សកម្មជន​ស្រះ​គូ​ត្រឡប់​ទៅ​ស្រុក​វិញ បន្ទាប់ពី​ខ្វះ​លទ្ធភាព​ព្យាបាល​ជំងឺ​ជើង​នៅ​ថៃ​

184

ដោយ ថាច់ ប្រីជា គឿន l សារព័ត៌មាន ព្រៃនគរ

(​បាងកក​- ប្រទេស​ថៃ​) – នៅ​ថ្ងៃទី ៧ ខែមេសា ឆ្នាំ ២០១៦ នេះ សកម្មជន​តវ៉ា​ករណី​ស្រះ​គូ​ត្រូវ​គោក នាង សឺ​ន ស្រី ណែ​ត បាន​ត្រឡប់​ពី​ទីក្រុង​បាងកក ប្រទេស​ថៃ ទៅ​ស្រុកកំណើត ដែនដី​កម្ពុជា​ក្រោម វិញ ហើយ ។ ការវិលត្រឡប់​នេះ បន្ទាប់ពី​នាង​បានធ្វើ​ដំណើរ​មក​ពិនិត្យ​ជំងឺ​ជើង​របស់ខ្លួន​អស់​រយៈពេល ១០ ថ្ងៃ ហើយ​មិន មានលទ្ធភាព​សម្រាប់​ព្យាបាល ដោយសារ​តម្លៃ​ហួស​ពី​លទ្ធភាព ។​

នាង សឺន ស្រីណែត កំពុងជិះ Taxi នៅបាងកក ប្រទេសចេញដំណើរទៅព្រលានយន្តហោះ ដើម្បីត្រឡប់ទៅកម្ពុជាក្រោម ថ្ងៃទី ៧ ខែមេសា ឆ្នាំ ២០១៦ ។ រូបថត Facebook
នាង សឺន ស្រីណែត កំពុងជិះ Taxi នៅបាងកក ប្រទេសចេញដំណើរទៅព្រលានយន្តហោះ ដើម្បីត្រឡប់ទៅកម្ពុជាក្រោម ថ្ងៃទី ៧ ខែមេសា ឆ្នាំ ២០១៦ ។ រូបថត Facebook

​យោងតាម​សេចក្ដីជូនដំណឹង​មួយ​របស់ នាង សឺ​ន ស្រី​ណែ​ត ដែល​បាន​សរសេរ​នៅលើ​គណនី Facebook របស់ខ្លួន​នៅ ថ្ងៃទី ៧ ខែមេសា នេះ​ថា នាង​សូម​ថ្លែងអំណរគុណ​ដល់​សប្បុរ​សជន ទាំងអស់​ដែល​បាន​ឧបត្ថម្ភ នាង​ក្នុងការ​មក​ពិនិត្យ ជំងឺ​នេះ​តាំងពីដើម​រៀងមក និង​បានបញ្ជាក់​អំពី​មូលហេតុ​ដែល​ធ្វើ​ឲ្យ​នាង​មិនអាច ព្យាបាល​ជំងឺ​ជើង​របស់ខ្លួន​នៅ​ប្រទេស ថៃ យ៉ាងនេះ​ថា​៖

