដើម ។ យុទ្ធសាស្ត្រ​នេះ អនុវត្ត​មិនទាន់បាន​ជោគជ័យ ស្រាប់តែ នៅ​ឆ្នាំ ១៨៤១ ស្ដេច ម៉ិ​ញ ម៉ាង (Minh Mang) បាន​សោយ​ទិវង្គត​, ស្ដេច ទេវ ទ្រី (Thieu Tri) បាន​ឡើង​សោយរាជ្យ​ជំនួស ហើយ​បាន​អនុវត្ត​នូវ​យុទ្ធសាស្ត្រ​នេះ​បន្ត​ពី​បិតា​របស់ខ្លួន ។​

រូបឆាយា​លក្ខណ៍ ឧកញ៉ា សឺ​ង គុយ​
រូបឆាយា​លក្ខណ៍ ឧកញ៉ា សឺ​ង គុយ​

​បទបញ្ជា​រំលាយ​ពូជសាសន៍​ខ្មែរ បានធ្វើ​ប្រជារាស្ត្រ​ខ្មែរ​នៅ​គ្រប់​ទី​គ្រប់​ទីកន្លែង​ក្ដៅក្រហាយ និង​ក្រោក​បះ បោរ​ប្រឆាំងនឹង​យួន​យ៉ាង​ខ្លាំងក្លា ក្នុងនោះ មាន​ចលនា​តស៊ូ​របស់ ចៅហ្វាយស្រុក​ព្រះ​ត្រពាំង ឧកញ៉ា សឺ​ង គុយ ជាដើម ។​
​មានរឿង​ដំណាល​ថា នៅពេល​កំពុង​ធ្វើសង្គ្រាម​ជាមួយនឹង​ទ័ព​យួន ឧកញ៉ា សឺ​ង គុយ បាន​ដាំ​ដើមឈើ​ទាល​នេះ ដោយបាន​យក​មែក​ឈើទាល​មួយ​ទៅ​ដោត «​ចុង​ចុះដី​គល់​ឡើងលើ​» ហើយ​ផ្សង​ថា «​ប្រសិន បើ មែកឈើ​ទាល​នេះ​ដុះ (​រស់​) គឺ អាយុជីវិត នៃ​ជនជាតិខ្មែរ​នៅ​កម្ពុជា​ក្រោម ក៏​នៅរស់​ដែរ​» ហើយ​ដើម ឈើទាល​នេះ ក៏បាន​ដុះ​រស់​រហូតមកដល់ សព្វថ្ងៃ ។​
​ក្រោយមក ដើម្បី​ឲ្យ​យួន​លុបចោល នូវ​បទបញ្ជា “​យួន​ឧ​ប​នេ​យ្យក​ម្ម​” ចោល ឧកញ៉ា សឺ​ង គុយ បាន​ឲ្យ យួន​កាត់ ក ទាំង​រស់ ជា​ថ្នូរ​ឲ្យ​ប្រជារាស្ត្រ​ខ្មែរ​នៅ​កម្ពុជា​ក្រោម មាន​សិទ្ធិ​រក្សា​ប្រពៃណី​ទំនៀមទម្លាប់​ខ្មែរ និង ព្រះសង្ឃ​អាច​គោរព​ប្រតិបត្តិ​តាម​ប្រពៃណី​ពុទ្ធសាសនា​ថេរវាទ​របស់​ជនជាតិ​ខ្មែរ ដូចដើម​វិញ ។
​សព្វថ្ងៃ គេ​សង្កេតឃើញ ព្រះសង្ឃ និង ពលរដ្ឋ​ខ្មែរ​នៅ​គ្រប់ទិសទី តែងតែ​នាំគ្នា​មក​ទស្សនា​នូវ​ដើមឈើ ទាល​បញ្ច្រាស់​ចុង​នេះ ជា​បន្តបន្ទាប់ ទោះបី​ទីនេះ រដ្ឋាភិបាល​វៀតណាម មិនបាន​ចាត់ទុកថា ជា​តំបន់ ទេសចរណ៍ ក៏ដោយ ។ ពលរដ្ឋ​ខ្មែរ​នៅ​កម្ពុជា​ក្រោម ចាត់ទុក ដើម​ឈើទាល​បញ្ច្រស់​ចុង​នេះ ជាទី សក្ការបូជា​របស់​ពួកគាត់ និង​ជា​ភស្តុតាង​ប្រវត្តិសាស្ត្រ​មួយ​បញ្ជាក់​អំពី ប្រវត្តិ​នៃ​ការឈ្លានពាន​ទឹកដី​ខ្មែរ ពី​សំណាក់​ជនជាតិ​យួន ក្នុងសម័យ​អតីតកាល ៕​

Leave A Reply

Your email address will not be published.