ដោយ ថាច់ ប្រីជា គឿន l សារព័ត៌មាន ព្រៃនគរ
នៅថ្ងៃទី ២៧ និង ២៨ ខែមករា ឆ្នាំ ២០១៦ នេះ ក្រុមប្រឹក្សាសេដ្ឋកិច្ច និង សង្គមកិច្ចរបស់អង្គការសហ ប្រជាជាតិហៅកាត់ថា ECOSOC បានបើកសន្និបាតមួយ ដើម្បីសម្រេចលើពាក្យស្នើសុំរបស់សហព័ន្ធខ្មែរ កម្ពុជាក្រោម ដើម្បីចូលជាសមាជិកគណៈកម្មការអង្គការក្រៅរដ្ឋាភិបាលក្នុងនាមជាអ្នកផ្ដល់យោបល់ ដល់ក្រុមប្រឹក្សាសេដ្ឋកិច្ច និង សង្គមកិច្ចរបស់អង្គការសហប្រជាជាតិ ។
ចុងក្រោយ ប្រទេសចំនួន ៣ រួមមាន សហរដ្ឋអាមេរិក ក្រិក និង អ៊ីស្រាអែល ជាសមាជិកគណៈកម្មាការ ECOSOC បានបោះឆ្នោត ប្រឆាំងនឹងការបិទសំណុំរឿងរបស់សហព័ន្ធខ្មែរកម្ពុជាក្រោម ។ ចំណែក សមាជិកដទៃទៀត នៃ គណៈកម្មាការ ECOSOC បានបោះឆ្នោតគាំទ្រ ឲ្យបិទសំណុំរឿង របស់សហព័ន្ធ ខ្មែរកម្ពុជាក្រោម ។
បន្ទាប់ព្រឹត្តិការណ៍នេះ នៅថ្ងៃទី ១ ខែកុម្ភៈ ឆ្នាំ ២០១៦ អង្គការអន្តរជាតិដើម្បីសិទ្ធិមនុស្ស (The International Service for Human Rights) ហៅកាត់ថា ISHR បានចេញសេចក្ដីរាយការណ៍មួយ នៅលើគេហទំព័ររបស់ខ្លួន ដាក់ចំណងជើងថា “ គណៈកម្មការអង្គការសហប្រជាជាតិ ទទួលបន្ទុកខាង អង្គការក្រៅរដ្ឋាភិបាល៖ សូមកុំបំបិទសិទ្ធិអង្គការក្រៅរដ្ឋាភិបាលនិយាយឡើយ” ។
ខ្លឹមសារ នៃព្រឹត្តិការណ៍បោះឆ្នោត ដែលធ្វើឲ្យល្បីកក្រើកឈ្មោះ សហព័ន្ធខ្មែរកម្ពុជាក្រោម នៅចំពោះអ្នកការ ទូតនៃប្រទេសនានាក្នុងពិភពលោក និងតំណាងអង្គការសិទ្ធិមនុស្សអន្តរជាតិនានា នៅក្នុងសាលអង្គការ សហប្រជាតិ នេះ ត្រូវបាន អង្គការអន្តរជាតិដើម្បីសិទ្ធិមនុស្ស ធ្វើសេចក្ដីរាយការណ៍យ៉ាងនេះថា៖
នៅក្នុងសេចក្តីសម្រេចដែលត្រូវធ្វើទាំងបញ្ច្រាស់ទិសដោយ ក្រុមប្រឹក្សាសេដ្ឋកិច្ច និងសង្គមកិច្ចអង្គការសហប្រជាជាតិ (ECOSOC) ។ រដ្ឋជាសមាជិក អង្គការសហប្រជាជាតិទទួលបន្ទុកខាងអង្គការ ក្រៅរដ្ឋាភិបាលបាល (NGO) បានផ្លាស់ប្តូរឥរិយាបថប្រែទៅជាបំបិទមាត់អង្គការក្រៅរដ្ឋាភិបាលមួយ និងបានបដិសេធមិនឲ្យចូលអង្គការសហ ប្រជាជាតិ ដែលជាទង្វើមួយរំលោភលើសិទ្ធិសេរីភាពនៃការបញ្ចេញមតិ ការជួបប្រជុំ និងនីតិវិធី ។
