ដោយ ថាច់ ប្រីជា គឿន l សារព័ត៌មាន ព្រៃនគរ
ក្រុម អ្នក ប្រើ បណ្ដាញ សង្គម Facebook បាននាំគ្នា ទម្លាយ និង ចែករំលែក ពី មនុស្ស ម្នាក់ ទៅ ម្នា ក់នូវ ឯកសារ ទាក់ទង នឹង រឿង ស្នេហា ត្រីកោណ រវាង លោកនាយក រដ្ឋមន្ត្រី ហ៊ុន សែន នៃ ប្រទេស កម្ពុជា ជាមួយនឹង ស្ត្រី តួកុន ខ្មែរ ដ៏ ល្បី ពិសិដ្ឋ ពិ លីកា ដែល ត្រូវ ឃាតកស៊ីឈ្នួល ធ្វើឃាត នៅ ទីក្រុង ភ្នំពេញ កាលពី ឆ្នាំ ១៩៩៩ ។ ការទម្លាយ នូវ ឯកសារ ដែល ក្រុម អ្នក ប្រើ បណ្ដាញ សង្គម Facebook ចាត់ទុក ថា ជា ករណី ឃាតកម្ម ទាក់ទិន នឹង រឿង ស្នេហា ត្រីកោណ របស់ លោក ហ៊ុន សែន និង អ្នកស្រី ប៊ុន រ៉ានី ជា ភរិយា ជាមួយនឹង ស្ត្រី តួកុន ដ៏ ល្បី ពិសិដ្ឋ ពិ លីកា នោះ ខណៈដែល នៅ ពេល ថ្មីៗ នេះ យុវជន ម្នាក់ ឈ្មោះ ស្រី ចំរើន បានដាក់ ញត្តិ ជូនទៅ រដ្ឋសភា ខ្មែរ និង ស្ថាប័ន ផ្សេងៗ ទៀត ក្នុង គោលបំណង ទាមទារ ឲ្យ លោក កឹម សុខា ប្រធានស្តីទី គណបក្ស ស ង្គ្រោះ ជាតិ ចេញមុខ បកស្រាយ រឿង ខ្សែអាត់ សំឡេង សាសង ស្នេហា ជាមួយ នារី ដែល យុវជន រូបនេះ យល់ថា ទង្វើ របស់ លោក កឹម សុខា ប្រាស ចាក សីលធម៌ ហើយ ខុស នឹង ច្បាប់ ថែមទៀត ។
នៅថ្ងៃទី ២៩ ខែមីនា ឆ្នាំ ២០១៦ គណនេយ្យ Facebook ឈ្មោះ លី ចន្ទ វ តី (Ly Chan Vatey) បាន ទម្លាយនូវឯកសារសំណេរដៃមួយ ដែល គេ ចាត់ទុកថា ជាសំណេរដៃ នៅក្នុងសៀវភៅកំណត់ហេតុប្រចាំថ្ងៃរបស់សិល្បករ ពិសិដ្ឋ ពិ លីកា ដែលបានសរសេរ កាលពី ឆ្នាំ ១៩៩៩ អំពី រឿង ផ្ទាល់ខ្លួន ជាប់ទាក់ទិន នឹងរឿង ប្ដី ប្រពន្ធ លោក ហ៊ុន សែន ។
គណនេយ្យ Facebook ឈ្មោះ Ly Chan Vatey បានចេញ ផ្សាយ នូវឯកសារសំណេរដៃ ហើយភ្ជាប់ជាមួយ នឹង ពាក្យសរសេរ រថា ៖ “ កាលពី នៅក្មេង ខ្ញុំធ្លាប់អានម្តង ពេលនេះ ខ្ញុំអានម្តងទៀត ពិតជាអយុត្តិធម៌ណាស់ សម្លាប់ ជីវិតមនុស្ស ដូចជីវិតសត្វ ពិតជាតិរច្ឆានពេកហើយ ” ។
