ចាប់ពីថ្ងៃទី ១០ ដល់ទី ១៤ ខែកក្កដា ឆ្នាំ ២០១៧ ខាងមុខនេះ សហព័ន្ធខ្មែរកម្ពុជាក្រោម នឹងចូល ប្រជុំនៅក្នុងកិច្ចប្រជុំលើកទី ១០ នៃយន្តការអ្នកជំនាញស្ដីពីសិទ្ធិជនជាតិដើម (EMRIP) នៅ ការិយាល័យអង្គការ សហប្រជាជាតិ (Palais des Nations) នាទីក្រុង (Geneva,) ស្សឺណែវ ប្រទេសស្វិស (Switzerland) ។
តំណាងសង្គមស៊ីវិលជាតិ និងអន្តរជាតិនៅជុំវិញពិភពលោកនឹងចូលរួមក្នុងកិច្ចប្រជុំនេះ រួមមាន៖
- អង្គការតំណាងជនជាតិដើម
- តំណាងអង្គការក្រៅរដ្ឋាភិបាលជាសមាជិកអ្នកផ្ដល់យោបល់ក្រុមប្រឹក្សាសេដ្ឋកិច្ច និងសង្គម កិច្ចនៃអង្គការសហប្រជាជាតិ (ECOSOC)
- តំណាងអង្គការក្រៅរដ្ឋាភិបាលមិនមែនជាសមាជិកអ្នកផ្ដល់យោបល់ក្រុមប្រឹក្សាសេដ្ឋកិច្ច និងសង្គម កិច្ច នៃអង្គការសហប្រជាជាតិ
- អ្នកវិជ្ជាការ និងជំនាញការស្ដីពីជនជាតិដើម
- ស្ថាប័នសិទ្ធិមនុស្សជាតិ
ឆ្នាំនេះ សហព័ន្ធខ្មែរកម្ពុជាក្រោម នឹងបញ្ជូនយុវជនរបស់ខ្លួន ២ រូប ពីសហរដ្ឋអាមេរិកទៅសហការ ជាមួយនឹងយុវជន និងព្រះសង្ឃខ្មែរក្រោមប្រចាំទ្វីបអ៊ឺរ៉ុប ចូលប្រជុំនៅក្នុងកិច្ចប្រជុំនេះ ដើម្បីលើក យកបញ្ហារបស់ខ្មែរក្រោមនៅដែនដីកម្ពុជាក្រោម ដែលត្រូវរដ្ឋាភិបាលអាណានិគមយួនរំលោភសិទ្ធិ និងធ្វើទុក្ខបុកម្នេញ ទៅលាតត្រដាងឲ្យអង្គការសហប្រជាជាតិបានជ្រាប ។ បញ្ហាសិទ្ធិមនុស្សទាំង នោះ រួមមាន ការរំលោភដីធ្លីពីសំណាក់ជនជាតិយួនលើវត្តមុនីរង្សីមេពាំង ការគំរាមយុវជននៅ កម្ពុជាក្រោមដែលពាក់អាវយឺតខ្មែរក្រោម ការរំលាយខ្លោងទ្វារចូលខេត្តព្រះត្រពាំង ដែលមានរចនា បទ្មខ្មែរ ការចាប់ព្រះសង្ឃផ្សឹក និងដាក់ពន្ធនាគារ ការរឹតត្បិតមិនឲ្យបង្កើតអង្គការ និងសមាគម គ្មានសេរីភាពនៃការបញ្ចេញមតិ និងសិក្សាប្រវត្តិសាស្ត្រកម្ពុជាក្រោម ជាដើម ។ នៅក្នុងកិច្ចប្រជុំ នេះសហ័ពន្ធខ្មែរកម្ពុជាក្រោមនឹងបន្តទាមទារឲ្យរដ្ឋាភិបាលអាណានិគមយួនទទួលស្គាល់ខ្មែរក្រោម ជាជនជាតិដើម នៃដែនដីកម្ពុជាក្រោម ។
បន្ទាប់ពីទទួលបានដំណឹងនេះ សមាជិក និងអ្នកគាំទ្រសហព័ន្ធខ្មែរកម្ពុជាក្រោម បានផ្ញើថវិកាមក ការិយាល័យ វិទ្យុសំឡេងកម្ពុជាក្រោម ដើម្បីឧបត្ដម្ភដល់យុវជនសហព័ន្ធខ្មែរកម្ពុជាក្រោមចូលប្រជុំ នៅក្នុងកិច្ចប្រជុំនេះ ជាបន្តបន្ទាប់ ។
ខាងក្រោមនេះ ជានាមសប្បុរសជនទាំងនោះ ៖
- ព្រះតេជព្រះគុណ សឺង យ៉ឹង រតនា សហរដ្ឋអាមេរិ ១០០$
- លោកព្រឹទ្ធាចារ្យ ចៅ រៀប សហរដ្ឋអាមេរិក ១០០$
- លោកគ្រូ កោះ ថុន សហរដ្ឋអាមេរិក ១០០$
- អ្នកស្រី សម សុខា អល្លឺម៉ង់ ៥០ អ៊ឺរ៉ូ
- អ្នកស្រី ថាច់ ធី គឹម ហ្វៀង សហរដ្ឋអាមេរិក ១០០$
- លោក គឹម រម្មណី កម្ពុជា ១០០$
Comments are closed.