សហព័ន្ធខ្មែរកម្ពុជាក្រោម នឹងប្រារព្ធខួប ១០៥ ឆ្នាំ នៃទិវានារីអន្តរជាតិ ៨ មីនា
ដោយ ថាច់ ប្រីជា គឿន l សារព័ត៌មាន ព្រៃនគរ
តំណាងស្ត្រីសហព័ន្ធខ្មែរកម្ពុជាក្រោម និង សាខាសហព័ន្ធខ្មែរកម្ពុជាក្រោម ប្រចាំរដ្ឋ ផែនស៊ីវេណៀ (Pennsylvania) និង រដ្ឋ នីវជើស៊ី (New Jersey) សហរដ្ឋអាមេរិក នឹងប្រារព្ធពិធីរំឭកខួប ១០៥ ឆ្នាំ នៃ ទិវានារីអន្តរជាតិ នៅទីក្រុងភីឡាដែលផ្យា (Philadelphia) នៅថ្ងៃទី ៥ ខែមីនា ខាងមុខនេះ ដើម្បីអបអរសាទរដល់ថ្ងៃដែលស្ត្រីនៅលើពិភពលោក បានទទួលជ័យជំនៈ លើការតស៊ូរបស់ខ្លួន ដើម្បី សមភាព យុត្តិធម៌ សន្តិភាព អភិវឌ្ឍន៍ និងសិទ្ធិជាមូលដ្ឋានរបស់ខ្លួន ។
យោងតាមសេចក្ដីជូនដំណឹងមួយរបស់ អ្នកស្រី សឺង ធី ណិត ប្រធានស្ត្រីនៃសហព័ន្ធខ្មែរកម្ពុជាក្រោម បានបញ្ជាក់ថា សហព័ន្ធខ្មែរកម្ពុជាក្រោម សូមគោរពអញ្ជើញសមាជិក សមាជិកា និងថ្នាក់ដឹកនាំសហព័ន្ធខ្មែរកម្ពុជាក្រោម គ្រប់ជាន់ថ្នាក់ និង ពលរដ្ឋខ្មែរអ្នកគាំទ្រសហព័ន្ធខ្មែរកម្ពុជាក្រោម នៅគ្រប់ទិសទី សូមចូលរួមពិធីរំឭកខួប ១០៥ ឆ្នាំ នៃ ទិវានារីអន្តរជាតិ ដែល ស្ថាប័នស្ត្រីសហព័ន្ធខ្មែរកម្ពុជាក្រោម នឹងប្រារព្ធប្រារព្ធនាពេលខាងមុខនេះ ដើម្បីរំឭកអំពីស្ថានភាពរបស់ ស្ត្រីខ្មែរ នៅកម្ពុជាក្រោម សព្វថ្ងៃ ដែលបាននិងកំពុងតែប្រឈមនឹងការរំលោភសិទ្ធិមនុស្សយ៉ាង ធ្ងន់ពីរដ្ឋាភិបាលបក្ស កុម្មុយ និស្តយួន ។
កម្មវិធីនេះ នឹងប្រារព្ធចាប់ពីម៉ោង ៧ ល្ងាច ដល់ ១២ អធ្រាធ ថ្ងៃទី ៥ ខែមីនា ឆ្នាំ ២០១៦ ដោយមានកម្មវិធីប្រគំតន្ត្រី កម្សាន្ត ផង ។ កម្មវិធី ក៏មានការអញ្ជើញចូលរួមពីគណៈកម្មការនាយក សហព័ន្ធខ្មែរកម្ពុជាក្រោម មកពីប្រទេសនានា ក្នុងពិភពលោក ដើម្បី ពិភាក្សាគ្នាអំពីបញ្ហាកម្ពុជាក្រោម និងអំពីផែនការរបស់សហព័ន្ធខ្មែរកម្ពុជាក្រោម ដែលកំពុងតែ អនុវត្តរាល់ថ្ងៃ ក្នុងគោល ដៅ ស្វែងរកសិទ្ធិសម្រេច វាសនាខ្លួនដោយខ្លួន ឯងជូនពលរដ្ឋខ្មែរក្រោម នៅដែនដី កម្ពុជា ក្រោម ។
សូមបញ្ជាក់ថា ទិវានារីអន្តរជាតិ ឬ ទិវាអង្គការសហប្រជាជាតិដើម្បីសិទ្ធិស្ត្រី និង សន្តិភាពអន្តរជាតិ ត្រូវបានអង្គការសហ ប្រជា ជាតិ ចាត់ទុកជាថ្ងៃផ្លូវការចាប់ពីឆ្នាំ ១៩៧៧ មក ។ ក្នុងមួយសតវត្សរ៍កន្លងមកនេះ ស្ត្រី បានទទួលនូវសមភាព នៅចំពោះមុខ ច្បាប់គ្រប់វិស័យនៅក្នុងពិភពលោក តែទោះជាយ៉ាងណាក៏ដោយ ក៏មានស្ត្រីជាច្រើននៅក្នុងប្រទេសនានា ជុំវិញពិភពលោក កំពុងតែប្រឈមនឹងការរំលោភសិទ្ធិមនុស្ស មានការរើសអើង និងរង នូវអំពើ ហិង្សា ហើយពួកគេកំពុង តែ ធ្វើការតស៊ូមិនឈប់ ឈរដើម្បីសិទ្ធិសមភាពរបស់នារីឲ្យស្មើនឹងបុរស ។
ខណៈដែលស្ត្រីនៅជុំវិញពិភពលោកបានទទួលនូវសិទ្ធិជាមូលដ្ឋានរបស់ខ្លួន ស្ត្រីខ្មែរនៅកម្ពុជាក្រោមនៅតែកំពុងតែប្រ ឈមនឹង រើសអើងពូជសាសន៍ជាទម្ងន់ពីសំណាក់រដ្ឋាភិបាលបក្សកុម្មុយនិស្តវៀតណាម ។ ស្ត្រីខ្មែរនៅ កម្ពុជាក្រោម ភាគ ច្រើនមិន ចេះ អក្សរខ្មែរជាអក្សរសាស្ត្រជាតិរបស់ខ្លួនទេ ព្រោះថា នៅកម្ពុជាក្រោមមិនមានសាលា សម្រាប់រៀនអក្សរខ្មែរ ឡើយ ក្រៅពីនៅតាម វត្តអារាម ។
ព័ត៌មានបន្ថែមទាក់ទងនឹងកម្មវិធីនេះ លោកអ្នកអាចទាក់ទងទៅអ្នកចាត់តាំងកម្មវិធី តាមរយៈលេខទូរស័ព្ទដូច ខាង ក្រោម៖
តំណាងនៅទីក្រុង ភីឡាដែលផ្យា
អ្នកស្រី សឺង ធី ណិត (267) 240-5603
លោក លឹម កួន (215) 552-1329
តំណាងនៅរដ្ឋ នីវ ជើស៊ី
លោក លី អាន់ (856) 524-0223
Comments are closed.