អ្នកស្រី មួរ សុខ​ហួរ គាំទ្រ​ម្រោ​ង​បាតុកម្ម របស់​យុវជន​ខ្មែរ​នៅមុខ​ស្ថានទូត​វៀតណាម​

135

ដោយ ថាច់ ប្រីជា គឿន l សារព័ត៌មាន ព្រៃនគរ

​អ្នកស្រី មួរ សុខ​ហួរ មន្ត្រី​គណបក្ស​សង្គ្រោះ​ជាតិ​បាន​សម្ដែង​ការគាំទ្រ​ចំពោះ​គម្រោងការ​ធ្វើបាតុកម្មរ​បស់​ក្រុមយុវជន សិស្ស និស្សិត​ខ្មែរ នៅមុខ​ស្ថានទូត​វៀតណាម​ប្រចាំ​ទីក្រុង​ភ្នំពេញ ដែល​នឹងធ្វើ​នៅ​ថ្ងៃទី ០៨ ខែកក្កដា ខាងមុខ នេះ ។ សេចក្ដី​គាំទ្រ​នេះ ធ្វើឡើង​តាមរយៈ​បណ្ដាញ​សង្គម Facebook ផ្ទាល់ខ្លួន របស់​អ្នកស្រី នៅ​ថ្ងៃទី ៣ ខែកក្កដា កន្លងទៅនេះ ។​

លោក ស្រី មូរ សុខហួរ មក ទីលានប្រជាធិបតេយ្យ នាទីក្រុងភ្នំពេញ  នៅព្រឹក ថ្ងៃទី ០៨ ខែឧសភា ដើម្បីទាមទារសិទ្ធបញ្ចេញមតិ ។
លោក ស្រី មូរ សុខហួរ មក ទីលានប្រជាធិបតេយ្យ នាទីក្រុងភ្នំពេញ នៅព្រឹក ថ្ងៃទី ០៨ ខែឧសភា ដើម្បីទាមទារសិទ្ធបញ្ចេញមតិ ។

អ្នកស្រី មួរ សុខ​ហួរ បាន​បញ្ជាក់ថា ក្នុងនាម​រូបគាត់​ជា​ជនជាតិខ្មែរ​ម្នាក់ គាត់​សូម “ គាំទ្រ​នូវ​ការទាមទារ​ឲ្យ​វៀត ណា​ម​សុំ ទោស រឿង​ការបាត់បង់​ដី​កម្ពុជា​ក្រោម​” ដែល​ធ្វើឡើង​ដោយ​ក្រុមយុវជន និង​និស្សិត​ខ្មែរ​នៅមុខ​ស្ថានទូត វៀតណាម ។​

​សហព័ន្ធ​និស្សិត​បញ្ញវន្ត​កម្ពុជា ដែលមាន​មូលដ្ឋាន​នៅក្នុង​ប្រទេស​កម្ពុជា ប្រកាសថា នឹង​ប្រមូលផ្តុំ​យុវជន សិស្ស​និស្សិត និង ប្រជាពលរដ្ឋ​ធ្វើបាតុកម្ម​អហិង្សា​នៅមុខ​ស្ថានទូត​វៀតណាម ប្រចាំ​កម្ពុជា ដើម្បី​ទាមទារ​ឲ្យ​អ្នកនាំពាក្យ​ស្ថានទូត​នេះ ទទួល ស្គាល់​ប្រវត្តិសាស្ត្រ​នៃ​ការបាត់បង់​ទឹកដី​កម្ពុជា​ក្រោម ខណៈដែល​សមាគម​ខ្មែរក្រោម​ចំនួន ១២ នៅ​កម្ពុជា បាន​ព្រមាន ជាច្រើនលើក​ថា ខ្លួន​នឹងធ្វើ​បាតុកម្ម​នៅមុខ​ស្ថានទូត​វៀតណាម​ទាក់ទង​នឹង​រឿងនេះ​ដែរ តែ មិនទាន់​ឃើញ មាន​អង្គការ ណាមួយ​ចេញ មុខ​ធ្វើ​នៅឡើយ ។ គម្រោង​ធ្វើបាតុកម្ម​នេះ បន្ទាប់ពី​មន្ត្រី​ស្ថានទូត​វៀត ណា​ម​ប្រចាំ​កម្ពុជា​បាន ថ្លែងថា ដែនដី​កម្ពុជា​ក្រោម​ជា​ទឹកដី​របស់​ប្រទេស​វៀតណាម​ជា​យូរយារ​ណាស់​មកហើយ ។​

​គម្រោងការ​ប្រមូលផ្តុំ​ធ្វើបាតុកម្ម​នៅមុខ​ស្ថានទូត​វៀតណាម​នេះ នឹងធ្វើ​នៅ​ថ្ងៃ​អង្គារ ទី ៨ ខែកក្កដា ចាប់ពី​ម៉ោង ៨ ព្រឹក ដល់​ម៉ោង ១២ ថ្ងៃត្រង់ ដើម្បី​សម្ដែង​មតិ​ទាមទារ​ឲ្យ​អ្នកនាំពាក្យ​ស្ថានទូត​វៀតណាម​ប្រចាំ​កម្ពុជា​ឲ្យ​ទទួលស្គាល់​រឿងរ៉ាវ​ពិត នៃ​ប្រវត្តិសាស្ត្រ​បាត់បង់​ទឹកដី​កម្ពុជា​ក្រោម ។ នេះ​បើ​យោងតាម​សេចក្ដីអំពាវនាវ​មួយ​របស់​សហព័ន្ធ​និស្សិត​បញ្ញវន្ត​កម្ពុជា ចុះ​ថ្ងៃទី ២ ខែកក្កដា ឆ្នាំ ២០១៤ ។

