ដោយ ថាច់ ប្រីជា គឿន
នៅថ្ងៃទី ៨ ខែកុម្ភៈ ឆ្នាំ ២០១៩ សប្ដាហ៍នេះ ក្រុមជនភៀសខ្លួនខ្មែរក្រោម នៅប្រទេសថៃ បានប្រារព្ធពិធីខួប ១២ ឆ្នាំ ដើម្បីរំឭកដល់ ព្រឹត្តិការណ៍ ៨ កុម្ភៈ ដែល សមណសិស្ស នៃ សាលាបំពេញវិជ្ជាបាលីមធ្យមសិក្សាភាគខាងត្បូង (Trường Bổ Túc Văn Hóa Pali Trung Cấp Nam Bộ) ឬ សាលាបាលីជាន់ខ្ពស់ខេត្តឃ្លាំង ដែលមានមូលដ្ឋាននៅក្នុងវត្តឃ្លាំង ទីរួមខេត្តឃ្លាំង បានធ្វើបាតុកម្មទាមទារឲ្យអាជ្ញាធរវៀណាម គោរពសិទ្ធិសេរីភាពរបស់ខ្មែរក្រោមម្ចាស់ស្រុក នៅដែនដីកម្ពុជាក្រោម កាលពីថ្ងៃទី ៨ កុម្ភៈ ឆ្នាំ ២០០៧ ។ recruitment agencies in pakistan for gulf
ការធ្វើបាតុកម្មកាលនោះ មានព្រះសង្ឃខ្មែរក្រោម ប្រមាណជាង ២០០ អង្គ បានធ្វើក្បួនដង្ហែចេញពីវត្តឃ្លាំង ឆ្ពោះទៅមន្ទីរនគរបាលខេត្ត នៃរដ្ឋាភិបាលបក្សកុម្មុយនិស្តវៀតណាម ដោយលើកហេតុផលថា នគរបាលចរាចរណ៍របស់វៀតណាម បានហាមព្រះសង្ឃខ្មែរក្រោមក្នុងសាលាមួយនេះ មិនឲ្យនិមន្តចេញបិណ្ឌបាត្រ ។ ការធ្វើបាតុកម្មនាពេលនោះ ក្រុមសមណប្បាតុករ ក៏បានចាត់តំណាងរបស់ខ្លួនយកញត្តិទៅជូនស្ថាប័នតំណាងជនជាតិខ្មែរ នៅដែនដីកម្ពុជាក្រោម របស់រដ្ឋាភិបាលវៀតណាម ដែលមានទីស្នាក់ការនៅទីក្រុងព្រែកឫស្សី ផងដែរ ។
ព្រះតេជព្រះគុណ សួន បូរ៉ា ជាព្រះសង្ឃវត្តមុនីសាគរដើមអំពិល នៃ ខេត្តឃ្លាំង បច្ចុប្បន្ន គង់នៅ វត្តខ្មែរសុរិយារង្សី នាទីក្រុង Philadelphia រដ្ឋ Pennsylvania សហរដ្ឋអាមេរិក ជាអតីត សមណសិស្ស នៃ សាលាបាលីខេត្តឃ្លាំង និង ជាព្រះសង្ឃដែលធ្លាប់បានចូលរួមបាតុកម្មនៅក្នុង ព្រឹត្តិការណ៍ ៨ កុម្ភៈ បានផ្ដល់បទសម្ភាសន៍ដល់ ទូរទស្សន៍ ព្រៃនគរ និង វិទ្យុ សំឡេង កម្ពុជាក្រោម (VOKK ) កាលពីថ្ងៃទី ២៨ ខែមករា ឆ្នាំ ២០១៨ អំពីគោលបំណងនៃ ការធ្វើបាតុកម្ម ថា ក្រុមបាតុករបាន ធ្វើញត្តិ និង ផ្តិតស្នាមមេដៃនៅលើញត្តិទាមទារសិទ្ធិចំនួន ៧ ចំណុចសម្រាប់ ជនជាតិដើមខ្មែរ នៅដែនដីកម្ពុជាក្រោម ។ https://acrepairdubai.ae/