សំណេរដៃកំណត់ហេតុរបស់ ពិសិដ្ឋ ពិ លីកា ដែលគណនី Facebook មួយនេះ យកមកចុះផ្សាយនោះ បានយោងតាមគេហទំព័រមួយ ដែលមាន អាសយដ្ឋាន www.pisethpilika.free.fr ។ គេហទំព័រ មួយនេះដាក់ឈ្មោះថា ពិសិដ្ឋ ពិលីកា បានផ្ទុកទាំងស្រុងនូវឯកសារ ទាក់ទិន នឹងករណីឃាតកម្ម លើអ្នកស្រី ពិសិដ្ឋ ពិលីកា ហើយបានបញ្ជាក់ថា អ្នកស្រី ពិសិដ្ឋ ពិលីកា ជា “ សិល្បករ និង តួឯកខ្មែរដ៏ ល្បីល្បាញ ដែលត្រូវឃាតកជាជនដៃដល់ស៊ីឈ្នួលភរិយា នៃនាយករដ្ឋមន្ត្រី ហ៊ុន សែន សម្លាប់នៅទីក្រុង ភ្នំពេញ នៅឆ្នាំ ១៩៩៩” ។
សំណេរដៃ ដែលបានដកស្រង់ចេញពីទំព័រមួយ ក្នុងចំណោមទំព័រជាច្រើនផ្សេងទៀត នៃសៀវភៅកំណត់ហេតុប្រចាំថ្ងៃរបស់ ពិសិដ្ឋ ពិលីកា ហើយ ត្រូវបានបង្ហោះនៅតាមបណ្ដាញសង្គម Facebook នោះ មានសេចក្ដីថា ៖
“ថ្ងៃចន្ទ ទី ២៦ ខែមេសា ឆ្នាំ ១៩៩៩ ម៉ោង ៧៖៣០ ព្រឹក ខ្ញុំបានទៅបើកប្រាក់របស់ខ្ញុំនៅធនាគារ កាណាឌីយ៉ា តែគេបិទមិនដំណើរការលុយឱ្យ ព្រោះមានបញ្ហា ប៊ុន រ៉ានី [ភរិយា លោក ហ៊ុន សែន] មិនអនុញ្ញាតឱ្យខ្ញុំទេ ព្រោះគេថានេះជាលុយរបស់ប្ដីគេឱ្យ ។ ទឹកប្រាក់សរុបចំនួន ២០ ម៉ឺនដុល្លារ តែខ្ញុំបើកបាន ៥ ម៉ឺនដុល្លារ និងការប្រាក់ជិត ២០០០ ដុល្លារ ។ថ្ងៃសៅរ៍ ទី ១ ខែឧសភា ឆ្នាំ ១៩៩៩ បង សែន បានឱ្យគេ អុំ រថ សេង ឡុង មកយករូប ថតដែលខ្ញុំថតជាមួយគេ ២ នាក់ប្ដីប្រពន្ធ ខ្ញុំក៏ ២ នាក់ប្ដីប្រពន្ធដែរ រូបនោះខ្ញុំថតនៅកូរ៉េ កាលឆ្នាំ ១៩៩៣ ឬ ១៩៩៤ ខ្ញុំឲ្យគេទៅ ទាំងចិត្តសោកសៅ ព្រួយបារម្ភ ខ្ញុំហែករូបថតទាំងញ័រដៃទទ្រើត ខ្ញុំទើបដឹងថា ខ្ញុំជាសត្វមមាច ដែលកំពុងចូលភ្លើង ខ្ញុំពុំដឹងថា ខ្ញុំត្រូវបានសុខ ឬ អត់ បើម្ចាស់ប្រុស គេផ្ទាល់ជាអ្នកធ្វើមកលើយើង ។មួយរយៈនេះ ខ្ញុំតែងលាក់ខ្លួនក្នុងផ្ទះ កើតទុករហូតចង់ទៅបួស ។ ក្រោយមកខ្ញុំតាំងចិត្តភ្លេចរាល់រឿងឈឺចាប់ ខ្ញុំបានវិលវល់មិនដឹងថាថ្ងៃណាខ្ញុំ កាត់ចិត្តបានទេ រហូតខ្ញុំធ្លាក់ខ្លួនឈឺ បន្តិចម្ដងៗ រលាយការឈឺចាប់ ។ថ្ងៃចន្ទ ទី ១០ ខែឧសភា ឆ្នាំ ១៩៩៩ ម៉ោង ៩៖១៥ នាទី ព្រឹក លោក អគ្គនាយកនគបានជាតិ ហុក ឡង់ឌី បានហៅខ្ញុំទៅជួបដើម្បីនិយាយកិច្ចការ ខ្ញុំភ័យផង អរផង ក្រែងបានទទួលដំណឹង ពី បង សែន ផ្ដាំផ្ញើរតែខ្ញុំទៅជួប ហុក ឡង់ឌី នៅកៀនស្វាយ កន្លែងឆ្ងាយស្ងាត់ គឺភោជនីយដ្ឋានមួយ គាត់បានប្រាប់ខ្ញុំថា ឲ្យខ្ញុំរត់គេចខ្លួនទៅទីណាឆ្ងាយមួយរយៈសិនទៅ ព្រោះលោក ជំទាវ ប៊ុនរ៉ា នី កំពុងខឹងខ្លាំងណាស់ ប៉ងផ្ដាច់ជីវិតខ្ញុំទៀ ខ្ញុំភ័យណាស់…” ។
