ដោយ ថាច់ ប្រីជា គឿន- សារព័ត៌មាន ព្រៃនគរ
ក្រុមអ្នកបង្កើតច្បាប់សហរដ្ឋអាមេរិក បានផ្ញើលិខិតជូន លោករដ្ឋមន្ត្រីក្រសួងការបរទេស John Kerry ឲ្យលើកយកបញ្ហា សិទ្ធិមនុស្សវៀតណាមក្នុងដំណើរទស្សនកិច្ចរបស់លោកទៅកាន់មជ្ឈិមបូព៌ា និង អាស៊ី ខាងកើត ចាប់ពីថ្ងៃទី ១១ ដល់ ថ្ងៃទី ១៨ ខែធ្នូ នេះ ។
តំណាងរាស្ត្រសហរដ្ឋអាមេរិក អ្នកស្រី Loretta Sancheaz និងតំណាងរាស្ត្រ Zoe Lofgren រួមជាមួយ តំណាងរាស្ត្រ ៤៧ រូប ទៀត ដែលបានចុះឈ្មោះរួមគ្នា នៅក្នុងលិខិតមួយច្បាប់ផ្ញើជូនលោក Kerry ទាម ទារឲ្យលោកលើកយកបញ្ហា សិទ្ធិមនុស្ស នៅវៀតណាមមកពិភាក្សាជាមួយមេដឹកនាំវៀតណាម ដើម្បីដាក់សម្ពាធឲ្យវៀតណាមកែប្រែស្ថានភាពសិទ្ធិមនុស្ស ។
នៅក្នុងទិវាសិទ្ធិមនុស្ស ១០ ធ្នូ លោកស្រី Sanchez សហប្រធានក្រុមចលនាសភាសហរដ្ឋអាមេរិក ខាងសិទ្ធិមនុស្ស វៀតណាម បានថ្លែងថា ស្ថានភាពនៃការរំលោភសិទ្ធិមនុស្សនៅវៀតណាមគូរឲ្យយកចិត្ត ទុកដាក់ ។
លោកស្រី Sanchez បានថ្កោលទោសថា៖
“ រដ្ឋាភិបាលវៀតណាមនៅតែបង្ក្រាបសំឡេងប្រឆាំងរដ្ឋាភិបាលដោយវិធី ធ្វើទារុណកម្មគាបសង្កត់ និង ចាប់ក្រុមអ្នកប្រឆាំងដើម្បីលទ្ធិប្រជាធិបតេយ្យ ។ ក្រុមសកម្មជនដែលត្រូវបានចាប់ខ្លួនត្រូវបានរដ្ឋាភិបាល ធ្វើទារុណកម្ម ដោយមិនមានច្បាប់ការពារ និងមិន បានជួបសាច់ញាតិឡើយ” ។
លោកស្រីបានបន្តទៀតថា លោកស្រីមានការយកចិត្តទុកដាក់អំពីអំពើឃោរឃៅរបស់នគរបាលវៀត ណាមដែលបានធ្វើ ចំពោះ និស្សិត អ្នកចលនាសិទ្ធិមនុស្ស និងក្រុមសមាជិកនៃបណ្ដាញ Blogger វៀត ណាម ។
លោកស្រី Sanchez បាននិយាយថា ការរំលោភសិទ្ធិមនុស្សនៅវៀតណាម ត្រូវតែបានដោះស្រាយ មុន ពេលសហរដ្ឋ អាមេរិកឈានដល់ការទាក់ទងខាងវិស័យសេដ្ឋកិច្ចជាមួយរដ្ឋការក្រុងហាណូយ” ។
លោកស្រី Sanchez បានថ្លែងលើកតម្កើងមនុស្សនៅក្នុងប្រទេសវៀតណាមដែលបានពលិកម្មដើម្បីសិទ្ធិ សេរីភាព ស្របថ្ងៃ ទិវា សិទ្ធិមនុស្ស ១០ ធ្នូ ថា ក្រុមលោកស្រីនឹង “បង្ខំឲ្យរដ្ឋអំណាចវៀតណាមត្រូវតែ បញ្ឈប់ជាបន្ទាន់នូវការរំលោភ សិទ្ធិមនុស្ស និងទាមទារឲ្យដោះលែងអ្នកទោសមនសិការទាំងអស់ដែល កំពុងជាប់គុកយ៉ាងអយត្តិធម៌” ។
ក្រសួងការបរទេសសហរដ្ឋអាមេរិកបានឲ្យដឹងថា កិច្ចជួបប្រជុំរវាង រដ្ឋមន្ត្រីការបរទេស Kerry និងមេ ដឹកនាំវៀតណាម នៅរដ្ឋធានី ហាណូយនៅពេលខាងមុខនេះ ដើម្បីពង្រឹងចំណងមិត្តភាពទ្វេភាគីលើគ្រប់ វិស័យ ។
កិច្ចចរចាពិភាក្សាជាមួយលោក Kerry នៅទីក្រុងព្រៃនគរ គម្រោងនឹងលើកយកបញ្ហា ទំនាក់ទំនង ពាណិជ្ជកម្ម សហរដ្ឋ អាមេរិក-វៀតណាម និងវិស័យអប់រំ ។
វៀតណាម និង ភីលីពភីន ជាទីសំចតចុងក្រោយនៃដំណើរទស្សនកិច្ចរបស់រដ្ឋមន្ត្រីក្រសួងការបរទេស John Kerry ។ នេះជាដំណើរទស្សនកិច្ចទៅអាស៊ីលើកទី ៤ របស់លោក Kerry ដែលបានទទួលតួនាទី ជារដ្ឋមន្ត្រីក្រសួងការទេស សហរដ្ឋអាមេរិក ៕