លិខិតអំពាវនាវរបស់សហព័ន្ធនិស្សិតបញ្ញវន្តកម្ពុជា ។
លិខិតអំពាវនាវរបស់សហព័ន្ធនិស្សិតបញ្ញវន្តកម្ពុជា ។

សូមបញ្ជាក់ថា កាលពី​ថ្ងៃទី ០៦ ខែមិថុនា ឆ្នាំ ២០១៤ ពីរ​ថ្ងៃ​បន្ទាប់​ពលរដ្ឋ​ខ្មែរក្រោម​នៅ​ទីក្រុង​ភ្នំពេញ បាន​ប្រារព្ធ​ខួប ៦៥ ឆ្នាំ ថ្ងៃ​បារាំង​កាត់​ដែនដី​កូស័ងស៊ីន ឬ ដែនដី​កម្ពុជា​ក្រោម ឲ្យ​វៀតណាម​នោះ លោក ត្រឹង វ៉ាំ​ង ថុង អ្នកនាំពាក្យ​ស្ថានទូត​វៀត ណា​ម​ប្រចាំ​កម្ពុជា បាន​ថ្លែងប្រាប់​វិទ្យុ​អាស៊ីសេរី​ថា​៖

“​បារាំង​មិនបាន​កាត់​ទឹកដី​ខ្មែរ​កម្ពុជា​ក្រោម​ឲ្យ​វៀតណាម​ទេ តែ​កម្ពុជា​ក្រោម ជា​ទឹកដី​របស់​វៀតណាម​តាំងពី​យូរយារ​ណាស់ មកហើយ ព័ត៌មាន​បាត់បង់​ទឹកដី គ្មានអ្វី​ជា​មូលដ្ឋាន​ទេ គ្មានអ្វី​ជា​ភស្តុតាង​ទេ​” ។​

​ក្រោយមក មន្ត្រី​វៀតណាម​រូបនេះ​ដដែល​បាន​ថ្លែង​បន្តទៀតថា​៖

“​ទឹកដី​វៀតណាម​ភាគខាងត្បូង ដែលជា​តំបន់​មាន​បងប្អូន​ខ្មែរ​រស់នៅ គឺ មុន​ពេលដែល​បារាំង​ចូល​មកជា​ទឹកដី របស់​វៀតណាម​ទៅហើយ ។ ដូច្នេះ តំបន់​ទឹកដី​ណា​ម​បូ​វៀតណាម​ខាងត្បូង គឺជា​របស់​វៀតណាម តាំងពី យូរណាស់​មកហើយ​” ។​

​ដើម្បី​ប្រតិកម្ម​នឹង​សម្ដី​មន្ត្រី​ស្ថានទូត​វៀតណាម​នេះ នៅ​ថ្ងៃទី ១១ ខែមិថុនា ឆ្នាំ ២០១៤ តំណាង​អង្គការ​ក្រៅ​រដ្ឋា ភិ​បាល​ខ្មែរ ក្រោម មួយ​ដែលមាន​ឈ្មោះថា “​លេខាធិការដ្ឋាន អង្គការ​-​សមាគម​ខ្មែរ​កម្ពុជា​ក្រោម​” បានចេញ​លិខិត​មួយច្បាប់​ទ​ទួ​ច​ឲ្យ លោក ត្រឹង វ៉ាំ​ង ថុង អ្នកនាំពាក្យ​ស្ថានទូត​វៀតណាម ប្រចាំ​កម្ពុជា​សុំទោស​ពលរដ្ឋ​ខ្មែរ​ជា​សាធារណៈ និង​បាន​ព្រមាន​ថា បើ​ពុំ​ដូច្នោះ​ទេ ពួកគេ​នឹងធ្វើ​បាតុកម្ម​នៅមុខ​ស្ថានទូត​វៀតណាម ។ ប៉ុន្តែ​ក្រោយមក សមាគម​ខ្មែរក្រោម បាន​លុបចោល​នូវ គម្រោង បាតុកម្ម​ដូចគ្នានេះ​ចោល កាលពី ខែមិថុនា កន្លងទៅនេះ ដោយ​អះអាងថា សាលា​រាជធានី​ភ្នំពេញ និង​ក្រសួង មហាផ្ទៃ​មិន​អនុញ្ញាត ។​

​គិត​មកដល់​ឆ្នាំ ២០១៤ នេះ គឺមាន​រយៈពេល ៦៥ ឆ្នាំ​ហើយ ដែល​ប្រជាពលរដ្ឋ​ខ្មែរក្រោម​បានរស់នៅ​ក្រោម​អាណានិគម របស់ រដ្ឋាភិបាល​វៀតណាម ក្រោយពី​បារាំង​បាន​កាត់​ដែនដី​កម្ពុជា​ក្រោម​ឲ្យ​ក្លាយទៅជា​រដ្ឋ​ចំណុះ​វៀតណាម នៅ​ថ្ងៃទី ០៤ ខែមិថុនា ឆ្នាំ ១៩៤៩ ៕​

 

Comments are closed.