សម្ព័ន្ធសមណនិស្សិតខ្មែរក្រោមនៅប្រទេសថៃ បានជួបជុំគ្នានៅក្នុងវត្តមួយ នាខេត្តអយុធ្យា ដើម្បីប្រារព្ធពិធី “បុណ្យអកអំបុក” ដែលជាពិធីបុណ្យប្រពៃណីជាតិខ្មែរមួយ នៅដែនដីកម្ពុជាក្រោម កាលពីរាត្រីថ្ងៃពុធ ១៥ ខែកត្តិក ឆ្នាំ មមែ សប្ដស័ក ពុទ្ធ សករាជ ២៥៥៩ ត្រូវនឹងថ្ងៃទី ២៥ ខែវិច្ឆិកា ឆ្នាំ ២០១៥ ។ ពិធីនេះ មានការចូលរួមពីសមណនិស្សិតខ្មែរក្រោមដែល កំពុងតែ សិក្សានៅសាកលវិទ្យាល័យមហាចុឡាឡុងករណ៍រាជវិទ្យាល័យ និងជនភៀសខ្លួន ខ្មែរក្រោម ដែលកំពុងតែសិទ្ធិជ្រក កោនជា មួយនឹងអគ្គស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) នៅក្នុងប្រទេសថៃ ។
ពិធី “បុណ្យអកអំបុក” ដែលបានប្រារព្ធដោយក្រុមសមណនិស្សិតខ្មែរក្រោមនៅថៃនេះ មិនខុសពីការប្រារព្ធដោយពលរដ្ឋខ្មែរ ក្រោមនៅ ដែនដីកម្ពុជាក្រោមឡើយ ។ នៅព្រឹកថ្ងៃពុធ ១៥ កើត ខែកត្តិក ព្រះសង្ឃ និង ជនភៀសខ្លួន ខ្មែរក្រោមបានជួប ជុំគ្នានៅក្នុងវត្តខូកគ្រួត ស្រុកផាជី ខេត្តអយុធ្យា ដើម្បីប្រារព្ធពិធីតាមបែបពុទ្ធសាសននិយមកិច្ចមួយចំនួន សមាទាននិច្ចសីល, នមស្ការព្រះរតនត្រ័យ និងប្រគេនចង្ហាន់ដល់ព្រះសង្ឃជាដើម ។ លុះដល់ ពេលយប់ មានប្រារព្ធនូវ “ពិធីសែនលោកខែ” ឬ “ពិធីបូជាព្រះខែ” , “ពិធីអកអំបុក” និងបង្ហោះគោមទៅតាមប្រពៃណីជាតិ ។
លោក សឺន ថាយ ធន នៃវិទ្យុសំឡេងកម្ពុជាក្រោម (VOKK) បានទៅយកព័ត៌មាននៅកន្លែងប្រារព្ធពិធីបុណ្យមួយនេះ ហើយ បាន សម្ភាស ព្រះតេជព្រះគុណ ថាច់ សុវណ្ណតារា អំពីបុណ្យអកអំបុក នៅកម្ពុជាក្រោម ដូចតទៅ៖
Comments are closed.