“​នាង​ខ្ញុំ សឺ​ន ស្រី ណេ​ត សូម​លំឱនកាយ​ថ្វាយបង្គំ​ព្រះសង្ឃ និង​សប្បុរសជន​ទាំង​ក្នុង និង​ក្រៅប្រទេស​ដែល បាន​ជួយឧបត្ថម្ភ​ប្រាក់​ដល់​នាង​ខ្ញុំ ដើម្បី​ជួយសង្គ្រោះ​នាង​ខ្ញុំ ឲ្យ​បានមក​ព្យាបាល ជំងឺ​ជើង​ដ៏​ទម្ងន់ នៅ​ប្រទេស ថៃ​នោះ សូមទាន​ជ្រាប​, សូម​ជ្រាបថា​ឥឡូវនេះ នៅ​ថ្ងៃ​ព្រហស្បតិ៍ ទី ៧ ខែមេសា ឆ្នាំ ២០១៦ នាង​ខ្ញុំ សឺ​ន ស្រី ណេ​ត និង បងស្រី ថាច់ សុខន ត្រូវ​ត្រឡប់​ពី​ប្រទេស ថៃ​ទៅ​មាតុភូមិ កម្ពុជា​ក្រោម តាម​ពេល​កំណត់​វិញ ហើយ ។ ចំពោះ​ការព្យាបាល​វិញ​នៅ​មិនទាន់បាន​ព្យាបាល​ឡើយ ព្រោះ​កត្តា ៣ យ៉ាង គឺ ទី ១ មន្ទីរពេទ្យ បាងកក (Bang Kok) ជា​មន្ទីរពេទ្យ​ឯកជន ទំនើប​, ក្រោយពី​ពិនិត្យ​ជំងឺ​រួច ហើយ គេ​ធានាថា ព្យាបាល​ឲ្យ​ជា ក៏ ប៉ុន្តែ​តម្រូវ​ឲ្យ​សាមីខ្លួន​នាង​ខ្ញុំ បម្រុង​ទឹកប្រាក់​ព្យាបាល​ត្រឹម ៣០.០០០ ដុល្លារ (​បី​ម៉ឺន​ដុល្លារ​) ជា​ចំនួន​ច្រើន ហួស​លទ្ធភាព​ក៏​ខាន ព្យាបាល ។ ទី ២ ដោយសារ​ពេទ្យ​ខាង លើ​ថ្លៃ​ពេក​ក៏​ទៅ រក​ពេទ្យ សិន​ឡើយ (Sin louy) ជា​មន្ទីរពេទ្យ​ឯកជន​មួយទៀត​ដែរ តែ​ក្រោយពី​ពិនិត្យ​ជំងឺ គេ​ថា​ធ្ងន់​ពេក គេ​មិនអាច​ព្យាបាល​បាន ។ ទី ៣ ទៅ​មន្ទីរពេទ្យ​ចុ​ឡា (Chola) ជា​មន្ទីរពេទ្យ​ពហុ​វិជ្ជា របស់​រដ្ឋាភិបាល ទៅពិនិត្យ​លើក​ទី ១ ក្រោយពី លោក​វេជ្ជបណ្ឌិត​ប្រចាំការ នៅ​ទីនោះ​ពិនិត្យមើល​រួច ក៏​ណាត់​ថ្ងៃ ទី ៤ ខែមេសា គឺ ៥ ថ្ងៃក្រោយ ឲ្យ​មកជួប លោកគ្រូ​ពេទ្យ​ធំ​របស់គេ ក៏​ទ្រាំ​ចាំ​តទៅទៀត លុះដល់​ថ្ងៃនោះ ទៅតាម​ការ​ណាត់ ក្រោយពី​លោកគ្រូ​ពេទ្យ​ធំ ពិនិត្យ​រួច​ក៏​ណា​ត់ទៅ​ថ្ងៃទី ២៦ ខែមេសា ក្រោយ​បុណ្យ​ចូល ឆ្នាំ​វិញ ព្រោះ​បុណ្យចូលឆ្នាំ វេជ្ជបណ្ឌិត​ត្រូវបាន ឈប់សម្រាក ។ ឥឡូវ​មានតែ​សម្រេច​ចិ​ត្ ត​វិល​ទៅ​ស្រុក បុណ្យចូលឆ្នាំថ្មី​ប្រពៃណី​ខ្មែរ​ទាំង​ឈឺ​ដដែល​ទម្រាំ​ដល់ ថ្ងៃទី ២៦ ខែមេសា សឹម​វិល​មក​បាង កក ម្តងទៀត ។ នៅ​ទីបំផុត​នេះ​នាង ខ្ញុំ​សូម​ក្រាបថ្វាយបង្គំ​ថ្លែង​អំណរ ព្រះ​គុណ​និង​អរគុណ​ជា អតិបរមា​ចំ ពោះ​ព្រះ​ស​ង្ ឃ​និង​សប្បុរសជន​ដែល​បាន​ឧបត្ថម្ភ​ជា​ថវិកា​សម្រាប់​ព្យាបាល ដល់​នាង​ខ្ញុំ និង​ជាពិសេស បងស្រី បង ប្រុស​ទាំងអស់​ដែល​បាន​ជួយ​ជ្រោ​ម​ជ្រែ​r​ង នាង​ខ្ញុំ​អស់ពី​ចិត្ត​ពី​ថ្លើម ។​

