​ក្រុម​គ្រួសារ​អះអាង​ថា​ ​អាជ្ញាធរ​វៀតណាម​ ​ចាប់ខ្លួន​លោក​ ​ថា​ច់ ​រ៉ី​ន​ ​ដោយសារតែ​ផ្សព្វផ្សាយ​ច្បាប់​សិទ្ធិ​ជនជាតិ​ដើម​ ​មិនមែន​ចែករំលែក​រូប​កាត់ត​លោក​ ​ហោ​ ​ជី​មិញ​ ​ដូច​ការ​ចោទ​នោះ​ទេ​

0 124

ដោយ លី ឈូន

​ក្រុម​គ្រួសារ​លោក​ ​ថា​ច់​រ៉ី​ន​ ​អះអាង​ម្ដង​ហើយ​ម្ដងទៀត​ថា​ ​លោក​ ​ថា​ច់ ​រី​ន​ ​ត្រូវ​អាជ្ញាធរ​វៀតណាម​ ​ចាប់ខ្លួន​ ​ព្រោះតែ​លោក​បាន​ផ្សព្វផ្សាយ​សៀវភៅ​ច្បាប់​ជនជាតិ​ដើម​ ​និង​ពាក់អាវ​មាន​​​រូប​សញ្ញា​គោលដៅ​អភិវឌ្ឍន៍​ប្រកបដោយ​ចីរភាព​ទាំង​ ​១​៧​ ​ចំណុច​របស់​អង្គការសហប្រជាជាតិ​ ​ដែល​ហៅ​កាត់​ថា​ អេ​ស​ឌី​ជី​ (S​D​G​s) ​មិនមែន​ចាប់ខ្លួន​លោក​ ​ព្រោះតែ​លោក​បាន​ផ្សព្វផ្សាយ​រឿង​រូបលោក​ ហូ ​ជី​មិញ​ ​ដែលគេ​បាន​កែច្នៃ​ជា​រូប​បិ​សា​នោះ​ទេ​ ​។​ ​ព្រោះ​រឿង​ចែករំលែក​រូបលោក​ ហូ ​ជី​មី​ញ​ ​កែច្នៃ​ជា​បិសាច​នោះ​ ​លោក​ ​ថា​ច់ ​រ៉ី​ន​ ​បាន​ធ្វើ​លិខិត​សុំទោស​ ​និង​ធ្វើ​កិច្ចសន្យា​មិន​ផ្សាយ​រូប​នេះ​ ​តទៅទៀត​ទេ​ ​តាំង​ង​ពី​ថ្ងៃ​ទី​ ​១​៣​ ​កក្កដា​ជា​ ​ថ្ងៃ​ដែល​នគរបាល​ស្រុក​ថ្កូវ​ ​ខេត្ត​ព្រះត្រពាំង​ ​បាន​ចាប់​លោក​នាំទៅ​សួរ​ចម្លើយ​អស់​ជាង​ ​៥​ ​ម៉ោង​នោះ​ម្លេះ ​។​ ​ក្រុម​គ្រួសារ​លោក​ ​ថា​ច់ ​រ៉ី​ន​ ​អះអាង​ទៀត​ថា​ ​ក្នុង​ការ​សួរ​ចម្លើយ​ ​និង​គំរាម​លោក​ថា​ច់ ​រី​ន​ ​ជាង​ ​៥​ ​ម៉ោង​នៅ​ពេល​នោះ​ ​អាជ្ញាធរ​មិនមែន​សួរ​សង្កត់ធ្ងន់​រឿង​លោក​ចែករំលែក​រូបលោក​ ហូ ​ជី​មិញ​ ​នោះ​ទេ​ ​គឺ​សួ​រលោក​ស៊ី​ជម្រៅ​ទៅ​នឹង​រឿង​ ​ដែល​លោក​ផ្សព្វផ្សាយ​សៀវភៅ​ច្បាប់​ជនជាតិ​ដើម​ ​និង​ពាក់អាវ​មាន​​​រូប​សញ្ញា​គោលដៅ​អភិវឌ្ឍន៍​ប្រកបដោយ​ចីរភាព​ ​តែប៉ុណ្ណោះ​ ​។​ ​ក្រុម​គ្រួសារ​លោក​ ​ថា​ច់ ​រ៉ី​ន​ ​អះអាង​ដូច្នេះ​ ​នៅ​ក្នុង​វេទិកា​សាធារណៈ​មួយ​ ​ផ្សាយ​លើ​កម្មវិធី​ ​Khmer​ K21 ​រៀបចំ​ឡើង​ដោយក្រុម​យុវជន​ខ្មែរក្រោម​ ​មាន​ទីតាំងនៅ​ទី​ក្រុងភ្នំពេញ​ ​កាលពី​យប់​ថ្ងៃ​ទី​ ​២​០​ ​ខែ​តុលា​ ​ម្សិលមិញ​នេះ​ ​។​ ​អង្គការសង្គម​ស៊ីវិល​ខ្មែរ​កម្ពុជាក្រោម​ ​ថា​ ​ការ​ផ្សព្វផ្សាយ​ច្បាប់​សិទ្ធិ​ជនជាតិ​ដើម​ ​ឬ​ច្បាប់​នានា​របស់​អង្គការសហប្រជាជាតិ​នោះ​វា​មិន​ខុស​នឹង​ច្បាប់​ជាតិ​ ​ឬ​អន្តរជាតិ​នោះ​ទេ​ ​តែ​ការ​ផ្សព្វផ្សាយ​នូវ​ច្បាប់​ទាំងនេះ​ ​វា​មិន​ជាទី​ពេញចិត្ត​ ​ចំពោះ​អាជ្ញាធរ​វៀតណាម​ឡើយ​ ​ដូច្នេះ​ហើយ​ទើប​វៀតណាម​ ​យក​រឿង​លោក​ ​ថា​ច់ ​រ៉ី​ន​ ​ចែករំលែក​រូប​ ​លោក​ ហូ ​ជី​មិញ​ ​ដែល​កែច្នៃ​ធ្វើជា​លេស​ ​ដើម្បី​ចាប់​ដាក់ទោស​ដល់​លោក​ ​ថា​ច់ ​រ៉ី​ន​ ​។​ ​ចំណែក​បណ្ដាញ​យុវជន​ខ្មែរក្រោម​ ​ទាំង​ក្នុង​ ​និង​ក្រៅ​ប្រទេស​ ​សុំ​ឲ្យ​អាជ្ញាធរ​វៀតណាម​ ​ផ្ដល់​ភាព​ស្អាតស្អំ​សង​លោក​ ​ថា​ច់ ​រ៉ី​ន​ ​វិញ​ ​ព្រោះ​គេ​មើលឃើញ​ការ​អនុវត្ត​ច្បាប់​របស់​អាជ្ញាធរ​វៀតណាម​ចំពោះ​ករណី​នេះ​ ​គឺ​ប្រាស់​ចាក​ទាំង​ច្បាប់​ជាតិ​ផង​ ​និង​ច្បាប់អន្តរជាតិ​ផង​ ​។​ ​បើ​ដូច្នោះ​ ​ទេ​ពួកគេ​នឹង​ធ្វើការ​តស៊ូ​មតិ​ស្វែងរក​យុត្តិធម៌​ឲ្យ​លោក​ ​ថា​ច់ ​រ៉ី​ន​ ​ទាល់តែ​បាន​សម្រេច​ ​ដោយ​ពឹង​លើ​សហគមន៍​អន្តរជាតិ​ ​។