គណៈកម្មាការអង្គការក្រៅរដ្ឋាភិបាល នៃអង្គការសហប្រជាជាតិ បានបោះឆ្នោតដើម្បីបិទពាក្យសុំរបស់សហព័ន្ធ ខ្មែរកម្ពុជាក្រោម ក្នុងការចូលជាសមាជិកអង្គការមិនមែនរដ្ឋាភិបាល នៃក្រុមប្រឹក្សាសេដ្ឋកិច្ច និងសង្គមកិច្ច អង្គការសហ ប្រជាជាតិ (ECOSOC) ក្នុងឋានៈជាអ្នកពិគ្រោះយោបល់ ។ ព្រឹត្តិការណ៍នេះ បានក្លាយទៅជាសេចក្ដីសម្រេចមួយ នៅពីក្រោយវាំងននរបស់គណៈកម្មការ អង្គការ ECOSOC កាលពីថ្ងៃព្រហស្បតិ៍ ទី ២៨ ខែមករា ឆ្នាំ ២០១៦ ដើម្បីបដិសេធអង្គការក្រៅរដ្ឋាភិបាលសូម្បីតែឱកាសឡើងនិយាយការពារនូវសំណុំរឿងរបស់ខ្លួន ។
មានតែប្រទេសជាសមាជិក ECOSOC ចំនួន ៣ ប៉ុណ្ណោះ គឺ សហរដ្ឋអាមេរិក ក្រិក និងអ៊ីស្រាអែល ដែលបានបោះ ឆ្នោតប្រឆាំងនឹងការបិទសំណុំរឿងរបស់សហព័ន្ធខ្មែរកម្ពុជាក្រោម (KKF) ។ ប្រទេស អ៊ុយរូហ្គាយ (Uruguay) អនុប្បវាទ ។ ប្រទេសទាំងអស់ជាសមាជិកបានបោះឆ្នោតគាំទ្រឲ្យបិទសំណុំរឿងសហព័ន្ធខ្មែរកម្ពុជាក្រោម ។
សហរដ្ឋអាមេរិក បានធ្វើសេចក្ដីថ្លែងការណ៍មួយគាំទ្រយ៉ាងពេញទំហឹងនូវសុច្ចរិតភាពរបស់សហព័ន្ធខ្មែរកម្ពុជាក្រោម ជាអង្គការមួយ ។ ប្រទេសក្រិកបានហៅការបោះឆ្នោតនេះថាជា “ការរំលោភបំពានមួយ យ៉ាងធ្ងន់ប្រឆាំងនឹងអង្គការក្រៅ រដ្ឋាភិបាល ។ គួរកត់សម្គាល់ដែរថា គ្មានមូលហេតុណាមួយដែលត្រូវបិទសំណុំរឿងដោយគ្មាន “ភស្តុតាងពិតប្រាកដ” ដែលចោទថា អង្គការក្រៅរដ្ឋាភិបាលមួយបានធ្វើការការផ្ទុយទៅនឹងគោលការណ៍ធម្មនុញ្ញ នៃអង្គការសហប្រជាជាតិ ឡើយ” ។
“វៀតណាម ជារដ្ឋមួយដែលបានធ្វើការជំទាស់តាំងពីដើមរៀងមកនូវ សំណើរបស់សហព័ន្ធខ្មែរកម្ពុជាក្រោម បាន អបអរសាទរចំពោះសេចក្ដីសម្រេច និងសមត្ថភាពរបស់ គណៈកម្មាការ ECOSOC ដូចអ្វីដែលខ្លួនបានពណ៌នាថា គណៈកម្មការចេះបែងចែករវាង អង្គការក្រៅរដ្ឋាភិបាល “ពិតប្រាកដ” និងអង្គការដទៃទៀតដែលមិនពិត ។
