ជីវិត​តស៊ូ​របស់​យុវជន​ ​តោ​ ​វ៉ាង​ ចឿ​ង​ ​ដើម្បី​សិទ្ធិ​សេរីភាព​ខ្មែរក្រោម​

0 457

ដោយ គឹម សាវតា

យុវជន​ខ្មែរក្រោម​ ដែល​រស់នៅ​ដែនដី​កម្ពុជាក្រោម​ ជាបន្តបន្ទាប់​ ​បាន​ដឹង​ពី​សិទ្ធិ​របស់​ខ្លួន​ ក្នុងនាម​ជា​ជនជាតិ​ដើម​ ​។​ ​ក្រោយ​ពី​យល់​ដឹង​ហើយ​ ​ក៏​ព្យាយាម​ចែករំលែក​ ​និង​ជួយការ​ពារ​សិទ្ធិ​ដល់​ពលរដ្ឋ​ខ្មែរក្រោម ​ដទៃទៀត ដែល​រង​ការ​រំលោភបំពាន​ផង​ដែរ​ ​។​ ​យ៉ាងនេះ​ក្តី​ យុវជន​ទាំងនោះ​ ក៏​រង​ការ​គំរាមកំហែង​ពី​អាជ្ញាធរ​វៀតណាម​ជារឿយៗ​ ផង​ដែរ​ ​ក្នុង​នោះ លោក​ ​តោ​ ​វ៉ាង​ ចឿ​ង​ ​គឺជា​យុវជន​មួយ​រូប​ ដែល​ធ្វើការ​តស៊ូ​មតិ​យ៉ាងសកម្ម​ ​ដើម្បី​ជ​ម្រុ​ញ​ឲ្យ​រដ្ឋាភិបាល​វៀតណាម​គោរព​នូវ​សិទ្ធិ​ជា​មូលដ្ឋាន​របស់​ខ្លួន​ នៅ​ដែនដី​កម្ពុជាក្រោម​ ​។​ ​តើ​ យុវជណ ​តោ​ ​វ៉ាង​ ចឿ​ង​ ​ជា​នរណា​? ​និង​តើ​យុវជន​រូប​នេះ​ ​មានការ​គំរាមកំហែង​អ្វីខ្លះ​? ​។

​យុវជន តោ​ ​ហ្វា​ង​ ចឿ​ង ជាមួយសៀវភៅ​ ​«​ពន្លឺ​សិទ្ធិ​សម្រេច​វាសនា​ខ្លួន​ដោយខ្លួនឯង​»​ និពន្ធ​ដោយ​ព្រះ​តេព្រះជគុណ​ ​ថា​ច់ ​ប្រីជា​គឿ​ន ។ រូបៈ ហ្វេសប៊ុក To Hoang Chuong
​យុវជន តោ​ ​ហ្វា​ង​ ចឿ​ង ជាមួយសៀវភៅ​ ​«​ពន្លឺ​សិទ្ធិ​សម្រេច​វាសនា​ខ្លួន​ដោយខ្លួនឯង​»​ និពន្ធ​ដោយ​ព្រះ​តេព្រះជគុណ​ ​ថា​ច់ ​ប្រីជា​គឿ​ន ។ រូបៈ ហ្វេសប៊ុក To Hoang Chuong

​យុវជន​ ​តោ​ ​វ៉ាង​ ចឿ​ង​ ​រស់នៅ​ក្នុង​ឃុំ​ដើម​ជ្រៃ​ ​ស្រុក​ផ្នោ​ដាច់​ ​ខេត្ត​ព្រះត្រពាំង​ ​ដោយមាន​ឪពុក​ម្ដាយ​ជា​កសិករ​ ​និង​មាន​បងប្អូន​ ​៦​ ​នាក់​ ​ក្នុង​នោះ​លោក​ជា​កូន​ទី​ ​៦​ ​ពោល​គឺ​កូនពៅ​ ​។​

​ក្នុង​វ័យ​ ​៥​ ​ឆ្នាំ​ ​យុវជន​ ​តោ​ ​វ៉ាង​ ចឿ​ង​ ​បាន​ចូល​សិក្សា​ថ្នាក់​បឋមសិក្សា​ភាសា​យួន​របស់​រដ្ឋាភិបាល​វៀតណាម​ ​រហូតដល់​ថ្នាក់​ទី​ ​១​០​ ​ក៏បាន​ឈប់​សិក្សា​ ​និង​បាន​ចូល​បួស​រៀន​រហូតដល់​បាន​ចប់​ថ្នាក់​បាលី​រង​ ​។​ ​