លោក ថាច់ រ៉ីន (ស្តាំ) នៅក្នុងបន្ទប់សួរចម្លើយរបស់​អធិការដ្ឋាននគរបាលស្រុក​ថ្កូវ ។ រូបៈ ផ្តល់ឲ្យ
លោក ថាច់ រ៉ីន (ស្តាំ) នៅក្នុងបន្ទប់សួរចម្លើយរបស់​អធិការដ្ឋាននគរបាលស្រុក​ថ្កូវ ។ រូបៈ ផ្តល់ឲ្យ

លោក​ស្រី​ថាច់​ ជា​ភរិយា​របស់​លោក​ថាច់ រីន​ លើក​ឡើង​ថា​ លោក​ស្រី​រស់​នៅ​ជា​មួយ​​ប្ដី​លោក​ស្រី​រាល់​ថ្ងៃ​ លោក​ស្រី​ដឹង​ថា ប្ដី​លោក​ស្រី​ត្រូវ​ចាប់​ខ្លួន​ព្រោះ​​តែ​គាត់​​ផ្សព្វ​ផ្សាយ​ឯក​សារ​នានា​ ​របស់​អង្គការ​សហប្រជាជាតិ មាន​ច្បាប់​សិទ្ធិ​ជន​ជាតិ​ដើម​ជាដើម​ ។ ពី​ព្រោះ​រឿង​ចែក​រំលែក​រូប​លោក​ហូជីមិញ​​កែ​ច្នៃ​នោះ​បាន​ដោះ​ស្រាយ​ដោយ​លោក​ថាច់ រីន បាន​សុំទោស​ និង​សន្យា​មិន​ចែក​រំលែក​ទៀត​ឡើយ​ គឺ​ចប់​សព្វ​គ្រប់​ហើយ​តាំង​ពី​ថ្ងៃ​ទី​ ១៣​ កក្កដា​កន្លង ​នៅ​ពេល​នគរបាល​ស្រុក​ ស្រុក​ថ្កូវ​​​​​ចាប់​ខ្លួន លោក​ថាច់​ រីន​​ទៅ​​គំរាម​​កំហែង​ សួរ​ចម្លើយ​អស់​រយៈ​ពេល​ជាង​ ៥ ម៉ោង​ម្ល៉េះ​៖ «គាត់​ តែង​តែ​ពោល​ថា​គាត់​ខុស​អី គាត់​គ្មាន​កំហុស​អី​ទេ​ ហើយ​កោះ​ហៅ​គាត់​ទៅ​​សាលា​ឃុំ ​សាលា​ស្រុក​ ​២ ៣ ដង ហើយ ​គាត់​មិន​មាន​ធ្វើ​ខុស​អី​ ដល់​ហើយ​សួរ​តែ​ដដែល ៗ តែ​អា​រឿង​ពាក់​អាវ​យឺត​អី​ហ្នឹង​ ហើយ​រឿង​កំហុស​អី​អស់​ហ្នឹង​បាន​ធ្វើ​លិខិត​ទទួល​ស្គាល់​នឹង​ធើ​កិច្ចសន្យា​ស្រេច​អស់​ហើយ​តែ​នៅ​តែ​កោះ​ហៅ​ដដែល​ៗ »

ស្រដៀង​គ្នា​នេះ​ដែរ​កូន​ស្រី​ពៅ​របស់​លោក​ថាច់​ រីន​គឺ​អ្នក​នាង​ថាច់​ ធី​កេវ​ អាយុ ២១ ឆ្នាំ ប្រាប់​ថា​បន្ទាប់​ពី​អាជ្ញាធរ​ចាប់​ឪពុក​អ្នកនាង​គំរាម​កំហែង​សួរ​ចម្លើយ​អស់​ជាង​ ៥ ​ម៉ោង​នោះ ​ ពេលនោះ​អាជ្ញាធរ​ ហាម​មិន​ឲ្យ​ឳ​ពុក​អ្នកនាង​ផ្សព្វផ្សាយ​ឯក​សារ​នានា​របស់​អង្គការ​សហប្រជាជាតិ​​មាន​ច្បាប់​សិទ្ធិ​ជន​ជាតិ​ដើម ​ជា​ដើម​បន្ត​ទៀត​ទេ​ តែ​លុះ​ពេល​អាជ្ញាធរ​​ដោះ​លែង​ឲ្យ​មក​ផ្ទះ​វិញ​ឪ​ពុក​របស់​អ្នក​នាង​កាន់​តែ​ផ្សព្វផ្សាយ​លើស​ដើម​ ។

