និស្សិត​ខ្មែរក្រោម​អបអរសាទរ បញ្ចប់​ការសិក្សា​បរិញ្ញាប័ត្រ​

71

ដោយ សឺន ថាយ ធន|VOKK

ប្រគេនរង្វាន់ដល់សមណនិស្សិត ។
ប្រគេនរង្វាន់ដល់សមណនិស្សិត ។

សមណ​និស្សិត​ខ្មែរក្រោម​ដែល​កំពុង​សិក្សា​នៅក្នុង​ប្រទេស​ថៃ បាន​ប្រារព្ធ​នូវ​ពិធី​អបអរសាទរ​សមណ​និស្សិត​បញ្ចប់​បរិញ្ញាបត្រ ឆ្នាំ ២០១៥ នៅក្នុង​មជ្ឈមណ្ឌល នៃ​មហាវិទ្យាល័យ​មហា​ចុ​ឡា​ឡុង​ករ​ណ៍​រាជ​វិទ្យាល័យ កាលពី​ថ្ងៃ​ពុធ​ទី ១១ ខែកុម្ភៈ ឆ្នាំ ២០១៥ នេះ ក្រោម​ការរៀបចំ​របស់​មូលនិធិ​ពុទ្ធិកសិក្សា​ខ្មែរ​ថេរវាទ​វៀតណាម​ខាងត្បូង សាខា​ប្រចាំខេត្ត​អយុធ្យា ។​

​ពិធី​អបអរសាទរ បាន​ប្រព្រឹត្តទៅ​ក្រោម​អធិបតីភាព​ព្រះតេជព្រះគុណ​គឹម​​ម៉ា​យ ឡិន ជា​អនុប្រធាន​នៃ​អង្គការ​មួយ​នេះ​។​

ប្រគេនរង្វាន់ដល់សមណនិស្សិត ។
ប្រគេនរង្វាន់ដល់សមណនិស្សិត ។

​ពិធី​អបអរសាទរ បាន​ប្រព្រឹត្តទៅ​ក្រោម​អធិបតីភាព ព្រះតេជព្រះគុណ គឹម ម៉ា​យ ឡិន ជា​អនុប្រធាន​នៃ​អង្គការ​មួយ​នេះ ។​

អង្គប្រជុំ បានធ្វើការ​បូកសរុប​ការងារ ដែល​បានធ្វើ​រួចហើយ ក្នុង​រយៈពេល​មួយឆ្នាំ កន្លងមក រួមមាន​ការសិក្សា​រប​ស់​សមណ​និស្សិត​ដែល​កំពុង​សិក្សា​នៅក្នុង​សកលវិទ្យា​នេះ នៃ​ខេត្ត​អយុធ្យា និង​ការធ្វើ​កិច្ច​វត្ត​ចំពោះ​ព្រះ​ម​ន្រី្ត​សង្ឃ​ខេត្ត​ព្រះ​ត្រពាំង និង​គោលការណ៍ របស់​មូលនិធិ​សាខា​ខេត្ត​អយុធ្យា សម្រាប់​ឆ្នាំ ២០១៥ រួមមាន​ការ ដោះស្រាយ​នូវ​បញ្ហា​ទុក្ខ លំបាក​របស់​សមណ​និស្សិត ខិតខំ​ពង្រឹង​ការសិក្សា ដល់​សមណ​និស្សិត ឲ្យ​មាន​គុណភាព​ខ្ពស់​នូវក្នុង​វិស័យ​សិក្សា​ចាប់តាំងពី​ថ្នាក់​បរិញ្ញាបត្រ​ឡើងទៅ និង​មានការ រៀបចំ​គណៈកម្មការ​ស​មា​ជិ​ក​មួយចំនួន​នៃ មូលនិធិ​ដើម្បី​ទៅសួរសុខទុក្ខ និង​ធ្វើ​កិច្ច​វត្ត​ដល់​ព្រះ​ម​ន្រី្ត សង្ឃ​ខេត្ត​ព្រះ​ត្រពាំង មុន​រដូវ​ចូល​ព្រះវស្សា​ឆ្នាំ ២០១៥ ។​

