ព្រះសង្ឃ គណៈកម្មការ អាចារ្យ និងពុទ្ធបរិស័ទចំណុះជើងវត្តសាមគ្គីរង្សី កាលពីថ្ងៃអាទិត្យ ១៤ មិថុនា ២០១៥ ម្សិលមិញនេះ បានរៀបចំពិធីចងដៃព្រះចៅអធិការ ព្រះពហុស្សូតឆ្វេង-ស្តាំ និងតែងតាំងគណៈកម្មការថ្មី ដើម្បីមើលខុសត្រូវក្នុងវត្តសាមគ្គីរង្សី ។
ក្នុងពិធីប្រកាសតែងតាំងនោះ មានការចូលរួមពីអង្គការ-សមាគមខ្មែរកម្ពុជាក្រោម តំណាងរាស្ត្រមកពីគណបក្សប្រឆាំង តំណាងអាជ្ញាធរមូលដ្ឋាន និងក្រុមយុវជន ប្រមាណជាង ១០០ នាក់ ។
ព្រះតេជព្រះគុណ ថាច់ ហាសំអាង ជាព្រះចៅអធិការស្តីទី ជំនួសឲ្យព្រះតេជព្រះគុណ សៀង សុវណ្ណារ៉ា ដែលមានភារកិច្ចនៅក្រៅប្រទេសនោះ ។ នៅពេលនេះ ត្រូវបានព្រះសង្ឃ គណៈកម្មការ អាចារ្យ និងពុទ្ធបរិស័ទចំណុះជើងវត្តសាមគ្គីរង្សី តែងតាំងជាព្រះចៅអធិការពេញសិទ្ធិ និងស្របច្បាប់ ដោយមានការទទួលស្គាល់ពីអាជ្ញាធរដែនដី ។
ជាមួយគ្នា ស្ថាប័នខ្មែរក្រោមធំៗ ចំនួន ៣ មានដូចជា សហព័ន្ធខ្មែរកម្ពុជាក្រោម សហគមន៍ព្រះសង្ឃខ្មែរកម្ពុជាក្រោមពិភពលោក និងនាយកដ្ឋានអន្តរសាសនា បានចេញលិខិតទទួលស្គាល់ថ្នាក់ដឹកនាំព្រះសង្ឃទាំង ៣ ព្រះអង្គដែលត្រូវបានតែងតាំងថ្មីនេះផងដែរ ។
Comments are closed.