ស្ត្រី​ជា​កូន​ស្រី​ពៅ លោក​ថាច់​ រីន បន្ត​ទៀត​ថា ​នៅ​​ថ្ងៃ​ទី​ ១០ កញ្ញា​កន្លង នគរបាល​ស្រុក​ថ្កូវ ​បាន​កោះ​ហៅ​ឪពុក​របស់​អ្នកនាង​ម្ដង​ទៀត​ ដោយ​ចោទ​ប្រកាន់​លោក​ទៅ​នឹង​​ស្ថាន​ទម្ងន់​ទោ​ស​ព្រហ្មទណ្ឌ តែ​លោក​មិន​ចូល​ខ្លួន​ ដោយ​សារ​ម្ដាយ​អ្នក​មាន​ជំងឺ​ជា​ប្រចាំ​​បាន​ជា​ឪពុក​អ្នក​នាង​មិន​ហ៊ាន​ទៅ​ណា​ឆ្ងាយ​ ចោល​ម្ដាយ​អ្នក​នាង​ ទើប​ឈាន​ដល់​រឿង​នគរ​បាល​ស្រុក​ចាប់​ខ្លួន​ឪពុក​អ្នក​នាង​យ៉ាង​នេះ៖ «ប៉ុន្តែ​ពេល​ឪ​អូន​មក​ដល់​ផ្ទះ​វិញ​ហើយ​ ឪ​ប្អូន​បាន​បង្ហោះ​បន្ថែម​ទៀត​ហើយ​ពាក់​អាវ​មាន​អក្សរ​​ខ្មែរ​ក្រោម​ហ្នឹង​ទៀត​ គាត់​ទៅ​ណា​មក​ណា​គឺ​គាត់​ពាក់​អាវ​មាន​សញ្ញា​អក្សរ​ខ្មែរ​យើង​ហ្នឹង​ ហើយ​និង​គាត់​បាន​​បង្ហោះ​សៀវភៅ​ច្បាប់​ជន​ជាតិ​ដើម​ និង​អាន​ផ្សាយ​ផ្ទាល់​ជា​ច្រើន​ដង​ទៅ​ ទើប​ពួក​វា​មក​កោះ​ហៅ​ទៀត​ តែ​ដោយ​បារម្ភ​ពី​ម៉ែ​អូន​ ម៉ែ​របស់​ឈឺ​ហ្នឹង ឪពុក​អូន​ក៏​មិន​បាន​ទៅ​តាម​ការ​កោះ​របស់​គេ​ ដូច្នេះ​ហើយ​គេ​ក៏​មក​ចាប់​បណ្ដោយ»

ចំណេះ​កូន​ប្រុស​​លោក​ថាច់​ រីន​​ម្នាក់​​ទៀត​ ​ឈ្មោះ​ថាច់ ង៉ុក ឡាញ់ អយុ ៣៤ ឆ្នាំ ​លោក​ប្រាប់​ថា លោក​មាន​បង​ប្អូន​បង្កើត​ទាំង​អស់​ ៥​ នាក់​ បង​ប្អូន​លោក​មាន​ការ​ព្រួយ​បារម្ភ​ជា​ខ្លាំង​ក្រោយ​ពី​អាជ្ញាធរ​ចាប់​ខ្លួន​ឪពុក​របស់​​លោក​ ព្រោះ​ឪ​ពុក​លោក​ចាស់​ហើយ ហើយ ​ឪពុក​លោក​ជា​មនុស្ស​ចិត្ត​ធម៌​ សូម្បី​តែ​សត្វ​ស្រមោច​មួយ​​​​​​មិន​ចង់​ហ៊ាន​​ញិច​ផង​ ។