នៅថ្ងៃទី ៨ ខែកុម្ភៈ ឆ្នាំ ២០១៩ នៅក្នុងពិធីខួប ១២ ឆ្នាំ រំឭកដល់ ព្រឹត្តិការណ៍ ៨ កុម្ភៈ តំណាងក្រុមជនភៀសខ្លួនខ្មែរក្រោម នៅប្រទេសថៃ បានសម្ដែងនូវមោទនភាពរបស់ខ្លួនចំពោះ ការធ្វើបាតុកម្មនោះថា ជាព្រឹត្តិការណ៍មួយមិនធ្លាប់មាននៅដែនដីកម្ពុជាក្រោម ចាប់តាំងពីឆ្នាំ ១៩៧៥ មក ក្រោយពីរបបកុម្មុយនិស្តយួនចូលត្រួតត្រាកាប់ដែនដីកម្ពុជាក្រោម ។ លោកបន្ត ទៀតថា វាជាលើកដំបូងដែលព្រះសង្ឃខ្មែរក្រោម ហ៊ានលើកទង់ជាតិកម្ពុជាក្រោម នៅដែនដី កម្ពុជាក្រោម ។
ក្រោយពីការធ្វើបាតុកម្មនេះ សមណសិស្សរាប់សិបអង្គ ត្រូវបានរដ្ឋាភិបាលវៀតណាមចាប់ផ្សឹក, ដេញចេញពីសាលា, ចាប់ដាក់ពន្ធនាគារ, និងច្រើនអង្គទៀតបានរត់ភៀសខ្លួនទៅក្រៅប្រទេស ។ ចំណែកសមណសិស្ស ចំនួន ៥ អង្គ ដែលជាមេដឹកនាំធ្វើបាតុកម្មនោះ ត្រូវបានតុលាការបក្សកុម្មុយនិស្តវៀតណាម កាត់ទោសនៅថ្ងៃទី ១០ ខែឧសភា ឆ្នាំ ២០០៧ ឲ្យជាប់ពន្ធនាគារម្នាក់ៗ ពី ២ ទៅ ៤ ឆ្នាំ ពីបទ “បង្កអសន្តិសុខ ទីសាធារណៈ” តាមមាត្រា ២៤៥ នៃក្រមព្រហ្មទណ្ឌរបស់ប្រទេសសាធារណរដ្ឋសង្គមនិយមវៀតណាម ។
ព្រះសង្ឃទាំង ៥ អង្គនោះ រួមមាន ព្រះតេជព្រះគុណ យ័ញ តូន, គឹម មឿន, លី ហ្វាង, ថាច់ ធឿង និង លី សឿង ។ ក្រោយពីតុលាការវៀតណាម បានប្រកាសសាលក្រមសម្រេចផ្តន្ទាទោស មកលើព្រះសង្ឃខ្មែរក្រោមទាំង ៥ អង្គរួចមក ។ ពលរដ្ឋខ្មែរក្រោម នៅជុំវិញពិភពលោក បានធ្វើមហាបាតុកម្មទាមទារឲ្យប្រទេសវៀតណាម ដោះលែងព្រះសង្ឃខ្មែរក្រោម ឲ្យមានសេរីភាពឡើងវិញ ។
បន្ទាប់ពី ការធ្វើបាតុកម្មរបស់សហព័ន្ធខ្មែរកម្ពុជាក្រោម នៅគ្រប់ទិសទីប្រឆាំងនឹងការកាត់ទោសព្រះសង្ឃខ្មែរក្រោម តុលាការខេត្តឃ្លាំងនៃប្រទេសវៀតណាម ក៏បានសម្រេចដោះលែងចេញពីពន្ធនាគារវិញ ។ ក្រោយមកព្រះសង្ឃទាំង ៥ អង្គនោះ បានភៀសខ្លួនទៅដល់ប្រទេសថៃ ដើម្បីសុំសិទ្ធិជ្រកកោនផ្នែកនយោបាយ នៅក្នុងអង្គការ U.N.H.C.R នាថ្ងៃទី ២៥ ខែមេសា ឆ្នាំ ២០០៩ ហើយត្រូវបានអង្គការមួយនេះ បញ្ជូនទៅតាំងទីលំនៅ នៅប្រទេសទីបី នៅថ្ងៃទី ១៧ ខែកញ្ញា ឆ្នាំ ២០០៩ ។
ក្រៅពីព្រះសង្ឃទាំង ៥ អង្គខាងលើដែលត្រូវយួនចាប់ផ្សឹក និង ដាក់គុកនោះ មាន សមណ សិស្សជាច្រើនអង្គផ្សេងទៀតដែលជាប់ពាក់ព័ន្ធនឹងព្រឹត្តិការណ៍ ៨ កុម្ភៈ បានភៀសខ្លួនចេញពី ដែនដីកម្ពុជាក្រោម ដើម្បីគេចចេញពីការធ្វើទុក្ខបុកម្នេញពីរដ្ឋាភិបាលអាណានិគមយួន ទៅរស់ នៅក្នុង ប្រទេសនានាជុំវិញពិភពលោក ក្នុងនោះមានប្រទេសកម្ពុជា, ថៃ, អូស្តាលី, ទ្វីបអឺរ៉ុប និង សហរដ្ឋអាមេរិក ៕
