អង្គការ​ការពារ​សិទ្ធិ​ជនជាតិភាគតិច ជម្រុញ​រដ្ឋាភិបាល​កម្ពុ​ជា ​ពង្រឹង​ការពារ​សិទ្ធិ​ពលរដ្ឋ​ខ្មែរក្រោម​

0 100

​អង្គការ​ការពារ​សិទ្ធិ​ជនជាតិភាគតិច នៅ​ថ្ងៃ​សៅរ៍ ទី ០៧ ខែធ្នូ ឆ្នាំ ២០១៣ នេះ បាន​អំពាវនាវ​ឲ្យ​រដ្ឋាភិបាល​កម្ពុជា អនុវត្ត​ការសន្យា​របស់ខ្លួន​ឲ្យ​មាន​ប្រសិទ្ធិភាព ក្នុង​កិច្ចការពារ​សិទ្ធិសេរីភាព​ប្រជាពលរដ្ឋ​ខ្មែរ ក្រោម ឲ្យ​ដូច​ពលរដ្ឋ​ខ្មែរ​ទូទៅ ។​

ប៉ូលិសខ្មែរ បង្ក្រាបព្រះសង្ឃខ្មែរក្រោមនៅមុខស្ថានទូតវៀតណាម នាទីក្រុងភ្នំពេញ កាលពីថ្ងៃទី ១៧​ ខែធ្នូ ឆ្នាំ ២០០៧ ខណៈដែលព្រះសង្ឃខ្មែរក្រោមប្រមាណជាង ៥០ អង្គយកញាតិទៅជូនស្ថានទូត យួនដើម្បីជម្រុញឲ្យមានការគោរពសិទ្ធិខ្មែរ ក្រោមនៅកម្ពុជាក្រោម ក្នុងនោះ មានសុំឲ្យដោះលែងអតីត ព្រះចៅអធិការវត្តភ្នំ ដិនខាងជើង ទឹម សាខន នៃខេត្តតាកែវ និង ព្រះសង្ឃទាំង ៥ អង្គ នៅខេត្តឃ្លាំង ។
ប៉ូលិសខ្មែរ បង្ក្រាបព្រះសង្ឃខ្មែរក្រោមនៅមុខស្ថានទូតវៀតណាម នាទីក្រុងភ្នំពេញ កាលពីថ្ងៃទី ១៧​ ខែធ្នូ ឆ្នាំ ២០០៧ ខណៈដែលព្រះសង្ឃខ្មែរក្រោមប្រមាណជាង ៥០ អង្គយកញាតិទៅជូនស្ថានទូត យួនដើម្បីជម្រុញឲ្យមានការគោរពសិទ្ធិខ្មែរ ក្រោមនៅកម្ពុជាក្រោម ក្នុងនោះ មានសុំឲ្យដោះលែងអតីត ព្រះចៅអធិការវត្តភ្នំ ដិនខាងជើង ទឹម សាខន នៃខេត្តតាកែវ និង ព្រះសង្ឃទាំង ៥ អង្គ នៅខេត្តឃ្លាំង ។

​សេចក្តីប្រកាស​ព័ត៌មាន​របស់​អង្គការ​ការពារ​សិទ្ធិ​ជនជាតិភាគតិច ចុះ​ថ្ងៃទី ០៧ ខែធ្នូ​នេះ ថ្កោ​ស​ទោស រដ្ឋាភិបាល​កម្ពុជា មិន​បំពេញ​ការសន្យា​របស់ខ្លួន មិនបាន​បំពេញ​កាតព្វកិច្ច​ពេញលេញ ក្នុង​ការគោរព​សិទ្ធិ មនុស្ស ជាពិសេស ពលរដ្ឋ​ខ្មែរក្រោម និង​ជនជាតិដើម​ភាគតិច​ផ្សេងៗ​ទៀត ។ សេចក្តីប្រកាស​ព័ត៌មាន​នេះ ឲ្យ​ដឹងថា ពលរដ្ឋ​ខ្មែរក្រោម និង​ព្រះសង្ឃ​ខ្មែរក្រោម​ជា​ញឹកញយ ត្រូវបាន​រដ្ឋាភិបាល​វៀ​ត​ណា​ម ឃាត់ខ្លួន​ចាប់ខ្លួន និង​ឃុំខ្លួន​អស់​ជាច្រើន​ឆ្នាំ ដោយ​មិនមាន​ស៊ើបអង្កេត ឬ ត្រូវបាន​អើពើ​ពី​សំណាក់​អាជ្ញាធរ​កម្ពុជា​ឡើយ ដែល​នេះ​បង្ហាញ​ពី​ការមិន​យកចិត្តទុកដាក់​ធានា ការពារ​សិទ្ធិមនុស្ស​នៅ​កម្ពុជា ។​

សេចក្តីប្រកាស​ព័ត៌មាន​បន្ត​ឲ្យ​ដឹងថា ប្រជាពលរដ្ឋ​ខ្មែរក្រោម និង​ជនជាតិដើម​ភាគតិច​វៀតណាម បច្ចុប្បន្ន រស់នៅក្នុង​ភាពភ័យខ្លាច ចំពោះ​ទង្វើ​របស់​អាជ្ញាធរ​វៀត​ណា​ម ដែល​តែង​ចាប់ខ្លួន​ពួកគេ និង​ផ្តន្ទាទោស​ដាក់​ពន្ធ​ធនាគារ ដោយ​មិនមាន​មូលហេតុ​សមរម្យ ។​

