នៅវេលាម៉ោងប្រមាណជាង ១១ និង ៣០ នាទីព្រឹកនេះ កងកម្លាំងមានសមត្ថកិច្ចជាច្រើននាក់ បានបើកប្រតិបត្តិការបណ្ដេញបាតុករចេញពីទីលានប្រជាធិបតេយ្យ ។ ទីលានប្រជាធិបតេយ្យ ដែលជាកន្លែងជួបជុំសកម្មជនគាំទ្រគណបក្សសង្គ្រោះជាតិ ចាប់តាំងពីយុទ្ធនាការឃោសនារកសំឡេងឆ្នោតមកម្ល៉េះ ។ គ្មានការប៉ះទង្គិចគ្នាណាមួយកើតឡើងនៅក្នុងការបណ្ដេញនេះទេ ព្រោះបាតុករបាននាំគ្នាដកថយដោយមិនបានតតាំងជាមួយ កងកម្លាំងសមត្ថកិច្ច ។ ក្រុមបាតុករ និងព្រះសង្ឃ បានរត់ប្រសាចទៅកាន់រមនីយដ្ឋានវត្តភ្នំដែលនៅក្បែរនោះ ។ ដោយឡែកកងកម្លាំងមានសមត្ថកិច្ច នៅម៉ោង ១១ ជិត ១២ ថ្ងៃត្រង់ កំពុងតែរុះរើតង់ រោង និងឆាករបស់គណបក្សសង្គ្រោះជាតិ នៅលើទីលានប្រជាធិបតេយ្យ ។
