បទសម្ភាសន៍៖ ការអនុវត្តកិច្ចសន្យារបស់ដ្ឋាភិបាលវៀតណាម ក្នុងការគោរពសិទ្ធិជនជាតិដើមខ្មែរក្រោមម្ចាស់ស្រុក នៅដែនដីកម្ពុជាក្រោម
ដោយ ស៊ឺន ចែងចើន| VOKK
ថ្ងៃទីនេះ ១៣ ខែកញ្ញា ឆ្នាំ ២០១៧ គឺជាខួបគម្រប់ ១០ ឆ្នាំ នៃសេចក្តីប្រកាសរបស់អង្គការសហប្រជាជាតិ ស្តីពីសិទ្ធិជនជាតិដើម (១៣ កញ្ញា ២០០៧-១៣ កញ្ញា ២០១៧) ។
គិតមកដល់ពេលនេះ គឺសេចក្តីប្រកាស ស្តីពីសិទិ្ធជនជាតិដើមមានអាយុកាល ១០ ឆ្នាំមកហើយ ដែលអង្គការសហប្រជាជាតិ បានអនុម័តច្បាប់ ស្តីពីសិទិ្ធជនជាតិដើម មានចំនួន ៤៦ មាត្រា ចូលជាធូរមាន ដោយមានរដ្ឋជាសមាជិកអង្គការសហប្រជាជាតិភាគច្រើនចំនួន ១៤៤ ប្រទេស បានគាំទ្រសេចក្ដីប្រកាសនេះ ក្នុងនោះ វៀតណាមក៏ជាប្រទេសហត្ថលេខីមួយ គាំទ្រលើសេចក្ដីប្រកាសនេះដែរ ។
សេចក្តីអនុម័តច្បាប់ ស្តីពីសិទិ្ធជនជាតិដើមនេះ តម្រូវឲ្យប្រទេសនានា លើពិពភលោក ត្រូវគោរពសិទ្ធិមូលដ្ឋានរបស់ជនជាតិដើម ជាម្ចាស់ទឹកដី ដែលកំពុងស្ថិតនៅក្រោមអាណានិគមរបស់ខ្លួន ។
តើរដ្ឋាភបាលវៀតណាម បានអនុវត្តតាមកិច្ចសន្យារបស់ខ្លួន ក្នុងការគោរពសិទ្ធិជនជាតិដើម និងលើកស្ទួយសិទ្ធិជនជាតិដើមខ្មែរក្រោមម្ចាស់ស្រុក នៅដែនដីកម្ពុជាក្រោម បានពេញលេញហើយឬនៅ ? ។ តើពលរដ្ឋខ្មែរក្រោម មានការយល់ដឹងអំពីខ្លឹមសារនានា ដែលមានចែងនៅក្នុងសេចក្តីប្រកាស របស់អង្គការសហប្រជាជាតិ ស្តីពីសិទ្ធិជនជាតិដើម បានដល់កម្រិតណា ក្នុងខ្លឹមសារនៃមាត្រានីមួយៗ ? ។
សហការីនៃវិទ្យុសំឡេងកម្ពុជាក្រោម លោក ស៊ឺន ចែងចើន បានធ្វើកិច្ចសម្ភាសន៍ លោក តាំង សារៈ ប្រធានសាខាសហព័ន្ធខ្មែរកម្ពុជាក្រោម ប្រចាំប្រទេសកម្ពុជា ជុំវិញការអនុវត្តតាមសេចក្តីប្រកាសជាសកល ស្តីពីសិទ្ធិជនជាតិដើម របស់រដ្ឋាភិបាលវៀតណាម ដែលមានខ្លឹមសារ ដូចតទៅ ៖