ក្រៅពី ទម្លាយ នូវ សំណេរ ដៃ របស់ ពិសិដ្ឋ ពិ លីកា អ្នក ប្រើ បណ្ដាញ សង្គម Facebook ក៏បាន ទម្លាយ នូវ កំណាព្យ សរសេរ ផ្ទាល់ដៃ ដែល គេ ចាត់ទុកថា ជា របស់ លោក ហ៊ុន សែន បាន ផ្ញើជូន ពិសិដ្ឋ ពិ លីកា ផងដែរ ។
គណនេយ្យ Facebook ឈ្មោះ Samath Chhun បាន យក កំណាព្យ ដែល ខ្លួន ចាត់ទុកថា ជា របស់ លោក ហ៊ុន សែន ហើយ បាន ទស្សនាវដ្ដី ឥន្ទ្រ ទេវី ធ្លាប់បាន ចុះផ្សាយ នាពេលនោះ ភ្ជាប់ ជាមួយ នឹង ពាក្យ សរសេរថា “ នេះ ជា អនុស្សា រី យ៍ ដែល ហ៊ុន សែន មិនអាច រើរួច ” ។
កំណាព្យ របស់ លោក ហ៊ុន សែន ដែល បាន ចុះផ្សាយ នៅលើ ទំព័រ ទស្សនាវដ្ដី ឥន្ទ្រ ទេវី ភ្ជាប់ ជា មួយ នឹង រូបថត របស់ លោក ហ៊ុន សែន អ្នកស្រី ប៊ុន រ៉ានី និង អ្នកស្រី ពិសិដ្ឋ ពិ លីកា ហើយ ដាក់ ចំណងជើង ថា “ កំណាព្យ ស្នេហា ដែល L’EXPRESS ផ្សាយ ថា ជា កំណាព្យ របស់ សម្ដេច ហ៊ុន សែន ផ្ញើ អ្នកស្រី ពិសិដ្ឋ ពិ លីកា ” ហើយ ត្រូវបាន អ្នក ប្រើ បណ្ដាញ សង្គម Facebook ចែករំលែក បន្ត គ្នា ព្រោងព្រាត នៅពេល ថ្មីៗ នេះ មាន សេចក្ដី យ៉ាងនេះ ថា ៖
“ ១- បងគេងសុបិននឹកដល់ក្លិនស្រី ជីវិតមានន័យជួបស្រីស្នេហ៍
មរតកជីវិតភ្លេចមិនបានទេ ចំណងបុពពេភ្ជាប់អូននិងបង
២- បងសែននឹកគិតជីវិតស្នេហា ១៨ សីហាចារចាំជានិច្ច
ជាតិនេះជាតិក្រោយផ្ញើក្ដីអាណិត បងសុំស្នេហ៍ពិតសុំស្រីមេត្តា
៣- រៀបការគ្មានភ្លេងតែសែនមានន័យ ព្រោះបងនិងស្រីមានចិត្តស្មគ្រស្មោះ
លះបង់ខ្លួនប្រាណឥតស្ដាយស្រណោះ បងសែនអាឡោះអាល័យស្នេហ៍យើង
៤- បងសែនអាណិតដល់ទឹកភ្នែកស្រី តើកម្មផលអ្វីនាំស្រីអភ័ព្វ
ជីវិតកំព្រាវិនាសវប្រាស់ប្រាត់ មានប្ដីចិត្តក្បត់បន្ថែមទុក្ខា
៥- បងយល់ចិត្តស្រីផ្ញើក្ដីសណ្ដោស ចិត្តជាកូនប្រុសបងត្រូវហ៊ានថា