​ចំនួន​សមណ​និស្សិត បានបញ្ចប់​ការសិក្សា​ថ្នាក់បរិញ្ញាប័ត្រ ក្នុង​ឆ្នាំ ២០១៥ នេះ មាន​១៥ អង្គ មាន​ឯកទេស​ផ្សេងៗ​គ្នា ដូចជា​ជំនាញ​ផ្នែក​ព្រះពុទ្ធសាសនា និង​ការអភិវឌ្ឍ សង្គម​ជាដើម ។​

​គួររំឭកថា សមណ​និស្សិត​ខ្មែរក្រោម ដែល​បាន​និមន្ត​មកពី​ដែនដី​កម្ពុជា​ក្រោម ទៅ​បន្ត​ការសិក្សា​តាម​សកល​វិទ្យាល័យ​នានា​ក្នុងប្រទេស​ថៃ​នេះ ដោយបាន​ការបញ្ជូន​ពីស​មា គម​ព្រះសង្ឃ​ខ្មែរក្រោម​មួយ​នៅ​ខេត្ត​ព្រះ​ត្រពាំង ដែលមាន​ឈ្មោះថា “​សមាគម​ព្រះសង្ឃ​សាមគ្គី​ស្នេហា​ជាតិ​ខេត្ត​ត្រា​វិញ​” និង​កាន់​លិខិតឆ្លងដែន (Passport) របស់​ប្រទេស​វៀតណាម ។​

ពិធីអបអរសាទរសមណនិស្សិតបញ្ចប់បរិញ្ញាបត្រ ឆ្នាំ ២០១៥ នៅក្នុងមជ្ឈមណ្ឌល នៃមហាវិទ្យាល័យមហាចុឡាឡុងករណ៍រាជវិទ្យាល័យ នាខេត្តអយុធ្យា ប្រទេសថៃា កាលពីថ្ងៃពុធទី ១១ ខែកុម្ភៈ ឆ្នាំ ២០១៥ ។
ពិធីអបអរសាទរសមណនិស្សិតបញ្ចប់បរិញ្ញាបត្រ ឆ្នាំ ២០១៥ នៅក្នុងមជ្ឈមណ្ឌល នៃមហាវិទ្យាល័យមហាចុឡាឡុងករណ៍រាជវិទ្យាល័យ នាខេត្តអយុធ្យា ប្រទេសថៃា កាលពីថ្ងៃពុធទី ១១ ខែកុម្ភៈ ឆ្នាំ ២០១៥ ។

សូមបញ្ជាក់ថា ព្រះសង្ឃ​ខ្មែរក្រោម​ដែលមាន​ឱកាស​ចូល​បន្ត​ការសិក្សា​កម្រិត​បរិ​ញ្ញា​នៅ​ប្រទេស​ថៃ​បាន​នោះ ក៏ដោយ​សារ សញ្ញាប័ត្រ​កម្រិត​មធ្យម​សិក្សា​ទុតិយភូមិ ដែល​ចេញ​ដោយ​អគ្គាធិការ​សិក្សា នៃ​សមាគម​ព្រះសង្ឃ​ព្រះសង្ឃ​សាមគ្គី​ស្នេហា​ជាតិ​ខេត្ត​ព្រះ​ត្រ ពាំង​នោះ ត្រូវបាន​សកល​វិទ្យាល័យ​មហា​ចុ​ឡា​ឡុង​ករ​ណ៍​រាជ​វិ​ទ្យ​ល័យ​ក្នុងប្រទេស​ថៃ ទទួលស្គាល់​សមមូល​ស្មើ​ថ្នាក់​ទី ១២ ដែល​វា​ផ្ទុយ​ពី​រដ្ឋាភិបាល​នៃ​ប្រទេស​កម្ពុជា ក្រោម​ការដឹកនាំ​របស់​លោក ហ៊ុន សែន មិនបាន​ទទួលស្គាល់​ស​ញ្ញា​ប័ត្រ​របស់​ព្រះសង្ឃ​ខ្មែរ នៅ​កម្ពុជា​ក្រោម​នោះទេ ៕​

Comments are closed.