លោក ​ថាច់​ ង៉ុក​ឡាញ់ ​បន្ត​ថា​ អាជ្ញាធរ​វៀតណាម ​មិនមែន​ត្រឹម​ចង​គំនុំ ​​ចំពោះ​ឪ​ពុក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​លោក ​រឿង​សព្វ​ផ្សាយ​​ឯកសារ​នានា​ពាក់​ព័ន្ធ​នឹង​រឿង​ខ្មែរ​ក្រោម​ប៉ុណ្ណោះ​ទេ​ គឺ​អាជ្ញា​ធរ​វៀតណាម​បាន​គុំ ​និង​ធ្វើបាប​ឪពុក​លោក​២ ៣ ឆ្នាំ​មក​ហើយ គឺ​ក្រោយ​ពី​ឪពុក​​លោក​បាន​ចូល​សាសនា​យេ​ស៊ូ​គ្រឹស្ត​ម្លេះ​៖ «កាល​នោះ​គឺ​ឪ​ខ្ញុំ​ទើប​ចូល​សាសនា​ដំណឹង​ល្អ​ (យេ​ស៊ូ​គ្រឹស​) បាន​ពីរ​បី​ខែ​អីចឹង គឺ​ថា​នៅ​ពេល​កណ្ដាល​យប់​ក៏​ពួក​នគរបាល​ឃុំ​​ឬ​ជួន​កាល​​ពួក​ឈ្លប​ភូមិ​ហ្នឹង​ក៏​មក​គោះ​ទ្វារ​ទាំង​កណ្ដាល​យប់​ដែរ​ ។ ​ ព្រោះ​គោល​បំណង​គេ​ចង់​យក​សៀវភៅ​ គម្ពីរ​សាសនា​យេស៊ូ​គ្រិស្ត​​ដំណឹង​ល្អ​ហ្នឹង​ អីចឹង​ពួក​គេ​មក​រហូត​ថ្ងៃ​ក៏​មក​យប់​ក៏​មក​​ កាល​នោះ​ខ្ញុំ​ចំណាំ​មុខ​ពួក​វា​មិន​បាន​ទេ​ គ្រាន់​តែ​ដឹង​ថា​ពួក​វា​មក​ដដែល​ៗ​ទាម​ទារ​យក​សៀវភៅ​យេស៊ូគ្រិស្ត​នឹង​ឯង​»

ការ​លើក​ឡើង​របស់​គ្រួសារ​លោក​ថាច់ រី​ន​នេះ​ធ្វើ​ឡើង​នៅ​ក្នុង​វេទិកា​សាធារណៈ​មួយ​ស្ដី​អំពី​រឿង​រ៉ាវ​របស់​លោក​ថាច់ រីន​នេះ​ឯង​ រៀប​ចំ​ឡើង​ដោយ​ក្រុម​យុវជន​ខ្មែរ​ក្រោម​នៅ​កម្ពុជា​ដែល​ហៅ​កាត់​ថា​ខ្មែរ​(Khmer K21) កាល​​ពី​យប់​​ម្សិល​មិញ​នេះ​។

លោក​ ​ថា​ច់ ​រីន​ សកម្មជន​តស៊ូ​មតិ​ខ្មែរ​ក្រោម ​វ័យ ​៦​១​ ​ឆ្នាំ​ រស់​នៅ​ភូមិ​ថ្កូវ​ ​ឃុំ​ជ្រោយ​ទន្សា​ ​ស្រុក​ថ្កូវ​ ​ខេត្ត​ព្រះត្រពាំង​​ ​​ត្រូវ​បាន​អាជ្ញាធរ​វៀតណាម​ ​នៅ​ខេត្ត​ព្រះត្រពាំង​ ​​ដែល​វៀតណាម​​ដាក់​ឈ្មោះ​ថ្មី ថា​ត្រា​វិញ ចូល​ទៅ​ចាប់ខ្លួន​ដល់​ក្នុង​ផ្ទះ​ កាលពី​ថ្ងៃ​ទី​ ​១​៤​ ​ខែ​តុលា​ ​ឆ្នាំ​ ​២​០​២​១​ ​រួច​បញ្ជូន​ទៅ​ឃុំ​ខ្លួន​ ​និង​សួរ​ចម្លើយ​ ​ ដោយ​ចោទ​ប្រកាន់​លោក​ថា​ធ្វើ​ខុស​​នឹង​មាត្រ​ ៣៣១ ក្រម​ព្រហ្មទណ្ឌ​នៃ​ប្រទេស​វៀតណាម​ ព្រោះ​​តែ​លោក​ចែក​រំលែក​រូប​លោក​ហូ​ជី​មិញ​ ដែល​បាន​កែ​ច្នៃ​ជា​ទម្រង់​បិសាច ​ធ្វើ​ឲ្យ​ប៉ះ​ពាល់​ដល់​កិត្តិយស​​អតីត​ខ្មោច​​មេ​ដឹក​នាំ​របប​កុម្មុយនិស្ដុ​វៀតណាម​មួយ​នេះ​។