លោកស្រី អ៊ីលីណរ អូបផេនស (Eleanor Openshaw) នៃ អង្គការអន្តរជាតិដើម្បីសិទ្ធិមនុស្ស (ISHR) បានថ្លែងថា៖ «គណៈកម្មការអង្គការក្រៅរដ្ឋាភិបាល ECOSOC ត្រូវដឹងថា ការបដិសេធនូវដំណើរការចូលអង្គការសហប្រជាជាតិ របស់អង្គការក្រៅរដ្ឋាភិបាល វាត្រូវឆ្លងកាត់ការពន្យារពេលដាក់ពាក្យជាច្រើនដំណាក់កាល ។ ទោះជាយ៉ាងណាក៏ដោយ គណៈកម្មានេះ បានឈានដល់កម្រិតមួយទាបបំផុត នៅក្នុងការបដិសេធអង្គការក្រៅរដ្ឋាភិបាលមួយ សូម្បីតែឱកាស ក្នុងការដាក់ពាក្យ” ។
លើសពីនេះទៀត វាអនុញ្ញាតឱ្យមានការចោទប្រកាន់ ត្រូវធ្វើឡើងប្រឆាំងនឹងអង្គការក្រៅរដ្ឋាភិបាលនៅក្នុងអង្គប្រជុំ របស់ខ្លួន ដោយមិនអនុញ្ញាតឱ្យអង្គការក្រៅរដ្ឋាភិបាលបានឆ្លើយតបឡើយ ។ គណៈកម្មាធិអង្គការក្រៅរដ្ឋាភិបាល ECOSOC បានរើសអើងលើអង្គការក្រៅរដ្ឋាភិបាល និងបានបំបិទមាត់ពួកគេ ។ ECOSOC ត្រូវតែដកសេចក្តីសម្រេច របស់គណៈកម្មាការរបស់ខ្លួន លើករណីនេះនៅក្នុងសម័យប្រជុំបន្ទាប់ទៀតរបស់ខ្លួន នៅក្នុងខែមេសា ខាងមុខនេះ ។
ក្រុមរដ្ឋ ដែលដឹកនាំដោយ ប្រទេស គុយបា (Cuba) នីហ្គារ៉ាកួ (Nicaragua) និងប្រទេសវ៉ែននីស៊ូឡា (Venezuela) បានទទួលជោគជ័យនៅក្នុងអង្គការសហប្រជាជាតិ ដើម្បីបដិសេធសិទ្ធិក្នុងការឆ្លើយតបទៅនឹងការចោទប្រកាន់ប្រឆាំង នឹងអង្គការក្រៅរដ្ឋាភិបាល ។ សហរដ្ឋអាមេរិកបានពណ៌នា ដូចជាជាការផ្ញើសារមួយព្រមានថា “ សេរីភាពក្នុងការ បញ្ចេញមតិគឺស្ថិតនៅក្រោមការគំរាមកំហែងមួយនៅក្នុងអង្គការសហប្រជាជាតិ” ។ ភាគច្រើន រដ្ឋជាសមាជិក គណៈកម្មាការ ECOSOC បានបោះឆ្នោតនោះ គឺជាការការគាំទ្រដល់ការបំបិទមាត់ សហព័ន្ធខ្មែរកម្ពុជាក្រោម (KKF) ដែលជាអង្គការមិនមែនរដ្ឋាភិបាលមានមូលដ្ឋាននៅសហរដ្ឋអាមេរិក ។ សហព័ន្ធខ្មែរកម្ពុជាក្រោម ត្រូវបានដាក់ពាក្យ ដើម្បីចូលសមាជិកអង្គការក្រៅរដ្ឋាភិបាល ECOSOC ក្នុងឋានៈជាអ្នកពិគ្រោះយោបល់នោះ ជាការមួយដ៏សំខាន់ ដែលនឹងត្រូវបានអនុញ្ញាតអង្គការក្រៅរដ្ឋាភិបាលបានចូលរួមនៅក្នុងកិច្ចប្រជុំជាច្រើនរបស់អង្គការសហប្រជាជាតិ ។