យុវជន​ ​តោ​ ​វ៉ាង​ ចឿ​ង​ ​«​តាំងពី​ខ្ញុំ​កើត​ពី​ពោះ​ម៉ែ​មក​ ​គាត់​ក៏​ឲ្យទៅ​រៀន​ហ្នឹង​ ​ជាដំបូង​គាត់​ឲ្យ​រៀន​ជា​ភាសា​យួន​ ​រៀន​ភាសា​យួន​រហូតដល់​ថ្នាក់​ទី​ ​១​០​ ​រួច​ដល់​ខ្ញុំ​វ័យ​ ​២​០​ ​ឪពុក​ ​ម្ដាយ​ក៏​ឲ្យទៅ​បួស​ ​ទៅ​បួស​ជា​ព្រះសង្ឃ​ នៅ​ឆ្នាំ​ ​២​០​០​៦​ ​។ ​រួច​បាន​ទៅ​សិក្សា​រៀនសូត្រ​តាម​វត្ត​នានា​ ហ្នឹង​ចូល​ដល់​បាលី​ទី​ ​៣​ ​គឺ​ថ្នាក់​បាលី​រង​ ​ពេល​ចប់​បាលី​ថ្នាក់​ទី​ ​៣​ ​ហ្នឹង​ ​ខ្ញុំ​អស់​និស្ស័យ​ ក៏​សឹក​មក​ជា​គ្រហស្ថ​វិញ​ទៅ​​»​ ​។​

ក្រោ​ពី​លា​ចាកសិក្ខាបទ​ ​យុវជន​ដែល​ជា​កូនពៅ​រូប​នេះ​ បាន​ទៅ​ធ្វើការ​ជា​កម្មករ​ ​ទៅ​ក្រុង​ព្រៃនគរ​ ​រយៈពេល​ ​២​ ​ឆ្នាំ​ ​។​ ​ស្រប​ពេល​គ្នា​នេះ ​ក៏បាន​រៀប​អា​ពា​ពិពាហ៍​ជាមួយ​នារី​ ​ឈ្មោះ​ ​គឹម​ ធី ហើ​ង​ ​ជា​ស្រ្តី​ដែល​កើត​នៅ​ខេត្ត​ឃ្លាំង​ ​ហើយ​មកទល់​ពេលនេះ​លោក​​​មាន​កូនប្រុស​ចំនួន​ ​២​ ​នាក់​ ​។​

និយាយ​ពីដើម​ទង​នៃ​ការចូលរួម​កិច្ចការ​សង្គម​ខ្មែរក្រោម​ ​លោក​ ​តោ​ ​វ៉ាង​ ចឿ​ង​ ​ឲ្យដឹង​ថា​ ​គឺ​ចាប់ផ្ដើម​នៅពេល ដែល​លោក​ចូល​បួស​រៀន​ ​ហើយ​ស្ដាប់​ប្រវត្តិ​ទឹកដី​កម្ពុជាក្រោម​ ​ពី​គ្រូ​ដែល​លោក​បាន​ទៅ​រៀន​ជាមួយ​ ​និង​បាន​ស្ដាប់​ព័ត៌មាន​ផ្សេង​ៗ​តាម​បណ្ដាញ​សង្គម​ ​និង​ជួប​ដោយ​ផ្ទាល់​ ​ឃើញ​ថា​ ​ខ្មែរក្រោម​បាត់​សិទ្ធិ​សេរីភាព​ ​បាត់​អ្វីៗ ​តាំង​អស់ ហើយ​ទុកឲ្យ​ពលរដ្ឋ​ខ្មែរក្រោម ​អាច​ប្រកបរបរ​ត្រឹមតែ​មួយ​រស់​ប៉ុណ្ណោះ​ ​ទើប​លោក​ចាប់ផ្តើម​តស៊ូ​ទាមទារ​ក្នុងនាម​ជា​ម្ចាស់​ស្រុក​ ​។​ ​

