ពលរដ្ឋខ្មែរ​ក្រោម​ ជិត​ ២០​ គ្រួសារ​ ទាមទារ​ឲ្យ​អាជ្ញាធរ​យួន​ដោះស្រាយ​ផល​ប៉ះពាល់​ដីស្រែ​ចំការ​

0 439

ដោយ ស៊ឺន ចែងចើន

ប្រជាពលរដ្ឋ​ខ្មែរក្រោម​ប្រមាណ​ ២០​ គ្រួសារ​ ដែល​រស់នៅ​ជាប់​របង​វត្ត​នាគ​វនា​រាម​ (ខ្ទឹង​) ស្ថិតនៅ​ភូមិ​ប្រាសាទ​ ឃុំ​សំរោង​ ស្រុក​កំពង់ធំ​ ខេត្ត​ព្រះត្រពាំង​ បច្ចុប្បន្ន​ជា​សង្កាត់​ទី​ ៧ ទីក្រុង​ព្រះត្រពាំង​ នៃ​ដែនដី​កម្ពុជាក្រោម​ ដែល​សព្វថ្ងៃ​គ្រប់គ្រង​ដោយ​ប្រទេស​វៀតណាម​ នៅ​ថ្ងៃទី​ ១១​ ខែកក្កដា​ ២០១៩​ បាន​ប្រមូលផ្ដុំ​គ្នា​តវ៉ា​ទាមទារ​ឲ្យ​រដ្ឋាភិបាល​វៀតណាម​ ដោះស្រាយ​បញ្ហា​ដីធ្លី​ ដែល​រង​ការខូចខាត​ពី​គម្រោង​សាងសង់​អគារ​សុខាភិបាល​ថ្មី​ នៃ​សម​ន្ទីរ​ពេទ្យ​ពហុ​ព្យាបាល​មជ្ឈិម​ ។ ករណីនេះ​ ពលរដ្ឋខ្មែរ​ក្រោម​អះអាង​ថា​ រដ្ឋាភិបាល​វៀតណាម​ មិនបាន​ដោះស្រាយ​ជូន​ពួកគាត់​ ដែល​រង​ផល​ប៉ះពាល់​ឡើយ​ មុន​ពេល​ចាប់ផ្ដើម​អនុវត្ដ​ន៍​គម្រោង​នេះ​ ។

បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ
បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ

ការ​តវ៉ា​របស់​តំណាង​ប្រជាពលរដ្ឋ​ខខ្មែរក្រោម​ ធ្វើឡើង​តាមរយៈ​វីដេអូ​ឃ្លិប​ បង្ហោះ​នៅ​លើ​បណ្តាញ​សង្គម​ហ្វេ​សប៊ុ​ក នៅ​ថ្ងៃទី​ ១១​ ម្សិលមិញ​នេះ​ ក្រោយពី​អាជ្ញាធរ​មូលដ្ឋាន​ ធ្វើសកម្មភាព​ចាក់​ដី​ និង​បូម​ខ្សាច់​លប់​ដីស្រែ​ចំការ​ ព្រមទាំង​យក​គ្រឿងចក្រ​មក​ឈូស​កំទេច​ផលដំណាំ​ស្រូវ​របស់​ពួកគេ​ផង​ ។ បន្ថែម​ពីលើ​នេះ​ អាជ្ញាធរ​យួន​ ក៏បាន​ចុះទៅ​ដក​បង្គោល​កំណត់​ព្រំ​ដី​របស់​ពួកគេ​ និង​ដក​បដា​រត​វ៉ា​ដាក់ជា​អក្សរខ្មែរ​ថា​ «សូម​រដ្ឋាភិបាល​វៀតណាម​ ដោះស្រាយ​ដីធ្លី​ឲ្យ​យើងខ្ញុំ​» និង​ «ដី​ប្រឡាយ​មិនទាន់​ដោះស្រាយ​ កុំអាល​ធ្វើ​» ដើម្បី​បង្ហាញ​ពី​ភាព​អយុត្តិធម៌​ និង​ស្នើសុំ​ឲ្យ​ថ្នាក់ដឹកនាំ​នៃ​ប្រទេស​វៀតណាម​ ជួយ​អន្តរាគមន៍​ដោះស្រាយ​ឲ្យបាន​សមស្រប​ ។

បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ
បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ

គួរ​ជម្រាប​ជូន​ថា​ គម្រោង​សាង​សង់​ម​ន្ទីរ​ពេទ្យ​ពហុ​ព្យាបាល​មជ្ឈិម​ថ្មី​ នៅ​ខេត្ត​ព្រះត្រពាំង​នេះ​ ត្រូវ​បាន​អនុម័ត​ដោយ​នាយក​រដ្ឋមន្រ្តី​វៀតណាម​ កាលពី​ឆ្នាំ​ ២០១៧​ ។ មន្ទីរពេទ្យ​នេះ​ បាន​ចាប់ផ្ដើម​សាងសង់​នៅដើម​ឆ្នាំ​ ២០១៩​ និង​គ្រោង​បើក​ដំណើរការ​នៅ​ឆ្នាំ​ ២០២០​ ដោយ​ត្រូវ​ចំណាយ​ថវិកា​ក្នុង​ការសាងសង់​នេះ​ ចំនួន​ ១.៦០០​ ពាន់​លាន​ដុង​ លើ​ផ្ទៃដី​ទំហំ​ ៨,៩ ហិ​កតា​ មាន​ ៩ ជាន់​ និង​មាន​ចំនួន​ ៧០០​ គ្រែ​ ៕

ខាងក្រោម​នេះ​ ជា​រូបភាព​ និង​វីដេអូ​ បង្ហាញ​ពី​សកម្មភាព​អាជ្ញា​រំលោភបំពាន​ដីស្រែ​ចំការ​ និង​បដា​រដាក់​ជា​អក្សរខ្មែរ​ ដោត​នៅ​លើ​ព្រំ​ដី​ បង្ហាញ​ពី​តវ៉ា​របស់​ពលរដ្ឋខ្មែរ​ក្រោម​ ។ វីដេអូ​ និង​រូប​ថតៈ​ ផ្តល់​ឲ្យ​  

បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ
បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ

បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ
បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ
បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ
បដា​រដាក់ជា​អក្សរខ្មែរ ដោតនៅលើ​ព្រំ​ដី បង្ហាញពីត​វ៉ា​របស់ពលរដ្ឋខ្មែរក្រោម ។ រូបថតៈ ផ្តល់ឲ្យ

 

Leave A Reply

Your email address will not be published.