ការបោះឆ្នោតរបស់គណៈកម្មាធិអង្គការក្រៅរដ្ឋាភិបាលរបស់អង្គការសហប្រជាជាតិ (ECOSOC) ដែលបានធ្វើឡើង កាលពីថ្ងៃទី ២៨ ខែមករា នេះ បន្ទាប់ពី សំណើរបស់សហព័ន្ធខ្មែរកម្ពុជាក្រោម ត្រូវបាន គណៈកម្មាធិការនេះ លើកយកមកសម្រាប់ពិចារណា ។ នៅក្នុងសេចក្តីថ្លែងការណ៍រួមមួយ ដោយប្រទេសគុយបា, នីហ្គារ៉ាកួ និងប្រទេស វ៉ែននីស៊ូឡា បានស្នើឲ្យបិទសំណើសហព័ន្ធខ្មែរកម្ពុជាក្រោម ។ ប្រទេសទាំងនេះ សំអាងលើមូលដ្ឋានរបស់ខ្លួនទៅលើ ការជំទាស់ដែលបានធ្វើឡើងជាលើកដំបូងដោយប្រទេសវៀតណាម លើសំណើរបស់សហព័ន្ធខ្មែរកម្ពុជាក្រោម ដែល ECOSOC បោះឆ្នោតកាលដំបូងកាលពី ឆ្នាំ ២០១២ កន្លងទៅនេះ ។
នៅពេលនោះ វៀតណាមបានពណ៌នាថា សហព័ន្ធខ្មែរកម្ពុជាក្រោម “មិនគ្រប់លក្ខខណ្ឌដើម្បីបានចូលជាសមាជិក អង្គការក្រៅរដ្ឋាភិបាល ECOSOC ក្នុងឋានៈជាអ្នកពិគ្រោះយោបល់ទេ” ។ វៀតណាមចោទប្រកាន់ថា សហព័ន្ធខ្មែរកម្ពុជាក្រោម ជាចលនានយោបាយ ដើម្បីបំផ្លាញដល់បូរណភាពដែនដីនៃប្រទេសវៀតណាម ។ ការជំទាស់ ដែលបានធ្វើឡើងដោយប្រទេសវៀតណាមកាលពីឆ្នាំ ២០១២ បានធ្វើឲ្យ គណៈកម្មការ ECOSOC បដិសេធនូវសំណើ របស់សហព័ន្ធខ្មែរកម្ពុជាក្រោម ម្ដងរួចហើយ ។ ដើម្បីសម្របតាមលក្ខខណ្ឌរបស់ ECOSOC អង្គការក្រៅរដ្ឋាភិបាល មានសិទ្ធិដាក់ពាក្យឡើងវិញ ដែលសហព័ន្ធខ្មែរកម្ពុជាក្រោម បានដាក់ពាក្យជាលើកទី ២ នៅក្នុងឆ្នាំ ២០១៥ ។
សំណូមពររបស់ប្រទេសគុយបា នីហ្គារ៉ាកួ និង វែននីស៊ូឡា ដើម្បីបិទសំណុំរឿងរបស់សហព័ន្ធខ្មែរកម្ពុជាក្រោម បានធ្វើឲ្យមានការជំទាស់យ៉ាងខ្លាំងពីសហរដ្ឋអាមេរិក ដោយសហរដ្ឋអាមេរិកបានចាត់ទុកថា ជាទង្វើមួយដែលធ្វើឡើងយ៉ាងតក់ក្រហល់ ទៅលើពាក្យសុំរបស់អង្គការក្រៅរដ្ឋាភិបាលដោយផ្អែកលើការពិចារណាតែម្ដងគត់ ដោយ គណៈកម្មការ ECOSOC ។ វាបានយល់ព្រមដោយគណៈកម្មការអង្គការក្រៅរដ្ឋាភិបាល ECOSOC ដែលបាន បោះឆ្នោតនៅពេលព្រឹក ថ្ងៃសុក្រ ទី ២៨ ខែមករា ។