យុវជន​ ​តោ​ ​វ៉ាង​ ចឿ​ង​ ​«​ក្នុងនាម​យើង​ជា​ម្ចាស់​ស្រុក​ហ្នឹង​ ​យើង​ចង់​បានអ្វី​ ​បើ​សិន​យើង​មិន​ស្តី​ ​យើង​មិន​និយាយ​ ​រដ្ឋាភិបាល​ហ្នឹង​បំបាត់​រហូត​ ​។​ ​សព្វថ្ងៃ​ហើយ​ដឹង​ហើយ​យើង​នៅ​កុមុ​យ​នី​ស្ត​ ​គេ​មានតែ​ភាព​បំបាត់​ ​បំបាត់​យើង​ ​គេ​មិន​ឲ្យ​យើង​រីក​ចម្រើន​ ​មិន​ឲ្យ​យើង​ហ្នឹង​ដឹង​អ្វី​ទាំងអស់​»​ ​។​

​យុវជន​ ដែល​មាន​សក់រួញ​រូប​នេះ ​បន្ត​ថា ​កិច្ចការ​ដែល​លោក​ចូលរួម​ទាមទារ​សិទ្ធិ​ ​និង​ចែករំលែក​ចំណេះ​ដឹង​ផ្សេងៗ​ គឺ​មានការ​ប៉ះទង្គិច​ជាមួយ​អាជ្ញាធរ​វៀតណាម​ ជាបន្តបន្ទាប់​ ​តាំងពី​ថ្នាក់​ឃុំ​ ​រហូតដល់​ថ្នាក់​ខេត្ត​ ​និង​រង​ការ​គំរាមកំហែង​ជាច្រើន​ដង​ ​។​ ​

យុវជន​ ​តោ​ ​វ៉ាង​ ចឿ​ង​ ​«​បើ​យើង​ខ្លាច​ ​ក៏​វា​នៅតែ​សំឡុត​ ​បើ​យើង​ហ៊ាន​ក៏​វា​នៅតែ​សំឡុត​ ​ប៉ុន្តែ​យើង​តាំងចិត្ត​ថា​យើង​ហ៊ាន​ ​ហ៊ាន​ដើម្បី​បញ្ចេញមតិ​ ​ហ៊ាន​និយាយ​ ​ហ៊ាន​ថាតាម​សិទ្ធិ​ ​ដើម្បី​ទាមទារ​នូវ​សិទ្ធិ​»​ ​។

​ការ​គំរាមកំហែង​ ​ការ​ធ្វើទុក្ខបុកម្នេញ​ ​បាន​ធ្វើឲ្យ​ប៉ះពាល់​ដល់​ជីវភាព​គ្រួសារ​ ​លោក​ ​តោ​ ​វ៉ាង​ ចឿ​ង​ ​ព្រោះថា​ ​លោក​ ​និង​ប្រពន្ធ​ពិបាក​ក្នុង​ធ្វើការ​ ​និង​ប្រកបរបរចិញ្ចឹមជីវិត​ ​។​ ​ទោះជាយ៉ាងណា​ លោក​ថា​ ​ទោះបី​រដ្ឋាភិបាល​ ​និង​អាជ្ញាធរ​ ​បន្ត​គំរាម​ ​និង​គាបសង្កត់​ដោយ​ផ្ទាល់​ ​និង​ដោយប្រយោល​ក្តី​ ​ក៏​យុវជន​ ​តោ​ ​វ៉ាង​ ចឿ​ង​ ​នៅតែ​បន្ត​សកម្មភាព​ទាមទារ​សិទ្ធិ​ជូន​ពលរដ្ឋ​ខ្មែរក្រោម​ ​ក្រោម​ហេតុផល​តែមួយ​គត់​គឺ ​ដើម្បី​ជាតិ​ ​មាតុភូមិ​របស់​ខ្លួន​ ​។​ ​

លោក​ ​តោ​ ​វ៉ាង​ ចឿ​ង​ ​«​​ទោះបី​រដ្ឋាភិបាល​យួន​ ​គេ​គំរាម​ ​គេ​សំឡុត​ ​គេ​ផ្ញើ​ពាក្យ​ពីនេះ ពីនោះ​មក​ ​បំបាក់​ស្មារតី​ខ្ញុំ​ ​ក៏​ខ្ញុំ​មិន​ទន់ខ្សោយ​ទេ​បាទ​ ​នៅតែ​រឹង​ប៉ឺង​ ​។​ ​អ្នកឯង​កាន់តែ​គំរាម​ ​កាន់តែ​សំឡុត​ ​ទឹកចិត្ត​ខ្ញុំ​កាន់តែ​រឹង​មាំ ដើម្បី​ទាមទារ​សិទ្ធិ​ជូន​ជនជាតិ​ដើម​ខ្មែរក្រោម​ ​ខ្ញុំ​នៅតែ​បន្ត​រហូត​ ​មិន​ខ្លាច​នូវ​ប៉ះ​ឧបសគ្គ​»​ ​។​