ក្នុងឱកាស​បុណ្យចូលឆ្នាំ​ថ្មី​ប្រពៃណីជាតិ នាង​ខ្ញុំព្រះករុណា សូម​ប្រគេន និង​ជូន​នូវ​ពុទ្ធពរ​ទាំង ៤ ប្រការ គឺ អាយុ វណ្ណៈ សុ​ខៈ ពលៈ និង​មង្គល​ជោគ​លាភ​ដ៏​ប្រសើរ​គ្រប់ប្រការ ចូរ​កើតមាន ចំពោះ​ព្រះ សង្ឃ និង សប្បុរស ជន​ទាំង​ក្នុង​និង​ក្រៅប្រទេស​គ្រប់ៗ ពេល​កុំបី​ឃ្លៀងឃ្លាត​ឡើយ ។ សូម​ទទួល​ការគោរព ពី​នាង​ខ្ញុំ ព្រះ ករុណា​” ។​

​សូមបញ្ជាក់ថា នាង សឺ​ន ស្រី​ណែ​ត អាយុ ១៩ ឆ្នាំ ជា​អ្នក​ដែល​ត្រូវបាន​គេ​ស្គាល់​ទូទៅ​តាមរយៈ​សកម្មភាព របស់​នាង​នៅលើបណ្ដាញ​សង្គម Facebook នាពេល​កន្លងមក ។ នៅលើ​គណនី Facebook របស់​នាង គេសង្កេត​នាង​តែងតែ ចែករំលែក និង​បង្ហោះ​នូវ​ដំណឹង​ផ្សេងៗ​ទាក់ទង​នឹង​រឿង​សង្គម និង​ការរំលោភ​សិទ្ធិមនុស្ស នៅ​ដែនដី​កម្ពុជា​ក្រោម ជាដើម ។ ក្រៅពីនេះ នាង​ហ៊ាន​គូរ​ទង់ជាតិ កម្ពុជា​ក្រោម ដែលមាន​បី​ពណ៌​គឺ ខៀវ លឿង និង​ក្រហម នៅលើ​ផ្ទាល់​របស់ ខ្លួន​បង្ហោះ​នៅ Facebook ទៀតផង ។ នាង​ធ្លាប់បាន​យក​ញត្តិ​ទៅជូន ដល់​មន្ទីរ​វប្បធម៌ កីឡា និង​ទេសចរណ៍ ខេត្ត​ព្រះ ត្រពាំង នៃ​រដ្ឋាភិបាល វៀតណាម ដើម្បី​ទាមទារ​ឲ្យ​ស្ដារ​ស្រះ​គូ ឡើងវិញ និង​ជំទាស់​មិន​ឲ្យ​អាជ្ញា ធរ​ធ្វើ​ច្រាំង ថ្ម​ជុំវិញ ស្រះ​គូ បន្ទាប់ពី​នាង​បាន​ចូលរួម​ចុះ​ស៊ី​ញ៉េ​លើ​ញត្តិ​នេះ​ជា មួយ​ព្រះសង្ឃ​ប្រមាណ ១០០ អង្គ និង​រូប​នៅ ស្រះ​គូ កាលពី​ថ្ងៃ ទី ១៤ ខែមីនា កន្លងទៅនេះ ។​

Srey Neth with Khmer Krom Tsirth and KK flag

បន្ទាប់ពី​បានចេញ​ពី​ការពិនិត្យ​ជំងឺ​ជើង​នៅ​មន្ទីរពេទ្យ​មួយ នាទី​ក្រុង​បាងកក ប្រទេស​ថៃ កាលពី ថ្ងៃទី ៣០ ខែ មីនា កន្លងទៅនេះ នាង សឺ​ន ស្រី​ណែ​ត បានផ្ដល់​បទ​សម្ភាស​ដ​ល់​ទូរទស្សន៍ ព្រៃនគរ Online (PTV) អំពី មូលហេតុ​ដែល នាំ​ឲ្យ នាង​សម្រេចចិត្ត​មក​ពិនិត្យ​ជំងឺ​ដល់​ប្រទេស​ថៃ​នោះ​ថា ដោយសារ​នាង​មិនមាន​ទំនុកចិត្ត លើ​ការព្យាបាល​នៅ មន្ទីរពេទ្យ​យួន ព្រោះ​គ្រូពេទ្យ​យួន​ធ្លាប់បាន​បញ្ជាក់ថា គេ​មិន​ធានាថា គេ​នឹង​ព្យាបាល​ជំងឺ របស់​នាង​បានជា សះស្បើយ វិញ​ឡើយ ។​