រដ្ឋសមាជិកនៃគណៈកម្មការ ECOSOC បានបោះឆ្នោតតាមសំណើរបស់អធិបតីអង្គប្រជុំ ដើម្បីអនុញ្ញាតឲ្យ អង្គការ ក្រៅរដ្ឋាភិបាលបាននិយាយនៅក្នុងកម្មវិធីសំណួរ និងចម្លើយ ដែលបានរៀបចំនៅក្នុងថ្ងៃបញ្ចប់ នៃកិច្ចប្រជុំគណៈ កម្មការអង្គការក្រៅរដ្ឋាភិបាល ។ ប្រទេសក្រិក ឥស្រាអែល និង សហរដ្ឋអាមេរិក បានបោះឆ្នោតគាំទ្រអនុញ្ញាត ឲ្យអង្គ ការក្រៅរដ្ឋាភិបាលមិនសិទ្ធិនិយាយ ។ ប្រទេសរុស្ស៊ី អនុប្បវាទ ។ រដ្ឋទាំងអស់ជាសមាជិកគណៈកម្មការអង្គការក្រៅ រដ្ឋាភិបាល ECOSOC មាន អាឈើបាចាន (Azerbaijan) ប៊ូរ៉ន់ឌី (Burundi) ចិន (China) គូយបា (Cuba) ឥណ្ឌា (India) អ៊ារ៉ង់ (Iran) ម៉ារីតានៀ (Mauritania) នីហ្គារ៉ាកួ (Nicaragua) ប៉ាគិស្ថាន (Pakistan) អាហ្វ្រិកខាងត្បូង (South Africa) ស៊ូដង់ (Sudan) ទូគី (Turkey) និង វែននីស៊ូឡា (Venezuela) បានបោះឆ្នោតប្រឆាំងមិនឲ្យអង្គការក្រៅរដ្ឋាភិបាលនិយាយ ។ ចំណែក ប្រទេសគុយនី (Guinea) អវត្តមាន ។
សហរដ្ឋអាមេរិក កត់សម្គាល់ឃើញថា វាជាការចាំបាច់ខ្លាំងណាស់ដែលសហព័ន្ធខ្មែរកម្ពុជាក្រោម ត្រូវតែបានអនុញ្ញាតឲ្យនិយាយ ព្រោះថា រហូតមកទល់ពេលនេះ ការពិភាក្សាផ្អែកទៅលើតែជ្រុងម្ខាងមកពីខាងភាគីវៀតណាម ដែលជំទាស់នឹងអង្គការក្រៅរដ្ឋាភិបាល ។ សហរដ្ឋអាមេរិក បានកត់សម្គាល់ឃើញទៀតថា មានកំហុសឆ្គងមួយដ៏ធ្ងន់ដែលបានធ្វើចំពោះអង្គការក្រៅរដ្ឋាភិបាល ហើយគណៈកម្មការ ECOSOC បានជំទាស់អង្គការក្រៅរដ្ឋាភិបាល មានមតិដើម្បីការពារសំណុំរឿងរបស់ខ្លួន ។ ពួកគេបានបង្កើតនូវការបោះឆ្នោតមួយ ដែលមានលក្ខណៈហាក់ដូចជាការបំបិទមាត់សេរីភាពនៃការបញ្ចេញមតិ និងការជជែកគ្នា ។
ប្រទេសក្រិក ជារដ្ឋសមាជិកនៃគណៈកម្មការ ECOSOC មួយដែរនោះ បានកត់សម្គាល់ឃើញថា៖ “នេះជាទង្វើ មួយធ្វើឡើងដើម្បីប្រឆាំងនឹងអង្គការក្រៅរដ្ឋាភិបាល និងដើម្បីបំបិទមាត់ពួកគេតែប៉ុណ្ណោះ” ។
ក្រុមរដ្ឋដែលប្រឆាំងការអនុញ្ញាតឲ្យសហព័ន្ធខ្មែរកម្ពុជាក្រោម (KKF) ឡើងនិយាយ បានប្រញាប់ប្រញាលសុំសិទ្ធិ និយាយដើម្បីការពារខ្លួនឯងអំពីការចោទប្រកាន់ថា ពួកគេបានរឹតបន្តឹងសេរីភាពក្នុងការនិយាយ និងបានសង្កត់ធ្ងន់ថា ការជំទាស់របស់ពួកគេក្នុងគោលបំណងឆ្លុះបញ្ចាំងអំពីការយល់ឃើញរបស់ពួកគេថា ទិសដៅ និងបេសកកម្ម អង្គការក្រៅរដ្ឋាភិបាលសហព័ន្ធខ្មែរកម្ពុជាក្រោមបាន អនុវត្តផ្ទុយពីធម្មនុញ្ញអង្គការសហប្រជាជាតិ ។
