លោក សម រង្ស៊ី ប្រធានគណបក្សសង្គ្រោះជាតិ នឹងវិលចូលប្រទេសកម្ពុជាមុនពេលបោះឆ្នោត នៅ ក្នុងខែកក្កដា នេះ ។ នេះបើយើងតាមសេចក្ដីជូនដំណឹងមួយ ដែល លោក សម រង្ស៊ី បានថ្លែងតាមរយៈ វីដេអូផ្សព្វផ្សាយតាមប្រព័ន្ធអិនធើណិត កាលពីថ្ងៃទី ០៥ ខែកក្កដា នេះ ។
លោក សម រង្សី បានបញ្ជាក់ពីគោលជំហររបស់ខ្លួននៅក្នុងវីដេអូនោះថា “អ្វីៗទាំងអស់ ដែលលោក បានធ្វើមកទល់នឹងពេលនេះ គឺដើម្បីការពារទឹកដី និងការពារផលប្រយោជន៍ប្រទេសកម្ពុជា, ព្រមទាំង បំរើប្រជារាស្ត្រខ្មែរ អស់ពីកំលាំងកាយកម្លាំងចិត្ត” និង លោកសុខចិត្តបូជាជីវិត “ដើម្បីជាតិមាតុភូមិ គឺ ហ៊ានស្លាប់ខ្លួនឯង ដើម្បីសង្គ្រោះជាតិឱ្យរួចផុតពីមហន្តរាយ” ។
លោក សម រង្សី ក៏បានសូមអំពាវនាវឲ្យពលរដ្ឋខ្មែរទាំងអស់ជួយគាំទ្រលោកតាមអ្វីមួយដែលលោក ហៅថា ការចូលរួម “ក្នុងបេសកកម្មសង្គ្រោះជាតិ” ៕