អូនត្រូវក្លាហានឆ្លងកាត់ព្យុះមា ដើម្បីស្នេហាដែលអូនពេញចិត្ត
៦- បងសុំចិត្តស្រីសុំក្ដីអាណិត មេត្តាបងពិតដល់ចិត្តរៀមរ៉ា
រូបបងរូបស្រីមានទុក្ខដូចគ្នា នេះជាវេរាមរតកជីវិត
៧- បើមិនបានអូនក៏បងមិនថា តែសុំជីវ៉ាកុំបិទទូរស័ព្ទ
អាណិតឆ្លើយឆ្លងដោយពាក្យសាស័ព្ទ យើងមិនឃ្លាតព្រាតជារៀងរហូត “ ។
សូមបញ្ជាក់ថា អ្នកស្រី ពិសិដ្ឋ ពី លីកា គឺជា តារា សម្ដែង ដ៏ ល្បី មួយរូប នៅក្នុង ប្រទេស កម្ពុជា ។ អ្នក ស្រី កើត នៅ ឆ្នាំ ១៩៦៥ នៅ ទីក្រុង ភ្នំពេញ និង ទទួលមរណភាព នៅ ថ្ងៃទី ១៣ ខែ កក្កដា ឆ្នាំ ១៩៩៩ នៅ មន្ទីរពេទ្យ ៨ ថ្ងៃ បន្ទាប់ ពី អ្នកស្រី ត្រូវ ខ្មាន់កាំភ្លើង មិន ស្គាល់មុខ ម្នាក់ បាញ់ប្រហារ នៅ ថ្ងៃទី ៦ ខែ កក្កដា ឆ្នាំ ១៩៩៩ ។ មកទល់ពេលនេះ រយៈពេល ១៧ ឆ្នាំ ហើយ តែ ពន្លឺយុត្តិធម៌ នៅតែ មិនទាន់ រកឃើញ នៅឡើយ ។
ក្រៅពី ករណី បាញ់ប្រហារ ពិសិដ្ឋ ពិ លីកា ដែល គេ ចាត់ទុកថា ជា សំណុំរឿង ទាក់ទិន នឹង រឿង ស្នេហា ត្រីកោណ របស់ លោកនាយក រដ្ឋមន្ត្រី ហ៊ុន សែន និង ភរិយា គឺ អ្នកស្រី ប៊ុន រ៉ានី ដែល រដ្ឋាភិបាល ខ្មែរ មិនទាន់ រកឃើញ យុត្តិធម៌ ជូន ដល់ ជនរងគ្រោះ នៅមាន ករណី ជាច្រើន ទៀត ដូចជា ករណី បាញ់ ប្រហារ ប្រធាន សហជីព សេរី កម្មករ កម្ពុជា លោក ជា វិជ្ជា ព្រះតេជព្រះគុណ សំ ប៊ុនធឿន តារា ចម្រៀង ទូច ស៊ិន និច្ច ពៅ បញ្ជា ពេជ្រ និង សកម្មជន ការពារ ព្រៃឈើ ឈុត វុទ្ធី ជាដើម ។
រហូតមកទល់ ពេលនេះ គេ នៅ មិនទាន់ ឃើញ ក្រុមនិស្សិត ខ្មែរ រូប ណា ហ៊ាន ចេញមុខ ដាក់ ញត្តិ ទៅ រដ្ឋ សភា ប្រទេស កម្ពុជា និង ស្ថាប័ន ពាក់ព័ន្ធ ដទៃទៀត ដើម្បី ជំរុញ ឲ្យ រដ្ឋាភិបាល លោក ហ៊ុន សែន ធ្វើ ការស៊ើបអង្កេត លើ ករណី ព្រហ្មទណ្ឌ ធ្ងន់ៗ ខាងលើ នៅឡើយ ប៉ុន្តែ ឃើញតែ ដាក់ ញត្តិ ក្នុង គោល បំណង ទាមទារ ឲ្យ លោក កឹម សុខា ប្រធានស្តីទី គណបក្ស ស ង្គ្រោះ ជាតិ ចេញមុខ បកស្រាយ រឿង ខ្សែអាត់ សំឡេង សាសង ស្នេហា ជាមួយ នារី តែប៉ុណ្ណោះ ៕
Comments are closed.