ប្រទេសរុស្ស៊ី បានបោះឆ្នោតអនុប្បវាទ ចំពោះការចូលរួមរបស់សហព័ន្ធខ្មែរកម្ពុជាក្រោមក្នុងកម្មវិធីសំណួរ និងចម្លើយ ដើម្បីសម្ដែងការចាប់អារម្មណ៍ពីអង្គការក្រៅរដ្ឋាភិបាលថា ហេតុអ្វីបានជា សហព័ន្ធខ្មែរកម្ពុជាក្រោម ទាមទារឲ្យមាន ការបោះឆ្នោតឡើងវិញ ខណៈដែលអង្គការមួយនេះ ត្រូវបដិសេធម្ដងរួចហើយ ។
ពេលដែលសហព័ន្ធខ្មែរកម្ពុជាក្រោមមិនត្រូវបានការទទួលស្គាល់ការពីឆ្នាំ ២០១២ អង្គការក្រៅរដ្ឋាភិបាលទាំងអស់រាប់ទាំង អង្គការអន្តរជាតិដើម្បីសិទ្ធិមនុស្ស (ISHR) ផង និងអង្គការឃ្លាំមើលសិទ្ធិមនុស្ស (Human Rights Watch) ផង បានរួមគ្នាចេញសេចក្ដីថ្លែងការរួមដើម្បីសម្ដែងក្ដីបារម្ភយ៉ាងជ្រាលជ្រៅចំពោះការអភិវឌ្ឍ ។សហព័ន្ធខ្មែរកម្ពុជាក្រោម (KKF) ជាអង្គការក្រៅរដ្ឋាភិបាលមួយមានមូលដ្ឋាននៅសហរដ្ឋអាមេរិក ដែលធ្វើសកម្មភាព ដោយសន្តិវិធី និងស្របតាមច្បាប់អន្ដរជាតិ ក្នុងគោលបំណងស្វែងរកសេរីភាព យុត្តិធម៌ និងសិទ្ធិសម្រេចវាសនាខ្លួនដោយខ្លួនឯង សម្រាប់ជនជាតិដើមខ្មែរក្រោមដែលកំពុងរស់នៅក្រោមការគាបសង្កត់របស់រដ្ឋាភិបាលវៀតណាម នៅដែនដីកម្ពុជាក្រោម សព្វថ្ងៃ ។
លោកស្រី អ៊ីលីណរ អូផេនស (Eleanor Openshaw) នៃ អង្គការអន្តរជាតិដើម្បិសិទ្ធិមនុស្ស (ISHR) បានបញ្ជាក់ថា៖ “ការបដិសេធមិនអនុញ្ញាតឲ្យសហព័ន្ធខ្មែរកម្ពុជាក្រោម មានសិទ្ធិនិយាយនៅក្នុងកម្មវិធីសំណួរ និងចម្លើយជា ទង្វើផ្ដាច់ការមួយ ដែលគណៈកម្មការ ECOSOC បានច្រានចោលនូវឱកាសមួយរបស់អង្គការក្រៅរដ្ឋាភិបាល ដើម្បីបានឆ្លើយបំភ្លឺនូវការចោទប្រកាន់ប្រឆាំងពីរដ្ឋជាសមាជិកអង្គការសហប្រជាជាតិ” ។
លោកស្រី អ៊ីលីណរ អូផេនស (Eleanor Openshaw) បានមានប្រសាសន៍បន្តទៀតថា៖ “វាមិនត្រឹមតែ អង្គការក្រៅរដ្ឋាភិបាលត្រូវគេសួរដោយសេចក្ដីថ្លៃថ្នូ យ៉ាងយកចិត្តទុកដាក់នោះទេ ប៉ុន្តែបញ្ហាមួយដ៏គ្រោះថ្នាក់បំផុតនោះ គឺ គណៈកម្មការអង្គការសហប្រជាជាតិ បានបំបិទសំឡេងអង្គការក្រៅរដ្ឋាភិបាលដែលកំពុងតែស្វែងរក នូវការចូលរួម ជាមួយអង្គការសហប្រជាជាតិ ។ ទង្វើនេះ បានឆ្លុះបញ្ចាំងឲ្យឃើញកាន់តែច្បាស់ថា វាបានអនុវត្តផ្ទុយនឹងសិទ្ធិសេរីភាពនៃការបញ្ចេញមតិ និងការជួបប្រជុំ ។
