សមណសិស្សថ្នាក់ពុទ្ធិកសិក្សាបឋមភូមិ និង ទុតិយភូមិនៅខេត្តព្រះត្រពាំង ចាប់ផ្ដើមប្រឡងថ្ងៃអង្គារនេះ
ដោយ ថាច់ ប្រីជា គឿន|ព្រៃនគរ
នៅថ្ងៃអង្គារទី ១១ ខែកុម្ភៈ នេះ ព្រះចៅធិការវត្ត គ្រូបង្រៀន មេប្រយោគ និងសមណសិស្ស និង សិស្ស ថ្នាក់ពុទ្ធិកសិក្សាបឋមភូមិ និងទុតិយភូមិ ដែលសិក្សានៅតាមវត្តអារាម នានា បានចាប់ផ្ដើម ជួបជុំគ្នានៅវត្តកងចក្ការាមធ្លក ឋិតនៅស្រុកផ្នោដាច់ ខេត្តព្រះត្រពាំង ដើម្បីប្រឡងបញ្ចប់ថ្នាក់ និងយកសញ្ញាប័ត្របឋមភូមិ និងទុតិយភូមិ ។ កម្មវិធីប្រឡងនេះ រយៈពេល ៣ ថ្ងៃ គឺ ចាប់ពីថ្ងៃទី ១១ ដល់ ទី ១៣ ខែកុម្ភៈ នេះ ។
កម្មវិធីប្រឡងរួមខេត្តទាំង ២ កម្រិតសិក្សានេះ មានសមណសិស្សទូទាំងខេត្តសរុប ៣៨១ អង្គ និង រូប ក្នុងនោះ សិស្ស ថ្នាក់ពុទិ្ធកមធ្យមសិក្សាបឋមភូមិឆ្នាំទី ៤ (បាលីរង) មាន ២៨០ អង្គ និង រូប និង សិស្សថ្នាក់ ពុទិ្ធកមធ្យមសិក្សាទុតិយភូមិ ឆ្នាំទី ៣ (បាក់ឌុប) មាន ១០១ អង្គ និងរូប ។ នេះបើតាមការបញ្ជាក់ ពីគណៈកម្មការប្រឡង បានប្រាប់វិទ្យុ សំឡេង កម្ពុជា ក្រោម នៅថ្ងៃទី ១១ ខែកុម្ភៈ នេះ ។ តាមប្រភពដដែលបានបញ្ជាក់ថា ពិធីប្រឡងនេះ នឹងគ្រូបង្រៀនមកធ្វើជាមេយោគប្រ មាណ ២០០ អង្គ និង រូប ។
ពិធីផប្រកាសលទ្ធផល និងផ្ដល់សញ្ញាបត្រនឹងធ្វើនៅថ្ងៃព្រហស្បតិ៍ ១៤ កើតខែមាឃ ត្រូវនឹងថ្ងៃទី ១៣ ខែកុម្ភៈ សប្ដាហ៍នេះ ។
នេះជាកម្មវិធីសិក្សាផ្នែកពុទ្ធិកសិក្សាជាភាសាខ្មែរ ក្រោមការគ្រប់គ្រងរបស់គណៈមន្ត្រីសង្ឃខ្មែរក្រោម នៅខេត្តព្រះត្រ ពាំង ដោ យ សមណសិស្សត្រូវសិក្សារយៈពេល ៩ ខែ គឺចាប់ពីថ្ងៃ ១ រោច ខែវិសាខរៀងរាល់ឆ្នាំ ។ វិញ្ញាសា ដែលយកមក សិក្សា និងប្រឡងរួមមាន ប្រែលោត ប្រយោគធម្មបទដ្ឋកថា, ប្រែលោតប្រយោគមង្គលត្ថទីបនី, ភាសាអង់គ្លេស, អក្សរ សាស្ត្រខ្មែរ, កំណាព្យ, វេយ្យាករណ៍បាលី ,ព្រះវិន័យ, ព្រះបាដិមោក្ខ និង ព្រះអភិធម្ម ជាដើម ។ គ្រូបង្រៀនជា ព្រះសង្ឃ និងគ្រហស្ថជាអ្នកស្មគ្រចិត្តបន្តវេនគ្នា មិនបានទទួ ល ប្រាក់ខែពីរដ្ឋាភិបាលវៀតណាមឡើយ ៕
