ក្រុមយុវជនខ្មែរបណ្ដែតប្រទីបនៅទន្លេមុខ ៤ ដើម្បីចងចាំខ្មែរក្រោម
ដោយ ថាច់ ប្រីជា គឿន l សារព័ត៌មាន ព្រៃនគរ
សមាគមយុវជននានា និងសមាគមព្រះសង្ឃឯករាជ្យ រួមទាំងតំណាងសហគមន៍បឹងកក់ បុរីកីឡា បានប្រារព្ធពិធីបណ្ដែតប្រទីប នៅទន្លេមុខ៤ មុខព្រះបរមរាជវាំង រាជធានីភ្នំពេញ នៅល្ងាចថ្ងៃទី ៤ មិថុនា ដើម្បីផ្ញើសាទៅកាន់ពលរដ្ឋខ្មែរក្រោម អំពីទឹកចិត្តស្នេហាជាតិរបស់ពួកគេ ចំពោះទឹកដីកម្ពុជាក្រោម និងពលរដ្ឋខ្មែរក្រោមដែលកំពុងរស់នៅក្រោម នឹមអាណា និគមវៀតណាម ។
ក្រុមយុវជន និងព្រះសង្ឃនៅកម្ពុជាបណ្ដែតប្រទីប នៅមុខព្រះបរមរាជវាំង ថ្ងៃទី ០៤ ខែមិថុនា ឆ្នាំ ២០១៤ ។
នាង ធី សុវណ្ណថា អ្នកប្រើបណ្ដាញសង្គម Facebook ដ៏ល្បីម្នាក់នៅក្នុងប្រទេសកម្ពុជា បានថ្ឡែងនៅក្នុងវីដែងូឃ្លីបមួយ ហើយ បាន បហ្ហោះនៅលើទំព័រ Facebook របស់ខ្លួន ពេលដែលក្រុមរបស់នាងកំពុងបណ្ដែតប្រទីបថា នាងសូមផ្ញើសារនេះ ដល់ ពលរដ្ឋខ្មែរក្រោម ដែលកំពុងរស់នៅ ដែនដីកម្ពុជាក្រោម ឲ្យបានជ្រាបថា ខ្មែរនៅក្នុងប្រទេសកម្ពុជា នៅតែនឹក នៅតែស្រ ឡាញ់ពលរដ្ឋខ្មែរក្រោម ជាដរាប ។
នាង ធី សុវណ្ណថា បានថ្លែងថា៖
“សារទាំងអស់នេះ គឺសូមផ្ញើជូនដល់បងប្អូនខ្មែរកម្ពុជាក្រោមទាំងអស់ថា ឥឡូវនេះ យើងដែលជាយុវជន នៅ ខ្មែរកណ្ដាល [យុវជននៅកម្ពុជា] ជាក្រុមបានកំពុងតែរៀបចំ ជាការបណ្ដែតប្រទីបនេះដែរ ដែលមានដោត ទង់ជាតិខ្មែរក្រោម និងមានលេខ ៦៥ ដើម្បីបញ្ជាក់ថា ទិវាគម្រប់ខួប នៃការបាត់បង់ទឹកដីកម្ពុជាក្រោម រយៈពេល ៦៥ ឆ្នាំ ដែលបានចោរយួនឈ្លានពានដែលបារាំង បានកាត់ទៅឲ្យយួន” ។
ពិធីបណ្ដែតប្រទីបនេះ ធ្វើឡើងស្របពេលសមាគមខ្មែរក្រោម ប្រារព្ធពិធីរំលឹកខួប ៦៥ ឆ្នាំ នៃការបាត់បង់ទឹកដីកម្ពុជាក្រោម នៅវត្តសាមគ្គីរង្សី រាជធានីភ្នំពេញ នៅព្រឹកថ្ងៃទី ៤ ខែ មិថុនា ដែលមានព្រះសង្ឃ និងប្រជាពលរដ្ឋជាង ១ ពាន់នាក់និងអង្គ ចួលរួម ៕