​នាង សឺ​ន ស្រី ណែ​ត បាន​ថ្លែង​យ៉ាងនេះ​ថា​៖

“​គេ​ថា នាង​ខ្ញុំ​អាច​ព្យាបាល​នៅ​មន្ទីរពេទ្យ​នោះ តែ​គេ​មិនអាច ធានាថា នាង​ខ្ញុំ​នឹង​អាចជា​សះ ស្បើយ​មក ធម្មតា បាន​” ។​

​ទាក់ទិន​នឹង​ការតវ៉ា​របស់​នាង​អំពី​ករណី​ស្រះ​គូ​ត្រូវ​គោក​វិញ នាង សឺ​ន ស្រី​ណែ​ត បាន​បញ្ជាក់ថា អាជ្ញាធរ​វៀត ណា​ម បាន មក​សួរចម្លើយ​ម្ដាយ​ឪពុក​របស់​នាង​ជាច្រើន​ដង ដែល​នាង​ចាត់ទុកថា ជាការ​បំភ័យ​ដល់ នាង និង គ្រួសារ របស់ នាង មិន​ឲ្យ​នាង​ធ្វើ​សកម្មភាព​តវ៉ា​ដល់​បញ្ហា​ស្រះ​គូ​ដែល​ត្រូវ​គោក​តទៅទៀត ។​

​នាង សឺ​ន ស្រី ណែ​ត បាន​ថ្លែង​យ៉ាងនេះ​ថា​៖

“​ក្រោយ​ថ្ងៃទី ១៤ [​ខែមីនា​] នាង​ខ្ញុំ​បាន​ទៅ​ដាក់​ញត្តិ​នៅ​មន្ទីរ វប្បធម៌ កីឡា និង​ទេសចរណ៍ ។ ក្រោយពេល ហ្នឹង នាង​ខ្ញុំ​បានឮ​ដំណឹង​ឯ​ផ្ទះ​ខ​ល់ [Call] ឡើងមក​នាង​ខ្ញុំ​ថា មាន​អាជ្ញាធរ​វៀតណាម ទៅ​សួរ​នាង​ខ្ញុំ ហើយ​ទៅ​បំភ័យ​គ្រួសារ​នាង​ខ្ញុំ ឲ្យ​យាយ​តាម​ម៉ែឪ​នាង​ខ្ញុំ​ភ័យ​” ។​

​សូម​បញ្ជាក់ដែរថា នេះ​ជា​ករណី​កម្រ​មួយ​ដែល​យុវជន និង​ព្រះសង្ឃ​ខ្មែរក្រោម​នៅ​ខេត្ត​ព្រះ​ត្រពាំង ហ៊ាន​ចេញ មុខ​ចំៗ រួមគ្នា​ចុះ​ស៊ី​ញ៉េ​លើ​ញត្តិ​រួមមួយ ដើម្បី​សម្ដែង​អំពី​កង្វល់​របស់ខ្លួន​ទាក់ ទង​នឹង​បញ្ហា​ស្រះ គូ ដែល​ត្រូវ​គោក នាពេល​ថ្មីៗ នេះ ខណៈដែល​គណៈ​មន្ត្រី​សង្ឃ និង​ពលរដ្ឋ​ខ្មែរក្រោម​ទូទៅ​មិន​ហ៊ាន​ចេញមុខ​ទាមទារ​ទេ ដោយ សារ​ពួកគេ​យល់ថា នេះ​ជា​បញ្ហា រសើប និង​ធ្វើ​ឲ្យ​ប៉ះពាល់​ដល់​ផលប្រយោជន៍ និង​សុវត្ថិភាព​ផ្ទាល់ខ្លួន ប្រសិនបើ​ពួកគេ​ហ៊ាន​លើកឡើង យក បញ្ហា​របស់​ខ្មែរក្រោម​ទៅ​ជម្រាប​ដល់​រដ្ឋាភិបាល​ប​ក្ស​កុ​ម្មុយ​និ​ស្ត​យួន ។​

​កញ្ញា ស្រី ណេត ដាក់ញត្តិ​តវ៉ា​ ទៅ​មន្ទីរ​វប្បធម៌ ទេសចរណ៍ និង​កីឡា​ខេត្ត​ព្រះ​ត្រពាំង ។
​នាង សឺន ស្រី ណេត ដាក់ញត្តិ​តវ៉ា​ ទៅ​មន្ទីរ​វប្បធម៌ ទេសចរណ៍ និង​កីឡា​ខេត្ត​ព្រះ​ត្រពាំង ។

