បន្ទាប់ពីសេចក្តីអំពាវនាវ របស់សហព័ន្ធខ្មែរកម្ពុជាក្រោម ឱ្យសាខាសហ ព័ន្ធខ្មែរកម្ពុជាក្រោម, សមាគម ឬវត្តអារាមនានា និងសប្បុរសជន នៅគ្រប់ មជ្ឈដ្ឋាន ជួយរៀបចំបុណ្យផ្កាប្រាក់សាមគ្គី និងរៃអង្គាស ដើម្បីប្រមូលថវិកាយក ទៅកសាង មហាសាលា៣ជាន់ នៅវត្តសាមគ្គីរង្សី នៅទីក្រុងភ្នំពេញ ដែលកំពុង ដំណើរការសាងសង់សព្វថ្ងៃ ក្រោមការដឹកនាំកសាងដោយ ព្រះតេជព្រះគុណ កាន សុផានណារិទ្ធិ ព្រះប្រធានសមាគមព្រះសង្ឃខ្មែរកម្ពុជាក្រោម ហើយកំពុង ខ្វះខាតថវិកាយ៉ាងច្រើននោះ ចាប់ពីថ្ងៃទី ១ ខែ កុម្ភៈ ឆ្នាំ ២០១៤ រហូតមកទល់ បច្ចុប្បន្ននេះ ខ្ញុំព្រះករុណា អាត្មាភាព ទទួលបានថវិកាទាំងអស់រួមមាន៖
ចុចស្ដាប់ Samikyreangsey
ទី១ វត្តខេមររង្សី និងសាខាសហព័ន្ធខ្មែរកម្ពុជាក្រោម នៅទីក្រុងសាន់ហូ ស្សេ ថវិកា ចំនួន ៥០០០ដុល្លារ ។
ទី២ វត្តខ្មែរកម្ពុជាក្រោម និងសាខាសហព័ន្ធខ្មែរកម្ពុជាក្រោម នៅទីក្រុង ឡុងប៊ិច ថវិកា ចំនួន ៣០០០ដុល្លារ ។
ទី៣ សមាគមខ្មែរក្រោម នៅទីក្រុងសែនភីត រដ្ឋផ្លរីដា ដឹកនាំដោយលោក ដាញ់ ពេជ្រ ថវិកា ចំនួន ១៥០០ដុល្លារ។
ទី៤ សាខាសហព័ន្ធខ្មែរកម្ពុជាក្រោម និងសប្បុរសជន នៅទីក្រុងស្តុកតុន ថវិកា ចំនួន ៨០០ ដុល្លារ ។
ទី៥ សមាគមខ្មែរកម្ពុជាក្រោម និងវត្តព្រះពុទ្ធឃោសាចារ្យ នៅទីក្រុងសាន់ ហូស្សេ ថវិកា ចំនួន ៤២០០ ដុល្លារ ។
ទី៦ សាខាសហព័ន្ធខ្មែរកម្ពុជាក្រោម និងវត្តខ្មែរសាមគ្គី នៅទីក្រុងដែនវើ រដ្ឋកូឡូរ៉ាដូ ថវិកា ចំនួន ៣០០០ ដុល្លារ ។
សូមបញ្ជាក់ថា ថវិកា ចំនួន ៣០០០ ដុល្លារ នោះ គណៈកម្មការសាខា បានបែងចែកជាបីចំណែក ទី១ ចំពោះថវិកា កសាងមហាសាលា ៣ ជាន់ នៅវត្តសាមគ្គីរង្សី ចំនួន ២២១៤ ដុល្លារ ទី ២ ចំពោះ សហព័ន្ធខ្មែរកម្ពុជាក្រោម ចំនួន ៦៧៥ ដុល្លារ និងទីបីចំណាយផ្សេងៗ ចំនួន ១១១ ដុល្លារ ។
ទី៧ សាខាសហព័ន្ធខ្មែរកម្ពុជាក្រោម នៅរដ្ឋចរចារ ថវិកា ចំនួន ២៣៥០ ដុល្លារ។
ថវិកាសរុបទាំងអស់ ចំនួន ១៩,០៦៤ ដុល្លារ ។
ទន្ទឹមនឹងនេះ ខ្ញុំព្រះករុណា អាត្មាភាព សូមថ្លែងអំណរព្រះគុណ និងអរ គុណ យ៉ាងជ្រាលជ្រៅ ជាទីបំផុត ចំពោះព្រះសង្ឃគ្រប់ព្រះអង្គ និងគណៈកម្ម ការ អាចារ្យវត្តគ្រប់វត្ត និងសាខាសហព័ន្ធខ្មែរកម្ពុជាក្រោម រួមទាំងសប្បុរសជន គ្រប់ទីសទី បានចំណាយពេលវេលា ទាំងកម្លាំង កាយ ចិត្ត និងថវិកា បានរៀប ចំបុណ្យផ្កាប្រាក់ និងរៃអង្គាសប្រាក់ពីសប្បុរសជន នូវថវិកាទាំងអស់នេះ ដើម្បី យកទៅកសាងមហាសាលា៣ជាន់ នៅវត្តសាមគ្គីរង្សី ស្ថិតនៅភូមិទ្រា ខ័ណ្ឌ ស្ទឹងមានជ័យ រាជធានីភ្នំពេញ ដែលកំពុងមានការខ្វះខាត។
ឆ្លៀតក្នុងឱកាសនេះដែរ តាងនាមប្រធានគណៈកម្មការសាងសង់ និងជា ព្រះប្រធានសមាគមព្រះសង្ឃខ្មែរកម្ពុជាក្រោម សូមអំពាវនាវ ចំពោះបងប្អូនជន រួមជាតិ, សមាគម, វត្តអារាម, សប្បុរសជន និងសាខាសហព័ន្ធខ្មែរកម្ពុជាក្រោម នៅជុំវិញភពលោក រួមជាកម្លាំង ដើម្បីប្រមូលថវិកាយកទៅកសាងមហាសាលា ៣ ជាន់ ដែលកំពុងដំណើរការ សាង់ សងសព្វថ្ងៃ ឱ្យឆាប់បានសម្រេចជាស្ថាពរ ព្រោះវត្តសាមគ្គីរង្សី នៅទីក្រុងភ្នំពេញ គឺជាមជ្ឈមណ្ឌលខ្មែរកម្ពុជាក្រោម ។
សូមពុទ្ធពរទាំងឡាយ៤ប្រការគឺ អាយុ វណ្ណៈ សុខៈ និងពលៈ ចូលកើត មានដល់ ព្រះតេជព្រះគុណគ្រប់ព្រះអង្គ និង លោក លោកស្រី ព្រមទាំងសប្បុ រសជនជិតឆ្ងាយ គ្រប់ពេលវេលា កុំបីឃ្លៀងឃ្លាតឡើយ។
សហរដ្ឋអាមេរិក, ថ្ងៃទី ១៨ ខែ កុម្ភៈ ឆ្នាំ ២០១៤
អំពីខ្ញុំព្រះករុណា អាត្មាភាព
ភិក្ខុ កាន សុផានណារិទ្ធិ
ប្រធានគណៈកម្មការសាងសង់ និងជាព្រះប្រធានសមាគមព្រះសង្ឃខ្មែរកម្ពុជាក្រោម