តុលាវៀតណាមជំនុំជម្រះក្ដី ករីណី ព្រះតេជព្រះគុណ ទឹម សាខន អតីតព្រះចៅ អធិការ វត្តភ្នំដិន ខាងជើង ស្រុកគិរីវង់ ខេត្តតាកែវ កាលពីថ្ងៃទី ០៨ ខែវិច្ឆិកា ឆ្នាំ ២០០៧ បន្ទាប់ពីសម្ដេចសង្ឃ ទេព វង្ស ចាប់ផ្សឹក និងបញ្ជូនទៅដាក់គុកយួន ចោទពី បទ «បំបែកបំបាក់មិត្តភាពវៀតណាមកម្ពុជា»។
តុលាវៀតណាមជំនុំជម្រះក្ដី ករីណី ព្រះតេជព្រះគុណ ទឹម សាខន អតីតព្រះចៅ អធិការ វត្តភ្នំដិន ខាងជើង ស្រុកគិរីវង់ ខេត្តតាកែវ កាលពីថ្ងៃទី ០៨ ខែវិច្ឆិកា ឆ្នាំ ២០០៧ បន្ទាប់ពីសម្ដេចសង្ឃ ទេព វង្ស ចាប់ផ្សឹក និងបញ្ជូនទៅដាក់គុកយួន ចោទពី បទ «បំបែកបំបាក់មិត្តភាពវៀតណាមកម្ពុជា»។

អង្គការ​ការពារ​សិទ្ធិ​ជនជាតិភាគតិច ជំរុញ​ឲ្យ​រដ្ឋាភិបាល អនុវត្តតាម​ការសន្យា​របស់ខ្លួន ធានា​ការពារ​សិទ្ធិមនុស្ស​ឲ្យ​បាន​ពេញលេញ ក្នុងនាម​ជា​ប្រទេស​សមាជិក នៃ​សេចក្តីប្រកាស​ជា​សកល​ស្តីពី​សិទ្ធិមនុស្ស​អនុសញ្ញា សន្ធិសញ្ញា​អន្តរជាតិ និង​រដ្ឋ​ធម្ម​កម្ពុជា​ជាដើម ។​

គួរ​រំឭក​ដែរ​ថា កាលពី​ថ្ងៃទី ៣០ ខែមិថុនា ឆ្នាំ ២០០៧ ព្រះ​តេជគុណ ទឹម សា​ខន អតីត ព្រះចៅអធិការ វត្តភ្នំ​ដិ​ន​ខាងជើង ស្រុក​គិរីវង់ ខេត្តតាកែវ ត្រូវបាន​ស្តេច​សង្ឃ ទេព វង្ស ចាប់​ផ្សឹក ហើយ​បញ្ជូនទៅ​ដាក់ពន្ធនាគារ​នៅក្នុង​គុក​យួន នៅ​ដែនដី​កម្ពុជា​ក្រោម ដោយ​ចោទ​ពីបទ “​បំបែកបំបាក់​មិត្តភាព​វៀតណាម កម្ពុជា​” ។​

កាលពី​ថ្ងៃទី ១៧ ខែធ្នូ ឆ្នាំ ២០០៧ ប៉ូ​លិ​ស្ត​របស់​រដ្ឋាភិបាល ហ៊ុន សែន បាន​បង្ក្រាប​ព្រះ សង្ឃ​ខ្មែរ ក្រោម​នៅមុខ​ស្ថានទូត​យួន​នាទី​ក្រុងភ្នំពេញ ខណៈដែល​ព្រះសង្ឃ​ខ្មែរក្រោម ប្រមាណ​ជាង ៥០ អង្គ​យក ញាតិ​ទៅជូន​ស្ថានទូត​យួន​ដើម្បី​ទាមទារ​ឲ្យ​រដ្ឋាភិបាល​វៀតណាម​គោរព​សិទ្ធិ​ខ្នែ​រ​ក្រោម នៅ​កម្ពុជា​ក្រោម ក្នុងនោះ មាន​សុំ​ឲ្យ​ដោះលែង​អតីត ព្រះចៅអធិការ​វត្ត ភ្នំ​ដិ​ន ខាងជើង ទឹម សា​ខន នៃ​ខេត្តតាកែវ និង ព្រះសង្ឃ​ទាំង ៥ នៅ​ខេត្ត​ឃ្លាំង ។​

មាត្រា ២, ១៨, ១៩ នៃ​សេចក្តីប្រកាស​ជា​សកល​ស្តីពី​សិទ្ធិមនុស្ស អនុម័ត​នៅ​ឆ្នាំ​១៩៤៨ ដោយ​អង្គការ សហ ប្រជាជាតិ ចែងថា មនុស្ស​គ្រប់រូប​មាន​សិទ្ធិ និង​សិទ្ធិសេរីភាព​គ្រប់យ៉ាង​ទាំងអស់ ដោយ​គ្មាន​ការបែងចែក​ជាតិ​សាសន៍ ពណ៌​សម្បុរ ភេទ ភាសា សាសនា មតិ​នយោបាយ ឬ​មតិ​ផ្សេងៗ​ទៀត ដោយ​គ្មាន​ការជ្រៀតជ្រែក ប្រភព​ជាតិ ឬ សង្គម​ជាដើម ៕

Leave A Reply

Your email address will not be published.