ព្រះតេជព្រះគុណ គឹម សេរីអមតៈ ជាព្រះចៅអធិការ វត្តសាមគ្គីធរារាម នៅទីក្រុង Camden រដ្ឋ New Jersey សហរដ្ឋអាមេរិក សព្វថ្ងៃមានតួនាទីចូលរួមក្នុងការដឹកនាំពលរដ្ឋ និង ពុទ្ធបរិស័ទខ្មែរនៅក្នុងចំណុះជើងវត្តរបស់ព្រះអង្គ ក្នុងការធ្វើធ្វើបុណ្យសុន្ទរ៍ទានតាមមាគ៌ាពុទ្ធសាសនា និង រក្សាប្រពៃណីទំនៀមទម្លាប់វប្បធម៌ខ្មែរឲ្យបានគងវង្ស នៅលើទឹកដីសហរដ្ឋអាមេរិក ។ ក្រៅពីនេះ ព្រះអង្គក៏ធ្លាប់បានរៀបរៀងសៀវភៅស្ដីពី “បុណ្យភ្នំពាន់” និង “កំណើតព្រះពុទ្ធរូប” ដើម្បីចែកជាធម្មទាន ផងដែរ ។ ព្រះអង្គមានដើមកំណើតនៅខេត្តព្រះត្រពាំង ដែនដីកម្ពុជាក្រោម និងបានចំណាយពេលជិតពាក់កណ្ដាលនៃជីវិតសាងផ្នួសជាសង្ឃ ដើម្បីប្រតិបត្តិ និង សិក្សារៀនសូត្រអក្សរសាស្ត្រខ្មែរ និង ពុទ្ធសាសនា ។ មុនពេលនិមន្តមកសហរដ្ឋអាមេរិក ព្រះតេជព្រះគុណ គឹម សេរីអមតៈ ធ្លាប់បាននិមន្តទៅសិក្សានៅប្រទេសកម្ពុជា អស់ជាច្រើនវស្សា និងធ្លាប់ជាសមណនិស្សិតថ្នាក់អនុបណ្ឌិត នៃ សកលវិទ្យាល័យបញ្ញាសាស្ត្រ នៃ កម្ពុជា ទៀតផង ។
ខណៈដែល ព្រះតេព្រះគុណ គឹម សេរីអមតៈ បាននិមន្តមកបំពេញទស្សនកិច្ច នៅរដ្ឋ California ព្រះតេជព្រះគុណ ថាច់ ប្រីជា គឿន ជានិពន្ធនាយក នៃ សារព័ត៌មាន ព្រៃនគរ បានធ្វើកិច្ចសន្ទនាជាមួយព្រះអង្គ អំពីកិច្ចការសាសនា នៅក្នុងវត្តសាមគ្គីធរារាម និង អំពីដំណើរជីវិតរបស់ ព្រះតេជព្រះគុណ គឹម សេរីអមតៈ ដែលមានខ្លឹមសារទាំងស្រុង ដូចតទៅ៖