​សូមបញ្ជាក់ ស្រះ​គូ ឬ គូ​ស្រះស្រី ជា​រមណីយដ្ឋាន​ល្បីឈ្មោះ​មួយ​ស្ថិតនៅ​ក្នុងភូមិ​តា​គូ ឃុំ​សំរោង ស្រុក កំពង់ធំ ខេត្ត​ព្រះ​ត្រពាំង (ấp Tà Cụ, xã Nguyệt Hóa, huyện Châu Thành) ដែនដី​កម្ពុជា​ក្រោម ។ សព្វថ្ងៃ ទីតាំង​របស់​ស្រះ​គូ ត្រូវ​រដ្ឋាភិបាល​វៀតណាម​ប្ដូរ​អាសយដ្ឋាន​ថ្មី​ទៅជា សង្កា​ត់ទី ៣ ខណ្ឌ​ទី ៨ ទីក្រុង ព្រះ​ត្រពាំង (khóm 3, phường 8 thành phố Trà Vinh ) ។ ស្រះ​គូ នៅជាប់​នឹង​វត្ត​អង្គរ​រាជបុរី (​អង្គ​) និង​សារមន្ទីរ​ខ្មែរ​ខេត្ត​ព្រះ​ត្រពាំង ចម្ងាយ​ពី​មជ្ឈមណ្ឌល ទីក្រុង​ព្រះ​ត្រពាំង ប្រមាណ ៧ គីឡូម៉ែត្រ តាម​បណ្ដោយ​ជាតិ លេខ ៥៣ ។ ស្រះ​គូ មាន​ទំហំ​ទទឹង ៣០០ ម៉ែត្រ និង បណ្ដោយ ៥០០ ម៉េ​ត្រ ក្នុង​បរិវេណ ផ្ទៃដី ១០០.០០០ ម៉ែត្រការ៉េ ក្នុងនោះ​ផ្ទៃដី​ស្រះ​ប្រមាណ ៤៣.០០០ ម៉ែត្រការ៉េ ។ នៅ​ជុំវិញ​បរិវេណ​ស្រះ មាន​ដើម​ឈើទាល និង​គគីរ​ដែលមាន​អាយុកាល​រាប់​ឆ្នាំ ដោយមាន​ឫស​គង​នៅ​លើដី​កម្ពស់​ជិត ២ ម៉េ​ត្រ បង្កើត​ទៅជា​ទេសភាព​ធម្មជាតិ​មួយ​យ៉ាង​ស្រស់ត្រកាល ។​

​វត្ត​អង្គរ​រាជបុរី (​អង្គ​) ដែល​នៅ​ជិត​ស្រះ​គូ​នោះ បានកកើតឡើង​នៅ​ចុង​សតវត្ស​ទី ១០ ក្នុង​គ្រឹសសករាជ ៩៩០ ។ បើ​គិត មក ដល់​ឆ្នាំ ២០១៦ នេះ វត្ត​អង្គរ​រាជបុរី (​អង្គ​) មាន​អាយុកាល ១.០២៦ ឆ្នាំ ។​

​ឆ្នាំ ១៩៩៦ បរិវេណ​វត្ត​អង្គ និង​ស្រះ​គូ ត្រូវបាន​មន្ទីរ​វប្បធម៌ និង​ព័ត៌មាន​នៃ​រដ្ឋាភិបាល​ប​ក្ស​កុ​ម្មុយ​និ​ស្ត​វៀតណាម​ទទួល ស្គាល់​ថា​ជា “​កេរដំណែល​វប្បធម៌​ប្រវត្តិសាស្ត្រ​ថ្នាក់ជាតិ​” របស់​ប្រទេស​វៀតណាម ។​

ស្រះ​គូ ជាទី​កំសាន្ត និង​កន្លែង​សម្រាប់​ចាត់តាំង​បុណ្យជាតិ​សំខាន់ៗ​របស់​ពលរដ្ឋ​ខ្មែរក្រោម​នៅ ខេត្ត​ព្រះ​ត្រ ពាំង ដូចជា ពិធីបុណ្យ​អកអំបុក និង ពិធីបុណ្យ​ចូលឆ្នាំ ជាដើម ៕

DSC09048

DSC09028

Comments are closed.