ឆ្លើយ​តប​នឹង​ការ​ចាប់​ខ្លួន​លោក​ថាច់​ រីន​នេះ​ប្រធាន​ក្រុម​ប្រឹក្សា​យុវជន​ខ្មែរ​ក្រោម​ដែល​មាន​ទីតាំង​នៅ​ទី​ក្រុង​ភ្នំពេញ​ លោក ថាច់ ច័ន្ទ្រា លើក​ឡើង​ថា ​ការ​ផ្សព្វ​ផ្សាយ​ច្បាប់​សិទ្ធិ​ជន​ជាតិ​ដើម​ ឬ ​ច្បាប់​នានា​​របស់​អង្គការ​សហ​ប្រជាជាតិ​នោះ​វា​មិន​ខុស​នឹង​ច្បាប់​ជាតិ ​ឬ ​អន្តរ​ជាតិ​នោះ​ទេ ហើយ​ដែល​លោក​ថាច់​ ​រី​បាន​បង្ហោះ​រូប​កែ​ច្នៃ​របស់​លោក​ហូជីមិញ​ជា​បិសាច​ និង​សរសេរ​ពាក្យ​ថា ហោ ជី មិញ​ជា​ចោរ​នោះ​ ​ក៏​មិន​ខុស​អ្វី​ដែរ​ ព្រោះ​បើ​យោង​ទៅតាម​ប្រវត្តិសាស្ត្រ​គឺ​លោក​ហូជីមិញ​ជា​ចោរ​ក្នុង​ផែន​ការ​លួច​ប្លន់​ដី​ខ្មែរ​ចុង​ក្រោយ​នេះ​មែន​ ៖ «ហូ​ជី​មិញ​ដាក់​រូប​ប៉ុណ្ណឹង​វា​ជា​រឿង​តិច​ទេ​ ព្រោះ​នេះ​ជា​រូប​កែ​ឆ្នៃ​តុក្កតា ​តាម​ពិត​​គឺ​ជា​ចោរ​ជា​មហាចោរ​ស្រាប់​ហើយ ​ ​ពេល​ណា​គេ​និយាយ​ពី​ប្រវត្តិ​សាស្ត្រ​ គឺ​ត្រូវ​តែ​និយាយ​រឿង​ពិត ។ ​ដូច្នេះ​ហូ​ជី​មិញ​គាត់​មាន​មហិច្ឆតា​ចង់​លេប​ត្របាក់​យក​ទឹក​ដី​កម្ពុជា​ក្រោម​ពិត​មែន ​វា​ជា​រឿង​ពិត​ គឺ​ហូ​ជី​មិញ​ជា​មហា​ចោរ​ប្រវត្តិ​សាស្ត្រ ។ ដូច្នេះ​បង​ប្អូន​យើង​ត្រូវ​កត់​ចំណាំ​ឲ្យ​មែន​ទែន​ បើ​ប្រសិន​ជា​គេ​ចោទ​ប្រកាន់​យើង​យ៉ាង​មេច​ យ៉ាង​ម៉ា ​យើង​ត្រូវ​ឆ្លើយ​តាម​ប្រវត្តិ​សាស្ត្រ»

បណ្ដាញ​យុវជន​ខ្មែរ​ក្រោម​ទាំង​ក្នុង​និង​ក្រៅ​ប្រទេស​ មើល​ឃើញ​កា​រ​អនុវត្ត​ច្បាប់​របស់​អាជ្ញាធរ​វៀតណាម​ចំពោះ​ករណី​ លោក​ថាច់ រីន ​នេះ​ គឺ​ប្រាស់​ចាក​ទាំង​ច្បាប់​ជាតិ ​និង​ច្បាប់​អន្តរជាតិ​ទាំងស្រុង​ ហេតុនេះ​អាជ្ញាធរ​វៀតណាម​ត្រូវ​ផ្ដល់​ភាព​ស្អាត​ស្អំ​សង​លោក​ ថាច់​រីន​វិញ បើ​ដូច្នោះ​ទេ​ពួក​គេ​នឹង​ធ្វើ​ការ​តស៊ូ​មតិ​ស្វែង​រក​យុត្តិ​ធម៌​ឲ្យ​លោក​ថាច់ រីន​ទាល់​តែ​បាន​សម្រេច​ ដោយ​ពឹង​លើ​សហគមន៍​អន្តរ​ជាតិ​៕

Leave A Reply

Your email address will not be published.