ការយល់ឃើញរបស់អង្គការអន្តរជាតិដើម្បីសិទ្ធិមនុស្ស (ISHR) អំពីរឿងនេះ ត្រូវបានគាំទ្រយ៉ាងខ្លាំងដោយអ្នកជំនាញរបស់អង្គការសហប្រជាជាតិស្តីពីសេរីភាពនៃសមាគម និង ការជួបប្រជុំគ្នា ។ លោក ម៉ាយណា កៃ (Maina Kiai) អ្នកធ្វើ “របាយការណ៍សំខាន់មួយក្នុងឆ្នាំ ២០១៤” បានឱ្យដឹងថា ស្ថាប័នពហុភាគីមានកាតព្វកិច្ចផ្លូវច្បាប់ដើម្បីធានាថា មនុស្សអាចប្រើប្រាស់សិទ្ធិរបស់ពួកគេចំពោះសេរីភាពនៃការការជួបប្រជុំដោយសន្តិវិធី និងការបង្កើត សមាគមនៅក្នុងវិសាលភាពពហុភាគី ។ នៅក្នុងរបាយការណ៍ដដែលនោះ អ្នករាយការណ៍ពិសេស បានបញ្ជាក់អំពី សារៈសំខាន់នៃការអនុវត្តរបស់រដ្ឋជាសមាជិក នៃគណៈកម្មាអង្គការសហប្រជាជាតិស្តីពីអង្គការមិនមែនរដ្ឋាភិបាល ថា លទ្ធផលនៅក្នុងការការដកប្រព័ន្ធរបស់អង្គការមិនមែនរដ្ឋាភិបាលដែលធ្វើការលើបញ្ហាសិទ្ធិមនុស្ស នោះ រដ្ឋជាសមាជិកអង្គការសហប្រជាជាតិ គួរតែគាំពារនូវសិទ្ធិសេរីភាពក្នុងការបង្កើតសមាគម និងសិទ្ធិសេរីភាពនៃការជួបប្រជុំគ្នាដោយសន្តិភាព ។
គណៈកម្មការអង្គការក្រៅរដ្ឋាភិបាល ជាគណៈកម្មការមួយនៃក្រុមប្រឹក្សាសេដ្ឋកិច្ច និងសង្គមកិច្ច របស់អង្គការសហប្រជាជាតិ (ECOSOC) ដែលបានផ្ដល់ឱកាសឲ្យអង្គការក្រៅរដ្ឋាភិបាលចូលជាសមាជិកក្នុងឋានៈជាអ្នកពិគ្រោះយោបល់ជាមួយនឹងអង្គការសហប្រជាជាតិ ។ ក្នុងឋានៈនេះ អង្គការការក្រៅរដ្ឋាភិបាល រាល់កិច្ចប្រជុំរបស់អង្គការសហប្រជាជាតិ ។ ក្នុងពេលដែលមានសម័យប្រជុំជាសាធារណៈរបស់ខ្លួន រាល់មួយសប្តាហ៍កន្លះ មុនពេលចប់កិច្ចប្រជុំរៀងរាល់ថ្ងៃ តែងតែមានកម្មវិធីសំណួរ និងចម្លើយ សម្រាប់ផ្ដល់ឱកាសដល់អង្គការក្រៅរដ្ឋាភិបាល ធ្វើបទបង្ហាញខ្លីស្ដីអំពីអង្គការរបស់ពួកគេ និងឆ្លើយសំណួរពីរដ្ឋសមាជិកគណៈកម្មាការ ECOSOC ៕
Comments are closed.