សាខាសហព័ន្ធខ្មែរកម្ពុជាក្រោម ប្រចាំរដ្ឋ Pennsylvania រៀបចំផែនការឆ្នាំ ២០១៨
ដោយ ស៊ឺន ចែងចើន l VOKK
នៅថ្ងៃអាទិត្យ ទី ១៤ ខែមករា ឆ្នាំ ២០១៨ នេះ សាខាសហព័ន្ធខ្មែរកម្ពុជាក្រោម ប្រចាំ រដ្ឋ Pennsy lvania សហរដ្ឋអាមេរិក បានបើកកិច្ចប្រជុំមួយ នៅវត្តសុរិយារង្សីខ្មែរក្រោម ក្រោមអធិបតីភាព របស់ លោក ត្រឹង ម៉ាន់ រិន្ទ ជាប្រធានផែនការនៃសហព័ន្ធខ្មែរកម្ពុជាក្រោម ដើម្បីពិភាក្សាលើគំរោង សកម្មភាពមួយចំនួនសម្រាប់ ឆ្នាំ ២០១៨ ។
កិច្ចប្រជុំផ្ដោតលើរបៀបវារៈសំខាន់ៗមួយចំនួន ដូចជា លោក ត្រឹង ម៉ាន់ រិន បានធ្វើរបាយ ការណ៍ស្ដីពី ផែនការទូទៅរបស់សហព័ន្ធខ្មែរកម្ពុជាក្រោម និងផែនការស្ដីពីគំរោងដែលសហព័ន្ធខ្មែរកម្ពុជាក្រោម និងចូលប្រជុំនៅក្នុងវេទិកាអចិន្ត្រៃយ៍នៃអង្គការសហប្រជាជាតិ ស្ដីពីបញ្ហាជនជាតិដើម (UNPFII) នាខែមេសាខាងមុខ នេះ ។ អ្នកស្រី សឺង ធី និត ជាប្រធានស្ត្រី នៃសហព័ន្ធខ្មែរកម្ពុជា ក្រោមបានធ្វើរបាយការស្ដីពីគំរោងរៀបចំទិវាសិទ្ធិនារីអន្តរជាតិ នាខែមីនា ខាងមុខ ។ លោក ថាច់ ផៃ ជាប្រធានសហព័ន្ធខ្មែរកម្ពុជាក្រោម ប្រចាំរដ្ឋ Philadelphia បានថ្លែងអំពីសមាជិកភាពនៃសាខា សហព័ន្ធខ្មែរកម្ពុជាក្រោម ប្រចាំរដ្ឋ Pennsylvania ។
ជារៀងរាល់ឆ្នាំ ថ្នាក់ដឹកនាំ និងសមាជិក នៃសហព័ន្ធខ្មែរកម្ពុជាក្រោម នៅជុំវិញពិភពលោក តែងមក ប្រជុំនៅទីក្រុងភីឡាដែលផ្យា ស្របពេលដែលប្រតិភូតំណាងសហព័ន្ធខ្មែរកម្ពុជាក្រោម ចូលថ្លែង ការណ៍ នៅក្នុងវេទិកាអចិន្ត្រៃយ៍ នៃអង្គការសហប្រជាជាតិស្ដីពីបញ្ហាជនជាតិដើម (UNPFII) នៅបុរី New York សហរដ្ឋអាមេរិក ។