​លោក​ ថើ​ស​ ​ច​ន្រ្ទា ​តំណាង​ក្រុមប្រឹក្សា​យុវជន​ខ្មែរ​កម្ពុជាក្រោម​ ​ដែល​មាន​មូលដ្ឋាន​នៅ​ប្រទេស​កម្ពុជា​ ​មានប្រសាសន៍ថា​ ​សកម្មភាព​ផ្សព្វផ្សាយ​ ​និង​តស៊ូ​មតិ​ ​ដើម្បីឲ្យ​ពលរដ្ឋ​ខ្មែរក្រោម​ ចេះ​ប្រើប្រាស់​នូវ​សិទ្ធិ​ជា​មូលដ្ឋាន​របស់​ខ្លួន​ក្នុងនាម​ជា​ម្ចាស់​ស្រុក​នោះ​ ​គឺ​មាន​តិចតួច​ណាស់​ ​ដូច្នេះ​ ​ការ​សកម្មភាព​តស៊ូ​មតិ​របស់​យុវជន​ ​តោ​ ​វ៉ាង​ ចឿ​ង​ ​និង​យុវជន​ដទៃទៀត ​គឺជា​អ្វី​ដែល​គួរ​កោតសរសើរ​ ​និង​លើកទឹកចិត្ត​ ​ព្រោះថា​ ​បើ​ទោះ​ជា​មាន​ការគាបសង្កត់​សិទ្ធិ​សេរីភាព​ ​មានការ​គំរាមកំហែង​ក្តី​ ​ប៉ុន្តែ​ យុវជន​ទាំងនោះ​ ​នៅតែ​បន្ត​សកម្មភាព​ ​។​ ​

លោក​ ថើ​ស​ ​ច​ន្រ្ទា ​«​ពួកគាត់​ធ្វើ​ហ្នឹង ​គឺ​ទើប​តែ​ធ្វើ​នៅ​រយៈពេល​ប៉ុន្មាន​ឆ្នាំនេះ​ដែរ​ទេ​ ​អញ្ចឹង​គួរតែ​លើកទឹកចិត្ត​ ​បន្ត​ឲ្យ​ពួកគាត់​ធ្វើ​បន្ត​ទៀត​ ​។​ ​ចំពោះ​ពួកយើង​នៅ​ឯណេះ​ (​កម្ពុជា​) ​យើង​សហការ​ធ្វើ​យ៉ាងម៉េច​ជួយ​ពួកគាត់​តាម​លទ្ធភាព ដែល​អាច​ជួយ​ទៅ​បាន​ ​ហើយ​មិនមែន​ទាក់ទង​នឹង​លុយកាក់​អី​ទេ​ ​តែ​ជា​ការ​ប្រឹក្សា​យោបល់​អី​ផ្សេងៗ​»​ ​។​

​លោក​ ​តោ​ ​វ៉ាង​ ចឿ​ង​ ​«​កើត​មួយជាតិ​ហ្នឹង​ ​បេះ​ដូច​ជូន​ជាតិ​ ​ធាតុ​ជូន​មាតា​ ​គឺថា​ ​ខ្ញុំ​មិន​អាច​ថយក្រោយ​បាន​នោះ​ទេ​ ​គឺថា​អ្វី​ដើម្បី​សិទ្ធ​សេរីភាព​ខ្មែរក្រោម​ ​គឺថា​ខ្ញុំ​ហ៊ាន​លះបង់​ទាំងអស់​ ​គឺថា​ខ្ញុំ​នៅតែ​ធ្វើ​ដល់​ដង្ហើម​ចុងក្រោយ​របស់​ខ្ញុំ​»​ ​។​

នេះ​ជា​ការ​ប្តេជ្ញា​ចិត្ត​របស់​យុវជន​ ​តោ​ ​វ៉ាង​ ចឿ​ង​ ​ចំពោះ​ការ​តស៊ូ​មតិ​ក្នុងនាម​ជា​ជនជាតិ​ដើម​រស់នៅ​លើ​ដី​កំណើត​ដែល​កំពុង​គ្រប់គ្រង​ ​និង​ត្រួត​តា្រ​ដោយ​វៀតណាម​ ​៕​

Leave A Reply

Your email address will not be published.